ಪ್ರಧಾನಿ ಮೋದಿಯವರ ಭರವಸೆ ಈಡೇರಿದೆ-ಧರ್ಮೇಂದ್ರ ಪ್ರಧಾನ್

ನವದೆಹಲಿ, ಜು.14: ಇಡೀ ವಿಶ್ವವೇ ಕಾತರದಿಂದ ಕಾಯುತ್ತಿದ್ದ ಪುರಿ ಜಗನ್ನಾಥ ರತ್ನ ಭಂಡಾರ ತೆರೆಕಂಡಿದೆ. ಇಂದು (ಭಾನುವಾರ) ಮಧ್ಯಾಹ್ನ 1.28ಕ್ಕೆ ವಿಶೇಷ ಪೂಜೆ ಸಲ್ಲಿಸಿದ ಬಳಿಕ ದೇವಾಲಯದ ಅಧಿಕಾರಿಗಳು ರಹಸ್ಯ ಕೊಠಡಿಯ ಬಾಗಿಲು ತೆರೆದರು. ಪುರಿ ಜಗನ್ನಾಥ್ ದೇಗುಲದ ರತ್ನ ಭಂಡಾರ ಎಣಿಕೆ ಕುರಿತು ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್(Dharmendra Pradhan) ಟ್ವೀಟ್ ಮಾಡಿದ್ದು, ‘ಮಹಾಪ್ರಭು ಜಗನ್ನಾಥರ ಒಡಿಯಾ ಐಡೆಂಟಿಟಿ.. ಸ್ವಾಭಿಮಾನ, ಸನಾತನ ಸಂಸ್ಕೃತಿ.. ಹಿಂದೂ ನಂಬಿಕೆಯ ಬಹುದೊಡ್ಡ ಪ್ರತೀಕ. 46 ವರ್ಷಗಳ ನಂತರ ಒಡಿಶಾ ಜನತೆಗೆ ಪ್ರಧಾನಿ ನರೇಂದ್ರ ಮೋದಿ ಅವರು ನೀಡಿದ ಭರವಸೆ ಈಡೇರಿದೆ. ಮಹಾಪ್ರಭು ಜಗನ್ನಾಥ ರತ್ನ ಭಂಡಾರವನ್ನು ತೆರೆಯುವ ಮೂಲಕ ಹೊಸದಾಗಿ ಚುನಾಯಿತ ಸರ್ಕಾರ ನೀಡಿದ ಭರವಸೆಯನ್ನು ಈಡೇರಿಸಿದೆ ಎಂದಿದ್ದಾರೆ.

ಮಹಾಪ್ರಭು ರತ್ನಾಲ ಭಂಡಾರ ಭದ್ರತೆ, ಆಭರಣಗಳ ಬಗ್ಗೆ ಪಾರದರ್ಶಕ ಮಾಹಿತಿ ಸಾರ್ವಜನಿಕರಿಗೆ ಹೇಳಲು ದಶಕಗಳಿಂದ ಬಾಕಿ ಇದೆ. 4.5 ಕೋಟಿ ಒಡಿಯಾ ಜನರ ಮನ್ನಣೆ.. ಹಿಂದೂ ನಂಬಿಕೆಯನ್ನು ಗೌರವಿಸಿ ಸಂಪೂರ್ಣ ಪಾರದರ್ಶಕತೆಯೊಂದಿಗೆ ರತ್ನ ಭಂಡಾರವನ್ನು ತೆರೆದಿದ್ದಕ್ಕಾಗಿ ಶ್ರೀ ಮಂದಿರ ಆಡಳಿತ ಮತ್ತು ಒಡಿಶಾ ಡಬಲ್ ಇಂಜಿನ್ ಸರ್ಕಾರವನ್ನು ನಾನು ಹೃತ್ಪೂರ್ವಕವಾಗಿ ಅಭಿನಂದಿಸುತ್ತೇನೆ.. ಎಂದು ಧರ್ಮೇಂದ್ರ ಪ್ರಧಾನ್ ಹೇಳಿದರು.

ಇದನ್ನೂ ಓದಿ:ಕೀ ಇಲ್ಲದಿದ್ದರೂ 46 ವರ್ಷಗಳ ಬಳಿಕ ತೆರೆಯಿತು ಪುರಿ ಜಗನ್ನಾಥ ದೇವಾಲಯದ ರತ್ನ ಭಂಡಾರ

ಧರ್ಮೇಂದ್ರ ಪ್ರಧಾನ್ ಟ್ವೀಟ್​

46 ವರ್ಷಗಳ ಹಿಂದೆ ಅಂದರೆ 1978ರಲ್ಲಿ ಕೊನೆಯ ಬಾರಿಗೆ ಈ ರಹಸ್ಯ ಕೊಠಡಿ ತೆರೆಯಲಾಗಿತ್ತು. ಇದೀಗ ಮತ್ತೆ ಪುರಿ ಜಗನ್ನಾಥ ಮಂದಿರದ ರತ್ನ ಭಂಡಾರವನ್ನು ತೆರೆಯಲಾಗಿದೆ. ಆದರೆ ಹಲವು ವರ್ಷಗಳಿಂದ ಅದರ ಕೀ ಕಾಣೆಯಾಗಿದೆ. ನಕಲಿ ಕೀ ಬಳಸಿ ರತ್ನ ಭಂಡಾರ ತೆರೆಯಲಾಗಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಪುರಿಯ ಜಗನ್ನಾಥ ದೇವಾಲಯದ ರತ್ನದ ಭಂಡಾರದಲ್ಲಿ ಸಂಗ್ರಹವಾಗಿರುವ ಆಭರಣಗಳು ಮತ್ತು ಇತರ ಬೆಲೆಬಾಳುವ ವಸ್ತುಗಳ ದಾಖಲೆಯನ್ನು ತಯಾರಿಸಲು ಒರಿಸ್ಸಾ ಹೈಕೋರ್ಟ್ ನ್ಯಾಯಾಧೀಶ ನ್ಯಾಯಮೂರ್ತಿ ವಿಶ್ವನಾಥ್ ರಥ್ ಅವರ ಅಧ್ಯಕ್ಷತೆಯಲ್ಲಿ ಸಮಿತಿಯನ್ನು ರಚಿಸಲಾಗಿದೆ.

ಇನ್ನು ಇದರಲ್ಲಿ ಕೇರಳದ ಅನಂತ ಪದ್ಮನಾಭಸ್ವಾಮಿಯ ನೆಲಮಾಳಿಗೆಗಿಂತ ಹೆಚ್ಚು ನಿಧಿ ಇದೆ ಎಂದು ಅಂದಾಜಿಸಲಾಗಿದೆ. ಇವುಗಳ ಮೌಲ್ಯ ಲಕ್ಷ ಕೋಟಿ ಆಗುವ ನಿರೀಕ್ಷೆ ಇದೆ. ರಹಸ್ಯ ಕೋಣೆಯನ್ನು ಕೊನೆಯದಾಗಿ 1978 ರಲ್ಲಿ ತೆರೆಯಲಾಯಿತು. ಆ ದಿನ, 70 ದಿನಗಳು ಎಣಿಸಲಾಗಿದೆ. ಇದೀಗ ಮತ್ತೆ 46 ವರ್ಷಗಳ ನಂತರ ಈ ರಹಸ್ಯ ಕೊಠಡಿ ತೆರೆಯಲಾಗಿದೆ.

ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ