Dark Underarms: ಕಪ್ಪಾಗಿರುವ ಕಂಕುಳನ್ನು ಬೆಳ್ಳಗಾಗಿಸಲು ಈ ಸಿಂಪಲ್​ ಮನೆಮದ್ದು ಟ್ರೈ ಮಾಡಿ

ಕಪ್ಪಾಗಿರುವ ಕಂಕುಳಿನಿಂದಾಗಿ ನೆಚ್ಚಿನ ಉಡುಗೆಯನ್ನು ಸಹ ಧರಿಸಲು ಸಾಧ್ಯವಾಗುವುದಿಲ್ಲ. ಕಂಕುಳಿನ ಕೂದಲನ್ನು ತೆಗೆಯಲು ಶೇವಿಂಗ್ ಮಾಡುವುದು ಅಥವಾ ಹೇರ್​​ ರಿಮೂವಲ್​​ ಕ್ರೀಮ್​​ ಮುಂತಾದ ರಾಸಾಯನಿಕಗಳಿರುವ ಕ್ರೀಮ್ ಅಥವಾ ಸಾಬೂನು ಬಳಸುವುದು, ಆಲ್ಕೋಹಾಲ್ ಆಧಾರಿತ ಡಿಯೋಡರೆಂಟ್‌ಗಳನ್ನು ಬಳಸುವುದು, ಶುದ್ಧೀಕರಣದ ಬಗ್ಗೆ ಕಾಳಜಿ ವಹಿಸದ ಕಾರಣ ಡೆಡ್ ಸ್ಕಿನ್ ಶೇಖರಣೆ, ಇತ್ಯಾದಿಗಳಿಂದಾಗಿ ಕಂಕುಳಿನ ಚರ್ಮವು ಕಪ್ಪಾಗಲು ಪ್ರಾರಂಭಿಸುತ್ತದೆ. ಈ ಕಪ್ಪು ಚರ್ಮವನ್ನು ತೊಡೆದುಹಾಕಲು, ನೀವು ದುಬಾರಿ ಉತ್ಪನ್ನಗಳನ್ನು ಅಥವಾ ಚಿಕಿತ್ಸೆಗಳನ್ನು ಖರೀದಿಸುವ ಅಗತ್ಯವಿಲ್ಲ, ಏಕೆಂದರೆ ಕಪ್ಪಾಗಿರುವ ಕಂಕುಳನ್ನು ಬೆಳ್ಳಗಾಗಿಸಲು ಈ ಸಿಂಪಲ್​ ಮನೆಮದ್ದು ಟ್ರೈ ಮಾಡಿ.

ತೆಂಗಿನ ಎಣ್ಣೆ:

ಕಂಕುಳಲ್ಲಿನ ಕಪ್ಪು ಕಲೆಯನ್ನು ಹೋಗಲಾಡಿಸಲು ತೆಂಗಿನೆಣ್ಣೆಯಲ್ಲಿ ವಿಟಮಿನ್ ಇ ಕ್ಯಾಪ್ಸೂಲ್ ಗಳನ್ನು ಬೆರೆಸಿ ಚರ್ಮಕ್ಕೆ ಹಚ್ಚಿಕೊಳ್ಳಬಹುದು. ವಿಟಮಿನ್ ಇ ಚರ್ಮವನ್ನು ಹಗುರಗೊಳಿಸಲು ಸಹಾಯ ಮಾಡುತ್ತದೆ ಮತ್ತು ತೆಂಗಿನ ಎಣ್ಣೆ ಚರ್ಮವನ್ನು ಪೋಷಿಸುತ್ತದೆ. ಸ್ನಾನಕ್ಕೆ 1 ಗಂಟೆ ಮೊದಲು ಈ ಮಿಶ್ರಣವನ್ನು ಪ್ರತಿದಿನ ಹಚ್ಚಿ ಮತ್ತು ನಂತರ ಅದನ್ನು ಉಗುರು ಬೆಚ್ಚಗಿನ ನೀರಿನಿಂದ ಸ್ವಚ್ಛಗೊಳಿಸಿ.

ಇದನ್ನೂ ಓದಿ: ಅನಂತ್ ಅಂಬಾನಿಯ 2ನೇ ಪ್ರೀ ವೆಡ್ಡಿಂಗ್ ಸಂಭ್ರಮದ ಐಷಾರಾಮಿ ಹಡಗು ಹೇಗಿದೆ ನೋಡಿ

ನಿಂಬೆ ರಸ:

ಕಂಕುಳಲ್ಲಿನ ಕಪ್ಪು ಕಲೆಯನ್ನು ಹೋಗಲಾಡಿಸಲು ನಿಂಬೆ ತುಂಬಾ ಪರಿಣಾಮಕಾರಿಯಾಗಿದೆ, ಏಕೆಂದರೆ ಇದು ನೈಸರ್ಗಿಕ ಬ್ಲೀಚಿಂಗ್ ಏಜೆಂಟ್ಗಳನ್ನು ಹೊಂದಿರುತ್ತದೆ. ಇದಕ್ಕಾಗಿ ನೀವು ನಿಂಬೆಹಣ್ಣನ್ನು ಮಧ್ಯದಿಂದ ಕತ್ತರಿಸಿ ನಿಮ್ಮ ಕಂಕುಳಲ್ಲಿ ಕೆಲವು ನಿಮಿಷಗಳ ಕಾಲ ಮಸಾಜ್ ಮಾಡಿ ನಂತರ ಸ್ನಾನ ಮಾಡಿ. ನಿಂಬೆಯನ್ನು ಅನ್ವಯಿಸಿದ ನಂತರ ಮಾಯಿಶ್ಚರೈಸರ್ ಅನ್ನು ಅನ್ವಯಿಸಲು ಮರೆಯಬೇಡಿ, ಏಕೆಂದರೆ ಇದು ಚರ್ಮವನ್ನು ಒಣಗಿಸುತ್ತದೆ.

ಅಡಿಗೆ ಸೋಡಾ:

ಅಡುಗೆ ಸೋಡಾ ಬಹುತೇಕ ಮನೆಗಳ ಅಡುಗೆಮನೆಯಲ್ಲಿ ಸುಲಭವಾಗಿ ದೊರೆಯುತ್ತದೆ. ಕಂಕುಳಲ್ಲಿನ ಕಪ್ಪನ್ನು ಹೋಗಲಾಡಿಸಲು ಅಡುಗೆ ಸೋಡಾಕ್ಕೆ ನೀರು ಸೇರಿಸಿ ಪೇಸ್ಟ್ ತಯಾರಿಸಿ ಚರ್ಮಕ್ಕೆ ಹಚ್ಚಿ ಮತ್ತು ಲಘು ಕೈಗಳಿಂದ ಸ್ಕ್ರಬ್ ಮಾಡಿ. ಇದು ಚರ್ಮದ ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ ಮತ್ತು ಕ್ರಮೇಣ ಚರ್ಮದ ಕಪ್ಪು ಕಲೆ ಕಡಿಮೆಯಾಗಲು ಪ್ರಾರಂಭಿಸುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ