ಹಿಂದಿನ ಮೂರು ವರ್ಷಗಳಲ್ಲಿ ಸಂಸದರು ನೀಡಿದ್ದು 913 ಭರವಸೆ, ಇವುಗಳಲ್ಲಿ ಈಡೇರಿದ್ದು 583: ಸರ್ಕಾರ

ದೆಹಲಿ ಜುಲೈ 22: ಹಿಂದಿನ ಮೂರು ವರ್ಷಗಳಲ್ಲಿ ಸಂಸದರು 913 ಭರವಸೆಗಳನ್ನು ನೀಡಿದ್ದಾರೆ ಎಂದು ಸಂಸದೀಯ ವ್ಯವಹಾರಗಳ ರಾಜ್ಯ ಸಚಿವ (MoS) ಎಲ್ ಮುರುಗನ್ (L Murugan) ಸೋಮವಾರ ರಾಜ್ಯಸಭೆಗೆ (Rajya Sabha) ತಿಳಿಸಿದ್ದಾರೆ. ಇದರಲ್ಲಿ 583 ಆಶ್ವಾಸನೆಗಳನ್ನು ಈಡೇರಿಸಲಾಗಿದೆ, ಉಳಿದ 330 ಇನ್ನೂ ಅನುಷ್ಠಾನಗೊಳ್ಳಬೇಕಿದೆ ಎಂದು  ಸಂಸತ್ತಿನ ಮೇಲ್ಮನೆಯಲ್ಲಿ ಪೂರಕ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಿದ ಮುರುಗನ್ ಹೇಳಿದ್ದಾರೆ. ನೀತಿಗಳಲ್ಲಿ ಬದಲಾವಣೆ ಮತ್ತು ತಿದ್ದುಪಡಿಗಳ ಅಗತ್ಯತೆಯಿಂದಾಗಿ ಇನ್ನೂ ಕಾರ್ಯಗತಗೊಳಿಸಬೇಕಾದವುಗಳನ್ನು ಪೂರೈಸಲು ಸಾಧ್ಯವಾಗಲಿಲ್ಲ. ಘೋಷಣೆಯ ದಿನಾಂಕದಿಂದ ಮೂರು ತಿಂಗಳ ಅವಧಿಯಲ್ಲಿ ಭರವಸೆಯನ್ನು ಪೂರೈಸಬೇಕು. ಪೂರ್ಣಗೊಳ್ಳದವರಿಗೆ ವಿಸ್ತರಣೆ ಕೋರಲಾಗಿದೆ  ಎಂದು ಸಚಿವರು ತಿಳಿಸಿದರು.

ಸಂಸದೀಯ ವ್ಯವಹಾರಗಳ ರಾಜ್ಯ ಖಾತೆ ಸಚಿವ ಮುರುಗನ್, ಮೂರು ವರ್ಷಗಳ (ವರ್ಷಕ್ಕೆ ಮೂರು ಅಧಿವೇಶನಗಳು) ಸಂಸತ್ತಿನ ಹಿಂದಿನ ಒಂಬತ್ತು ಅಧಿವೇಶನಗಳಲ್ಲಿ ಸಂಸದರು ನೀಡಿದ ಒಟ್ಟು ಭರವಸೆಗಳ ವಿವರವನ್ನು ನೀಡಿದ್ದಾರೆ.

ಸಂಸತ್ತಿನ 253ನೇ ಅಧಿವೇಶನದಲ್ಲಿ 120 ಆಶ್ವಾಸನೆಗಳನ್ನು ನೀಡಲಾಗಿದೆ. 254 ರಿಂದ 262 ರವರೆಗೆ, ಸಂಖ್ಯೆಯು ಕ್ರಮವಾಗಿ 105, 25, 221, 70, 95, 118, 99, 0 ಮತ್ತು 60 ಆಗಿದೆ ”ಎಂದು ಅವರು ವಿವರಿಸಿದರು.

ಏತನ್ಮಧ್ಯೆ, ವೈಎಸ್ಆರ್ ಕಾಂಗ್ರೆಸ್ ಪಕ್ಷದ ಸದಸ್ಯ ರ‍್ಯಾಗ ಕೃಷ್ಣಯ್ಯ ಅವರು ಕೇಳಿದ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸಿದ ಸಚಿವರು, ಸಂಸದೀಯ ವ್ಯವಹಾರಗಳ ಸಚಿವಾಲಯವು ರೂಪಿಸಿದ ಆನ್‌ಲೈನ್ ಅಶ್ಯೂರೆನ್ಸ್ ಮಾನಿಟರಿಂಗ್ ಸಿಸ್ಟಮ್ (ಒಎಎಂಎಸ್) ಎಂಬ ಸಾಫ್ಟ್‌ವೇರ್ ಅನ್ನು ಪ್ರಸ್ತಾಪಿಸಿದ್ದು, ಎಲ್ಲಾ ಸಚಿವಾಲಯಗಳು ಸಾಫ್ಟ್‌ವೇರ್‌ಗೆ ಐಡಿ ಮತ್ತು ಪಾಸ್‌ವರ್ಡ್ ಅನ್ನು ಹೊಂದಿವೆ ಎಂದಿದ್ದಾರೆ.

“ಅವರು (ಸಚಿವಾಲಯಗಳು) ಕಾರ್ಯಗತಗೊಳಿಸಿದ ವರದಿಗಳನ್ನು ಅಪ್‌ಲೋಡ್ ಮಾಡಬಹುದು, ಕೈಬಿಡುವ ವಿನಂತಿಗಳನ್ನು ಮಾಡಬಹುದು. ಈ ಪೋರ್ಟಲ್‌ನಲ್ಲಿ ಭರವಸೆಗಳ ನೆರವೇರಿಕೆಗಾಗಿ ವಿಸ್ತರಣೆಗಳನ್ನು ನೋಡಬಹುದು, ಇದು ಭರವಸೆಗಳ ಸಮಯೋಚಿತ ಅನುಷ್ಠಾನದ ಬಗ್ಗೆ ಅಗತ್ಯ ಸೂಚನೆಗಳನ್ನು ಸಹ ಒಳಗೊಂಡಿದೆ”.

ಇದನ್ನೂ ಓದಿ: ಕೇರಳದಲ್ಲಿ ಮುಸ್ಲಿಂರೊಬ್ಬರು ನಡೆಸುತ್ತಿದ್ದ ವೆಜ್ ಹೋಟೆಲ್‌ಗೆ ಹೋಗಿ ತಿನ್ನುತ್ತಿದೆ: ನ್ಯಾಯಮೂರ್ತಿ ಭಟ್ಟಿ

“(ಸಂಸದೀಯ ವ್ಯವಹಾರಗಳು) ಸಚಿವಾಲಯವು ಎಲ್ಲಾ ಸಚಿವಾಲಯಗಳು/ಇಲಾಖೆಗಳಿಗೆ ಕಾಲಕಾಲಕ್ಕೆ, ಬಾಕಿ ಉಳಿದಿರುವ ಭರವಸೆಗಳನ್ನು ತ್ವರಿತವಾಗಿ ಪೂರ್ಣಗೊಳಿಸುವ ಬಗ್ಗೆ ನೆನಪಿಸುತ್ತಲೇ ಇರುತ್ತದೆ. ಸ್ವಯಂ-ರಚಿತವಾದ ಜ್ಞಾಪನೆಗಳನ್ನು ಈ ವ್ಯವಸ್ಥೆಯ ಮೂಲಕ ಸಂಬಂಧಪಟ್ಟ ಸಚಿವಾಲಯಗಳು/ಇಲಾಖೆಗಳಿಗೆ ಪ್ರತಿ ತಿಂಗಳು ಕಳುಹಿಸಲಾಗುತ್ತದೆ” ಎಂದಿದ್ದಾರೆ ಸಚಿವರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ