Union Cabinet Expansion ಮೋದಿ ಸಚಿವ ಸಂಪುಟದಲ್ಲಿ 12 ಮಂದಿ ಎಸ್​​ಸಿ, 8 ಎಸ್​​ಟಿ, 27 ಒಬಿಸಿ; ಮಹಿಳೆಯರಿಗೆ ಹೆಚ್ಚಿನ ಪ್ರಾತಿನಿಧ್ಯ ನಿರೀಕ್ಷೆ

ದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರ ಎರಡನೇ ಅವಧಿಯ ಮೊದಲ ಮೆಗಾ ಸಚಿವಸಂಪು ಪುನಾರಚನೆಯಲ್ಲಿ ಒಬಿಸಿ ಎಸ್‌ಸಿಗಳು ಮತ್ತು ಎಸ್‌ಟಿಗಳು ಮತ್ತು ಹೆಚ್ಚಿನ ಮಹಿಳಾ ಸಚಿವರ ಪ್ರಾತಿನಿಧ್ಯ ನೀಡಲಾಗುತ್ತಿದೆ. ಇಂದು ಸಂಜೆ 6 ಗಂಟೆಗೆ ಘೋಷಿಸಲಿರುವ ಹೊಸ ಕ್ಯಾಬಿನೆಟ್‌ನಲ್ಲಿ ‘ಶೋಷಿತ್, ಪೀಡಿತ್, ವಂಚಿತ್ ಮತ್ತು ಆದಿವಾಸಿ’ (ದೀನದಲಿತ ಮತ್ತು ಬುಡಕಟ್ಟು ಸಮುದಾಯಗಳು) ಪ್ರಾತಿನಿಧ್ಯದ ಬಗ್ಗೆ ವಿಶೇಷ ಗಮನ ಹರಿಸಲಾಗುವುದು ಎಂದು ಮೂಲಗಳು ಹೇಳಿರುವುದಾಗಿ ಸಿಎನ್‌ಎನ್-ನ್ಯೂಸ್ 18 ವರದಿ ಮಾಡಿದೆ.

ಪರಿಶಿಷ್ಟ ಜಾತಿ ಸಮುದಾಯಗಳ ದಾಖಲೆಯ ಪ್ರಾತಿನಿಧ್ಯಕ್ಕೂ ಸಚಿವ ಸಂಪುಟ ವಿಸ್ತರಣೆ ಸಾಕ್ಷಿಯಾಗಲಿದೆ ಮತ್ತು ಇತರ ಹಿಂದುಳಿದ ವರ್ಗಗಳಿಗೆ (ಒಬಿಸಿ) ಸೇರಿದ ಸುಮಾರು 24 ಮಂತ್ರಿಗಳನ್ನು ಸೇರಿಸಿಕೊಳ್ಳಲಾಗುವುದು ಎಂದು ಅವರು ಹೇಳಿದರು. ಪ್ರತಿಯೊಂದು ರಾಜ್ಯ ಮತ್ತು ಅವುಗಳ ಸಂಬಂಧಿತ ಪ್ರದೇಶಗಳ ಮೇಲೆ ಕೇಂದ್ರೀಕರಿಸುವ ಮೂಲಕ ಸಣ್ಣ ಸಮುದಾಯಗಳಿಗೆ ಸಹ ಪ್ರಾತಿನಿಧ್ಯವನ್ನು ನೀಡುವುದು ಸರ್ಕಾರದ ಯೋಜನೆಯಾಗಿದೆ. ಪರಿಷತ್ತಿನಲ್ಲಿ ಮಹಿಳೆಯರ ಪ್ರಾತಿನಿಧ್ಯವನ್ನು ಹೆಚ್ಚಿಸಲಾಗುವುದು ಮತ್ತು ಸ್ವತಂತ್ರ ಭಾರತದ ಇತಿಹಾಸದಲ್ಲಿ ನಾಯಕರ ಸರಾಸರಿ ವಯಸ್ಸು ಕಡಿಮೆ ಇರುತ್ತದೆ ಎಂದು ಮೂಲಗಳು ತಿಳಿಸಿವೆ. ಆಡಳಿತಾತ್ಮಕ ಅನುಭವ ಹೊಂದಿರುವವರನ್ನು ರಾಜ್ಯ ಅಥವಾ ಕೇಂದ್ರದಲ್ಲಿ ಸೇರಿಸಲು ವಿಶೇಷ ಗಮನ ನೀಡಲಾಗುವುದು ಎಂದು ಮೂಲಗಳು ತಿಳಿಸಿವೆ.

ಜೂನ್ ತಿಂಗಳಮೊದಲ ಹದಿನೈದು ದಿನಗಳಲ್ಲಿ ನಡೆದ ಸರಣಿ ಸಂವಾದಗಳಲ್ಲಿ, ಪಿಎಂ ಮೋದಿಯವರು ಕೊವಿಡ್ -19 ರ ಬೃಹತ್ ಸವಾಲನ್ನು ನೀಡಿದ ಸಚಿವಾಲಯಗಳ ಕಾರ್ಯಕ್ಷಮತೆಯತ್ತ ಗಮನ ಹರಿಸಿದ್ದಾರೆ. ಸಭೆಗಳು ಮೂರರಿಂದ ಐದು ಗಂಟೆಗಳ ನಡುವೆ ನಡೆದಿದ್ದು ಕ್ಯಾಬಿನೆಟ್ ಮತ್ತು ರಾಜ್ಯ ಮಂತ್ರಿಗಳು ಒಂದೇ ಹಾಜರಾಗುವಂತೆ ಕೇಳಿಕೊಳ್ಳಲಾಗಿದೆ. ಜೂನ್ 5 ರಂದು ಮೋದಿ ಅವರು ರೈತರು, ಯುವಕರು, ಎಸ್‌ಸಿ / ಎಸ್‌ಟಿ ಮತ್ತು ಮಹಿಳೆಯರು ಸೇರಿದಂತೆ ಬಿಜೆಪಿಯ ಮೋರ್ಚಾ ಮುಖ್ಯಸ್ಥರೊಂದಿಗೆ ಮಾತನಾಡಿದರು. ಒಂದು ದಿನದ ನಂತರ ಅವರು ಪಕ್ಷದ ಪ್ರಧಾನ ಕಾರ್ಯದರ್ಶಿಗಳನ್ನು ಭೇಟಿಯಾದರು.

ಎಸ್‌ಸಿಯಿಂದ 12 ಮಂತ್ರಿಗಳು, 8 ಎಸ್‌ಟಿ ಮತ್ತು 27 ಒಬಿಸಿ
ಮೊದಲ ಮೆಗಾ ಪುನರ್ರಚನೆಯಲ್ಲಿ ಒಬಿಸಿ, ಎಸ್‌ಸಿಗಳು ಮತ್ತು ಎಸ್‌ಟಿಗಳು ಮತ್ತು ಹೆಚ್ಚಿನ ಮಹಿಳಾ ಸಚಿವರ ದಾಖಲೆಯ ಪ್ರಾತಿನಿಧ್ಯವಿರಲಿದೆ. ನ್ಯೂಸ್ 18 ವರದಿ ಪ್ರಕಾರ ಪರಿಶಿಷ್ಟ ಜಾತಿಯ 12 ಮಂತ್ರಿಗಳು, ಪರಿಶಿಷ್ಟ ಪಂಗಡದ 8 ಮಂದಿ ಮತ್ತು 27 ಒಬಿಸಿ (ಯಾದವ್ ಕುರ್ಮಿ, ದರ್ಜಿ, ಜಾಟ್ ಗುಜ್ಜರ್, ಖಂಡಾಯತ್, ಭಂಡಾರಿ , ಬೈರಗಿ, ಠಾಕೂರ್, ಕೋಲಿ ವೊಕ್ಕಲಿಗಾ, ತುಳು ಗೌಡ, ಮಲ್ಲಾ) ಮತ್ತು 5 ಅಲ್ಪಸಂಖ್ಯಾತರು – 1 ಮುಸ್ಲಿಂ, 1 ಸಿಖ್, 1 ಕ್ರಿಶ್ಚಿಯನ್ 2 ಬೌದ್ಧರು ಸಚಿವ ಸಂಪುಟದಲ್ಲಿರಲಿದ್ದಾರೆ.

ಮಹಿಳೆಯರ ಹೆಚ್ಚಿನ ಪ್ರಾತಿನಿಧ್ಯ ನಿರೀಕ್ಷೆ
ಪರಿಷತ್ತಿನಲ್ಲಿ ಮಹಿಳೆಯರ ಪ್ರಾತಿನಿಧ್ಯ ಹೆಚ್ಚು ಎಂದು ನಿರೀಕ್ಷಿಸಲಾಗುತ್ತಿದ್ದು ಬಿಜೆಪಿ ಉಪಾಧ್ಯಕ್ಷೆ ಶೋಭಾ ಕರಂದ್ಲಾಜೆ, ಮಹಾರಾಷ್ಟ್ರದ ಬೀಡ್ ಸಂಸದೆ ಪ್ರೀತಮ್ ಮುಂಡೆ ಮತ್ತು ಮಹಾರಾಷ್ಟ್ರದ ನಂದೂರ್‌ಬಾರ್‌ನ ಹೀನಾ ಗವಿಟ್ ಸಂಸದೆಯರು ಸಹ ಪ್ರಧಾನಿ ನಿವಾಸಕ್ಕೆ ಪ್ರವೇಶಿಸುತ್ತಿರುವುದು ಕಂಡುಬಂತು.

ಇದನ್ನೂ ಓದಿ:  Union Cabinet Expansion ಸಂಪುಟ ಪುನಾರಚನೆಗೆ ಮುನ್ನ ನೂತನ ಸಹಕಾರ ಸಚಿವಾಲಯ ರಚಿಸಿದ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ

ಇದನ್ನೂ ಓದಿ: Modi Cabinet: ಶೋಭಾ ಕರಂದ್ಲಾಜೆ-ಆನೇಕಲ್​ ನಾರಾಯಣಸ್ವಾಮಿಗೆ ಪ್ರಧಾನಿ ಮೋದಿ ಸಂಪುಟದಲ್ಲಿ ಸಚಿವ ಸ್ಥಾನ

(Cabinet Reshuffle 12 Ministers from SC 8 from ST and 27 OBC Council is Expected to Have More Representation of Women)