Explainer: ದೇಶದಲ್ಲಿ ಕೊವಿಡ್ ಸಾವಿನ ಸಂಖ್ಯೆ ಏಕಾಏಕಿ ಏರಲು ಕಾರಣವೇನು?

ದೇಶದಲ್ಲಿ ಕೊವಿಡ್ ಪ್ರಕರಣಗಳ ಸಂಖ್ಯೆ ಸತತ ಮೂರನೇ ದಿನ ಇಳಿಕೆ ಆಗಿದ್ದು, ಸಾವಿನ ಸಂಖ್ಯೆ ಏರಿದೆ. ಬಿಹಾರದಲ್ಲಿ ಈವರೆಗೆ ಗಣನೆ ಆಗದೇ ಇದ್ದ 4,000 ಕೊವಿಡ್ ಸಾವುಗಳ ಸಂಖ್ಯೆಯನ್ನು ಸೇರಿಸಿದ್ದರಿಂದ ಕಳೆದ ವರ್ಷ ಸಾಂಕ್ರಾಮಿಕ ರೋಗದ ಆರಂಭದಿಂದೀಚೆಗೆ ಒಂದೇ ದಿನ ಅತಿ ಹೆಚ್ಚು ಕರೋನವೈರಸ್ ಸಾವುಗಳು ಬುಧವಾರ ವರದಿ ಆಗಿದೆ.

ಒಟ್ಟು 6,148 ಸಾವುಗಳು ಬುಧವಾರ ವರದಿಯಾಗಿವೆ, ಆದರೆ ಬಿಹಾರವು 3,951 ಸಾವುಗಳನ್ನು ಈ ಹಿಂದೆ ದಾಖಲಿಸಲಾಗಿಲ್ಲ. ಈ ಸಾವುಗಳು ಬಿಹಾರದಲ್ಲಿ ಯಾವ ಅವಧಿಯಲ್ಲಿ ಸಂಭವಿಸಿವೆ ಎಂಬುದು ಸ್ಪಷ್ಟವಾಗಿಲ್ಲ, ಆದರೆ ರಾಜ್ಯವು ದತ್ತಾಂಶವನ್ನು ಸ್ವಚ್ಛಗೊಳಿಸುವ ಪ್ರಕ್ರಿಯೆ ನಡೆಸಿದ್ದು ಇದೇ ಮೊದಲು. ಆದ್ದರಿಂದ, ಬುಧವಾರ ಸೇರಿಸಲಾದ ಕೆಲವು ಸಾವುಗಳು ಕಳೆದ ವರ್ಷದಿಂದಲೂ ಸಂಭವಿಸುವ ಸಾಧ್ಯತೆಯಿದೆ. ಮಹಾರಾಷ್ಟ್ರದಂತಹ ರಾಜ್ಯಗಳು ಪ್ರತಿ ತಿಂಗಳ ಕೊನೆಯಲ್ಲಿ ಇದೇ ರೀತಿಯ ಪ್ರಕ್ರಿಯೆಯನ್ನು ನಿಯಮಿತವಾಗಿ ಮಾಡುತ್ತವೆ. ಅವರ ದೈನಂದಿನ ಎಣಿಕೆಗಳಲ್ಲಿ ಸಹ, ಹೆಚ್ಚಿನ ಸಂಖ್ಯೆಯ ಸಾವುಗಳು ಹಿಂದಿನ ಎರಡು ಮೂರು ವಾರಗಳಿಂದ ಸಂಭವಿಸುತ್ತಿವೆ.

ಬುಧವಾರದ ಸೇರ್ಪಡೆಯೊಂದಿಗೆ ಬಿಹಾರದ ಒಟ್ಟು ಸಾವಿನ ಸಂಖ್ಯೆ 9,429 ಕ್ಕೆ ಏರಿದೆ. ಬುಧವಾರ ಸೇರ್ಪಡೆಗೊಂಡ ಸಾವುಗಳು ಈ ಹಿಂದೆ ಚೇತರಿಸಿಕೊಂಡಿವೆ ಎಂದು ಪರಿಗಣಿಸಲಾಗಿತ್ತು. ಅದಕ್ಕಾಗಿಯೇ ಸಾವು ಪ್ರಕರಣಗಳ ಸೇರ್ಪಡೆ ರಾಜ್ಯದಲ್ಲಿ ಚೇತರಿಕೆ ಸಂಖ್ಯೆಯನ್ನು ಕಡಿಮೆ ಮಾಡಿತು.  ಈ ಹೊಂದಾಣಿಕೆಯಿಂದಾಗಿ ಬುಧವಾರ ರಾಜ್ಯದ ದೈನಂದಿನ ಚೇತರಿಕೆ ಸಂಖ್ಯೆ ನೆಗೆಟಿವ್ ಆಯ್ತು. ಬಿಹಾರದ ಸಾವಿನ  ಸಂಖ್ಯೆಯ  ಸೇರ್ಪಡೆ ದೇಶದ ಒಟ್ಟಾರೆ ಪ್ರಕರಣಗಳ ಸಾವಿನ ಪ್ರಮಾಣದ ಮೇಲೆ ಕಡಿಮೆ ಪರಿಣಾಮ ಬೀರಿದೆ. ಇದು ಬುಧವಾರ ಶೇಕಡಾ 1.22 ರಿಂದ 1.23 ಕ್ಕೆ ಏರಿದೆ. ಆದರೆ ಬಿಹಾರದ ಸ್ವಂತ ಸಿಎಫ್‌ಆರ್ ಶೇಕಡಾ 0.76 ರಿಂದ ಶೇ 1.32 ಕ್ಕೆ ಅರ್ಧದಷ್ಟು ಹೆಚ್ಚಾಗಿದೆ.

ಬಿಹಾರದ ಸಾವಿನ ಸಂಖ್ಯೆಯನ್ನು ಕಳೆದರೆ ದೇಶಾದ್ಯಂತ ಬುಧವಾರ 2,197 ಸಾವುಗಳು ವರದಿಯಾಗಿವೆ. ಇದು ಕಳೆದ ಎರಡು ವಾರಗಳಲ್ಲಿ ಸಾವಿನ ಸಂಖ್ಯೆ ಇಳಿಮುಖ ಪ್ರವೃತ್ತಿಗೆ ಅನುಗುಣವಾಗಿದೆ.

ಇಲ್ಲಿಯವರೆಗೆ, ಭಾರತದಲ್ಲಿ 3.59 ಲಕ್ಷಕ್ಕೂ ಹೆಚ್ಚು ಜನರು ಕೊರೊನಾವೈರಸ್ ನಿಂದ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ. ಕೊರೊನಾವೈರಸ್ ಪಾಸಿಟಿವ್ ಆಗಿರುವ ಸುಮಾರು 3,000 ಮಂದಿ ಸಾವಿಗೀಡಾಗಿದ್ದು, ಮುಖ್ಯವಾಗಿ ಮಹಾರಾಷ್ಟ್ರದಲ್ಲಿ ಸಂಭವಿಸಿದೆ ಎಂದು ಅಂದಾಜಿಸಲಾಗಿದೆ. ಎರಡನೇ ಅಲೆಯ ಉತ್ತುಂಗದಲ್ಲಿ ಏಪ್ರಿಲ್‌ನಿಂದ ಎರಡು ಲಕ್ಷ ಸಾವುಗಳು ಸಂಭವಿಸಿವೆ.

ಏತನ್ಮಧ್ಯೆ, ಒಟ್ಟಾರೆ ಪರಿಸ್ಥಿತಿ ವೇಗವಾಗಿ ಸುಧಾರಿಸುತ್ತಿದೆ. ಕಳೆದ ಮೂರು ದಿನಗಳಿಂದ ದೈನಂದಿನ ಪ್ರಕರಣಗಳ ಸಂಖ್ಯೆ ಈಗ ಒಂದು ಲಕ್ಷಕ್ಕಿಂತ ಕಡಿಮೆಯಾಗಿದೆ. ಭಾರತದಲ್ಲಿ ಬುಧವಾರ 94,052 ಹೊಸ ಪ್ರಕರಣಗಳು ಪತ್ತೆಯಾಗಿದ್ದು, ತಮಿಳುನಾಡಿನಲ್ಲಿ ಅತಿ ಹೆಚ್ಚು 17,000 ಪ್ರಕರಣಗಳು ದಾಖಲಾಗಿವೆ. ಕೇರಳ, ಮಹಾರಾಷ್ಟ್ರ ಮತ್ತು ಕರ್ನಾಟಕ ಇತರ ರಾಜ್ಯಗಳಲ್ಲಿ ಒಂದು ದಿನದಲ್ಲಿ 10,000 ಕ್ಕೂ ಹೆಚ್ಚು ಪ್ರಕರಣಗಳು ವರದಿ ಆಗಿವೆ. ಈ ರಾಜ್ಯಗಳು, ದಿನಕ್ಕೆ ಸುಮಾರು 8,000 ಪ್ರಕರಣಗಳನ್ನು ವರದಿ ಮಾಡುತ್ತಿರುವ ಆಂಧ್ರಪ್ರದೇಶದೊಂದಿಗೆ, ಬುಧವಾರ ಒಟ್ಟು 64,000 ಪ್ರಕರಣಗಳು ದಾಖಲಾಗಿದ್ದು ಇದು ದೇಶದಲ್ಲಿ ದಾಖಲಾದ ಎಲ್ಲಾ ಪ್ರಕರಣಗಳಲ್ಲಿ ಸುಮಾರು 70 ಪ್ರತಿಶತದಷ್ಟು ಆಗಿದೆ.

ಇದನ್ನೂ ಓದಿ:  Coronavirus Cases in India: ಸತತ ಮೂರನೇ ದಿನ 1 ಲಕ್ಷಕ್ಕಿಂತ ಕಡಿಮೆ ಹೊಸ ಕೊವಿಡ್ ಪ್ರಕರಣ, 6148 ಮಂದಿ ಸಾವು