ಅಭಿವೃದ್ಧಿಗೆ ಅಡ್ಡಿಯಾಗುವುದೇ ವಿಪಕ್ಷಗಳ ಅಜೆಂಡಾ: ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಎನ್ಡಿಎ ಬೆಂಬಲಿಸಲು ನಾಯ್ಡು ಕರೆ
ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು ವೈಎಸ್ಆರ್ಸಿಪಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಹಿಂದಿನ ಸರ್ಕಾರ ಸ್ಥಳೀಯ ಸಂಸ್ಥೆಗಳ ಅನುದಾನ ದುರುಪಯೋಗಪಡಿಸಿಕೊಂಡು 93 ಕೇಂದ್ರ ಯೋಜನೆಗಳಿಗೆ ತಡೆ ಒಡ್ಡಿದೆ. ಅಲ್ಲದೆ 86 ಲಕ್ಷ ಮೆಟ್ರಿಕ್ ಟನ್ ಕಸದ ಬೆಟ್ಟ ಸೃಷ್ಟಿಸಿದೆ. ಮೂಲಸೌಕರ್ಯ ಅಭಿವೃದ್ಧಿಗೆ ಎನ್ಡಿಎಗೆ ಸ್ಥಳೀಯ ಸಂಸ್ಥೆ ಚುನಾವಣೆಗಳಲ್ಲಿ ಬೆಂಬಲಿಸುವಂತೆ ನಾಯ್ಡು ಕರೆ ನೀಡಿದ್ದಾರೆ.

ಉಂಡವಲ್ಲಿ, ಅಕ್ಟೋಬರ್ 19: ಆಂಧ್ರಪ್ರದೇಶದ ಮುಖ್ಯಮಂತ್ರಿ ಎನ್. ಚಂದ್ರಬಾಬು ನಾಯ್ಡು ಅವರು ಉಂಡವಲ್ಲಿಯಲ್ಲಿ ನಡೆಸಿದ ಪತ್ರಿಕಾಗೋಷ್ಠಿಯಲ್ಲಿ ಹಿಂದಿನ ವೈಎಸ್ಆರ್ಸಿಪಿ ಸರ್ಕಾರದ ವಿರುದ್ಧ ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ಹಿಂದಿನ ಆಡಳಿತವು ಸ್ಥಳೀಯ ಸಂಸ್ಥೆಗಳ ಅನುದಾನವನ್ನು ಅನ್ಯ ಉದ್ದೇಶಗಳಿಗೆ ದುರುಪಯೋಗಪಡಿಸಿಕೊಂಡು, ಗ್ರಾಮ ಪಂಚಾಯಿತಿಗಳನ್ನೇ ದುರ್ಬಲಗೊಳಿಸಿದೆ ಮತ್ತು ಸುಮಾರು 93 ಕೇಂದ್ರ ಪುರಸ್ಕೃತ ಯೋಜನೆಗಳ ಅನುಷ್ಠಾನಕ್ಕೆ ತಡೆ ಒಡ್ಡಿದೆ ಎಂದು ಅವರು ಗಂಭೀರ ಆರೋಪ ಮಾಡಿದ್ದಾರೆ.
ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆಯ ‘ಜಲ ಜೀವನ್ ಮಿಷನ್’ ಅಡಿಯಲ್ಲಿ ಇತರ ರಾಜ್ಯಗಳು ದೊಡ್ಡ ಮಟ್ಟದ ಅನುದಾನ ಬಳಸಿಕೊಂಡಿದ್ದರೆ, ಹಿಂದಿನ ಸರ್ಕಾರ ಕೇವಲ 2,000 ಕೋಟಿ ರೂ. ವೆಚ್ಚ ಮಾಡಿ ಜನರಿಗೆ ಕುಡಿಯುವ ನೀರು ಒದಗಿಸುವಲ್ಲಿ ಸಂಪೂರ್ಣ ವಿಫಲವಾಗಿದೆ ಎಂದು ನಾಯ್ಡು ಕಿಡಿಕಾರಿದರು.
86 ಲಕ್ಷ ಮೆಟ್ರಿಕ್ ಟನ್ ಕಸದ ಬೆಟ್ಟ: ರಾಜ್ಯಾದ್ಯಂತ ನೈರ್ಮಲ್ಯ ವ್ಯವಸ್ಥೆ ಸಂಪೂರ್ಣ ಹದಗೆಟ್ಟಿದ್ದು, ಬರೋಬ್ಬರಿ 86 ಲಕ್ಷ ಮೆಟ್ರಿಕ್ ಟನ್ ಲೆಗಸಿ ತ್ಯಾಜ್ಯ ನಗರ-ಪಟ್ಟಣಗಳಲ್ಲಿ ರಾಶಿ ಬಿದ್ದಿದೆ ಎಂದು ಸಿಎಂ ಅಸಮಾಧಾನ ವ್ಯಕ್ತಪಡಿಸಿದರು.
ಇದನ್ನೂ ಓದಿ: ಮೋದಿ ಸಂಪುಟದಲ್ಲಿ ಯಾವುದೇ ಸ್ಥಾನ ಕೇಳುವುದಿಲ್ಲ ಎಂದ ಚಂದ್ರಬಾಬು ನಾಯ್ಡು, ಆದರೆ….
ವೇಸ್ಟ್-ಟು-ಎನರ್ಜಿ ಯೋಜನೆ ರದ್ದು: ತ್ಯಾಜ್ಯದಿಂದ ವಿದ್ಯುತ್ ತಯಾರಿಸುವ ಉಪಯುಕ್ತ ಯೋಜನೆಗಳನ್ನು ಹಿಂದಿನ ಸರ್ಕಾರ ರದ್ದುಗೊಳಿಸಿದ್ದರಿಂದ ಸಾರ್ವಜನಿಕರ ಆರೋಗ್ಯ ಮತ್ತು ಪರಿಸರದ ಮೇಲೆ ಗಂಭೀರ ದುಷ್ಪರಿಣಾಮ ಬೀರಿದೆ. ಈಗ ತಮ್ಮ ಎನ್ಡಿಎ ಸರ್ಕಾರ ಈ ಸ್ಥಗಿತಗೊಂಡ ಯೋಜನೆಗಳಿಗೆ ಮರುಜೀವ ನೀಡಲು ಶ್ರಮಿಸುತ್ತಿದೆ ಎಂದು ಅವರು ಸ್ಪಷ್ಟಪಡಿಸಿದರು.
ಸ್ಥಳೀಯ ಸಂಸ್ಥೆ ಚುನಾವಣೆಯಲ್ಲಿ ಎನ್ಡಿಎ ಬೆಂಬಲಿಸಿ: ನಾಯ್ಡು ಮನವಿ ಮುಂಬರುವ ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಎನ್ಡಿಎ (NDA) ಮೈತ್ರಿಕೂಟದ ಅಭ್ಯರ್ಥಿಗಳನ್ನು ಬೆಂಬಲಿಸುವಂತೆ ಸಿಎಂ ಚಂದ್ರಬಾಬು ನಾಯ್ಡು ಸಾರ್ವಜನಿಕರಿಗೆ ಕರೆ ನೀಡಿದರು.
ಪೋಸ್ಟ್
VIDEO | Undavelli: Andhra Pradesh Chief Minister N. Chandrababu Naidu, addressing a press meet in Undavalli, launched a sharp attack on the previous YSRCP government, accusing it of weakening local bodies by diverting their funds and disrupting the implementation of 93 central schemes. He alleged that the previous regime failed to utilise funds effectively under the Jal Jeevan Mission, spending only Rs 2,000 crore despite other states drawing substantial allocations. CM Naidu also criticised the YSRCP government over poor sanitation, the accumulation of 86 lakh metric tonnes of legacy waste, and the cancellation of waste-to-energy projects, claiming these decisions contributed to environmental and public health concerns. He said his government was working to revive the stalled projects and address the shortcomings left by the previous regime.
(Source: Third Party)
(Full video available on PTI Videos – https://t.co/bIyFWTeOLF)
— Press Trust of India (@PTI_News) October 19, 2026
ತಳಮಟ್ಟದ ಅಭಿವೃದ್ಧಿಗೆ ಬೆಂಬಲ ಅಗತ್ಯ: ಕೇಂದ್ರದ ಬೆಂಬಲ ನಮಗಿದೆ, ರಾಜ್ಯ ಸರ್ಕಾರವೂ ಅಭಿವೃದ್ಧಿ ಪರ ಯೋಜನೆಗಳನ್ನು ತರುತ್ತಿದೆ. ಆದರೆ ಹಳ್ಳಿ-ಪಟ್ಟಣಗಳ ತಳಮಟ್ಟದವರೆಗೆ ಅಭಿವೃದ್ಧಿ ತಲುಪಬೇಕಾದರೆ ಸ್ಥಳೀಯ ಸಂಸ್ಥೆಗಳಲ್ಲೂ ಎನ್ಡಿಎ ಗೆಲ್ಲುವುದು ಅತ್ಯಗತ್ಯ. ರಾಜಕೀಯದಿಂದಾಗಿ ಅಭಿವೃದ್ಧಿ ನಿಂತರೆ ಜನಸಾಮಾನ್ಯರಿಗೆ ಸಿಗಬೇಕಾದ ಮೂಲಭೂತ ಸೌಕರ್ಯಗಳು ಕೈತಪ್ಪುತ್ತವೆ ಎಂದು ಅವರು ಎಚ್ಚರಿಸಿದರು.
ವಿಪಕ್ಷಗಳ ಅಜೆಂಡಾ ಗೊಂದಲ ಸೃಷ್ಟಿಸುವುದು: ವೈಎಸ್ಆರ್ಸಿಪಿಯ ಗುರಿ ಜನರಿಗೆ ನ್ಯಾಯ ಒದಗಿಸುವುದಲ್ಲ, ಬದಲಾಗಿ ವ್ಯವಸ್ಥೆಯಲ್ಲಿ ಅಶಾಂತಿ ಸೃಷ್ಟಿಸಿ, ಪ್ರತಿ ಹಂತದಲ್ಲೂ ಅಭಿವೃದ್ಧಿಗೆ ಅಡ್ಡಿಪಡಿಸಿ ಚುನಾವಣೆ ಗೆಲ್ಲುವುದಾಗಿದೆ. ಆದರೆ ನಮ್ಮ ಮೈತ್ರಿಕೂಟದ ಧ್ಯೇಯ ಎಲ್ಲ ವರ್ಗದವರಿಗೂ ಸಾಮಾಜಿಕ ನ್ಯಾಯ ದೊರಕಿಸಿ, ಆಂಧ್ರಪ್ರದೇಶವನ್ನು ದೇಶದಲ್ಲೇ ನಂ. 1 ರಾಜ್ಯವನ್ನಾಗಿ ಮಾಡುವುದಾಗಿದೆ ಎಂದು ನಾಯ್ಡು ಹೇಳಿದ್ದಾರೆ.
ಪೋಸ್ಟ್
VIDEO | Undavelli: Andhra Pradesh Chief Minister N. Chandrababu Naidu, speaking at a press meet, appealed to the public to support NDA alliance candidates in the upcoming local body elections, stressing that public backing was essential to ensure grassroots development. He said the Centre’s support was available and the state government was implementing development initiatives, but local development must continue without interruption. Naidu warned that when politics stalls development, last-mile delivery of public services suffers.
Launching a sharp attack on the YSRCP, he alleged that the opposition’s agenda was not to ensure justice for the people or win elections through constructive politics, but to create disorder, obstruct development and cause hurdles at every step to secure electoral victories. In contrast, he said the alliance’s agenda was to ensure smooth development, deliver justice to all sections of society, empower people and transform Andhra Pradesh into the country’s number one state.
Recalling the public’s enthusiastic participation in the previous elections, Naidu urged voters to show the same spirit in the local body polls and ensure the victory of NDA alliance candidates wherever they contest. He assured the public that the alliance and its constituent parties would take responsibility for maintaining discipline, exercising control where necessary and ensuring that development works were carried out, while also urging citizens to share responsibility for achieving these goals.
(Source: Third Party)
(Full video available on PTI Videos – https://t.co/bIyFWTfmBd)
— Press Trust of India (@PTI_News) October 19, 2026
ಹಿಂದಿನ ಚುನಾವಣೆಯ ಉತ್ಸಾಹ: ಸಾರ್ವತ್ರಿಕ ಚುನಾವಣೆಯಲ್ಲಿ ಮತದಾರರು ತೋರಿದ ಅದೇ ಉತ್ಸಾಹವನ್ನು ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲೂ ಮುಂದುವರಿಸಿ, ಶಿಸ್ತುಬದ್ಧ ಹಾಗೂ ಭ್ರಷ್ಟಾಚಾರ ರಹಿತ ಆಡಳಿತ ನೀಡಲು ಎನ್ಡಿಎ ಮೈತ್ರಿಕೂಟವನ್ನು ಗೆಲ್ಲಿಸಬೇಕೆಂದು ಅವರು ಮತದಾರರಲ್ಲಿ ಕೋರಿದ್ದಾರೆ.
ಗ್ರಾಮೀಣ ಪುನಶ್ಚೇತನ: ಕೇಂದ್ರದ ಅನುದಾನವನ್ನು ನೇರವಾಗಿ ಪಂಚಾಯಿತಿಗಳ ಖಾತೆಗೆ ಜಮೆ ಮಾಡಿ, ರಸ್ತೆ, ಚರಂಡಿ, ಕುಡಿಯುವ ನೀರು ಮತ್ತು ಬೀದಿದೀಪಗಳಂತಹ ಕನಿಷ್ಠ ಮೂಲಸೌಕರ್ಯಗಳನ್ನು ಯುದ್ಧೋಪಾದಿಯಲ್ಲಿ ಸರಿಪಡಿಸಲು ಪ್ರಸ್ತುತ ಸರ್ಕಾರ ಯೋಜನೆ ರೂಪಿಸಿದೆ.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ




