Chocolate Day 2024 Date: ಚಾಕೋಲೇಟ್ ದಿನ ಯಾವಾಗ?; ಅದರ ಇತಿಹಾಸ, ವಿಶೇಷತೆಯೇನು?

ಚಾಕೊಲೇಟ್ ವರ್ಷಪೂರ್ತಿ ಹೆಚ್ಚು ತಿನ್ನುವ ಆಹಾರವಾಗಿದೆ. ಮಾನವರು ಪ್ರತಿ ವರ್ಷ 3 ಮಿಲಿಯನ್ ಟನ್‌ಗಳಿಗಿಂತ ಹೆಚ್ಚು ಕೋಕೋವನ್ನು ಬೆಳೆಯುತ್ತಾರೆ ಮತ್ತು ಸೇವಿಸುತ್ತಾರೆ ಎಂದು ನಿಮಗೆ ಗೊತ್ತಿದೆಯೇ? ಈಗಾಗಲೇ ಪ್ರೇಮಿಗಳ ವಾರ ಶುರುವಾಗಿದೆ. ರೋಸ್ ಡೇ (Rose Day), ಪ್ರಪೋಸ್ ಡೇ (Propose Day) ಆದ ನಂತರ ಬರುವ 3ನೇ ಆಚರಣೆಯೇ ಚಾಕೋಲೇಟ್ ಡೇ (Chocolate Day). ಚಾಕೋಲೇಟ್​ನಲ್ಲಿ ಹಲವು ವಿಧಗಳಿವೆ. ಚಾಕೊಲೇಟ್ ದಿನವು ಪ್ರೇಮಿಗಳ ವಾರದ ಮೂರನೇ ದಿನವಾಗಿದೆ. ಈ ಬಾರಿ ಕೂಡ ಫೆ. 9ರಂದು ಚಾಕೋಲೇಟ್ ದಿನವನ್ನು ಆಚರಿಸಲಾಗುತ್ತದೆ.

ಪ್ರೇಮಿಗಳ ವಾರವನ್ನು ಪ್ರತಿ ವರ್ಷ ಫೆಬ್ರವರಿ ತಿಂಗಳ ಎರಡನೇ ವಾರದಲ್ಲಿ ಆಚರಿಸಲಾಗುತ್ತದೆ. ಪ್ರೇಮಿಗಳ ವಾರವು ಫೆಬ್ರವರಿ 7ರಂದು ರೋಸ್ ದಿನದಿಂದ ಪ್ರಾರಂಭವಾಗುತ್ತದೆ ಮತ್ತು ಫೆಬ್ರವರಿ 14ರಂದು ಪ್ರೇಮಿಗಳ ದಿನದೊಂದಿಗೆ ಕೊನೆಗೊಳ್ಳುತ್ತದೆ. ಈ ವಾರವು ರೋಸ್ ಡೇ, ಪ್ರಪೋಸ್ ಡೇ, ಚಾಕೊಲೇಟ್ ಡೇ, ಟೆಡ್ಡಿ ಡೇ, ಪ್ರಾಮಿಸ್ ಡೇ, ಹಗ್ ಡೇ ಮತ್ತು ಕಿಸ್ ಡೇ ಅನ್ನು ಒಳಗೊಂಡಿದೆ.

ಇದನ್ನೂ ಓದಿ: Rose Day 2024 Date: ರೋಸ್ ಡೇ ಯಾವಾಗ?; ಅದರ ಇತಿಹಾಸ, ಮಹತ್ವದ ಬಗ್ಗೆಯೂ ನಿಮಗೆ ಗೊತ್ತಿರಲಿ

ಚಾಕೊಲೇಟ್ ದಿನವನ್ನು ಪ್ರೀತಿಯ ವಿಶೇಷ ವಾರದ ಮೂರನೇ ದಿನವಾಗಿ ಆಚರಿಸಲಾಗುತ್ತದೆ. ಚಾಕೊಲೇಟ್ ಮೊದಲು ಕಹಿ ಪಾನೀಯವಾಗಿ ಪ್ರಾರಂಭವಾಯಿತು. ನಂತರ ಅದನ್ನು ಸಿಹಿತಿಂಡಿಯಾಗಿ ಬಳಸಲಾರಂಭಿಸಲಾಯಿತು. ಅತ್ಯಂತ ಬೇಗ ಈ ಚಾಕೋಲೇಟ್ ಸಿಹಿಪ್ರಿಯರ ಮನಸು ಗೆದ್ದಿತು. ಚಾಕೊಲೇಟ್ ದಿನದಂದು ಜನರು ತಮಗೆ ಪ್ರಿಯರಾದವರಿಗೆ ಅವರ ಇಷ್ಟದ ಚಾಕೊಲೇಟ್‌ಗಳನ್ನು ಉಡುಗೊರೆಯಾಗಿ ನೀಡುತ್ತಾರೆ.

ಚಾಕೊಲೇಟ್ ವ್ಯಕ್ತಿಯ ಮನಸ್ಥಿತಿಯ ಮೇಲೆ ಭಾರೀ ಪರಿಣಾಮ ಬೀರುತ್ತದೆ. ಇದು ಅವರನ್ನು ಸಂತೋಷ ಮತ್ತು ಉಲ್ಲಾಸಗೊಳಿಸುತ್ತದೆ. ಕೋಕೋ ಬೀನ್ಸ್ ಚಾಕೊಲೇಟ್‌ಗಳನ್ನು ತಯಾರಿಸಲು ಬಳಸುವ ಪ್ರಾಥಮಿಕ ಘಟಕಾಂಶವಾಗಿದೆ. ಇದು ಅವುಗಳ ಆರೋಗ್ಯ ಪ್ರಯೋಜನಗಳಿಗೂ ಹೆಸರುವಾಸಿಯಾಗಿದೆ.

ಇದನ್ನೂ ಓದಿ: Valentine’s Week List 2024: ರೋಸ್​ ದಿನದಿಂದ ಪ್ರೇಮಿಗಳ ದಿನದವರೆಗೆ; ಪ್ರೇಮಿಗಳ ವಾರದ ಬಗ್ಗೆ ನಿಮಗೂ ಗೊತ್ತಿರಲಿ

ಚಾಕೊಲೇಟ್ ಮೇಲಿನ ಪ್ರೀತಿಗೆ ವಯಸ್ಸು ಅಥವಾ ಲಿಂಗದ ಮಿತಿಯಿಲ್ಲ. ಇದು ಎಲ್ಲಾ ತಲೆಮಾರುಗಳ ಜನರು ಇಷ್ಟಪಡುವ ಮತ್ತು ಆನಂದಿಸುವ ಖಾದ್ಯವಾಗಿದೆ. ಚಾಕೊಲೇಟ್ ದಿನವನ್ನು ಆಚರಿಸಲು ಉತ್ತಮ ಮಾರ್ಗವೆಂದರೆ ನಮ್ಮ ಪ್ರೀತಿಪಾತ್ರರೊಂದಿಗೆ ಚಾಕೊಲೇಟ್ ಬಾರ್ ಅನ್ನು ಹಂಚಿಕೊಳ್ಳುವುದು. ಜನರಿಗೆ ಚಾಕೊಲೇಟ್‌ಗಳನ್ನು ಉಡುಗೊರೆಯಾಗಿ ನೀಡುವುದು.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ