ದೆಹಲಿಯಲ್ಲಿ G20 ಸಭೆಗೆ ಸಿದ್ಧತೆ: ಗಣ್ಯರಿಗಾಗಿ ಕಾಯ್ದಿರಿಸಲಾಗಿದೆ ಐಷಾರಾಮಿ ಹೋಟೆಲ್​​ಗಳ 400 ಕೊಠಡಿಗಳು

ದೆಹಲಿ ಆಗಸ್ಟ್29: ಮುಂದಿನ ತಿಂಗಳು ದೆಹಲಿಯಲ್ಲಿ ನಡೆಯಲಿರುವ ಜಿ 20 ನಾಯಕರ ಶೃಂಗಸಭೆಯಲ್ಲಿ (G20 Leaders’ Summit) ಪಾಲ್ಗೊಳ್ಳಲು ಪ್ರತಿನಿಧಿಗಳು ಬರಲಿದ್ದು, ಈ ಶೃಂಗಸಭೆಯ ಅವಧಿಯಲ್ಲಿ ದೆಹಲಿ-ಎನ್‌ಸಿಆರ್‌ನಲ್ಲಿ 30 ಕ್ಕೂ ಹೆಚ್ಚು ಹೋಟೆಲ್‌ಗಳು ಈ ಪ್ರತಿನಿಧಿಗಳಿಗೆ ಆತಿಥ್ಯ ನೀಡುತ್ತವೆ. ಅಮೆರಿಕ ಅಧ್ಯಕ್ಷ ಜೋ ಬಿಡನ್ (Joe Biden)  ಐಟಿಸಿ ಮೌರ್ಯ ಶೆರಾಟನ್‌ನಲ್ಲಿ ತಂಗಲಿದ್ದಾರೆ. ತಾಜ್ ಪ್ಯಾಲೇಸ್ ಚೀನಾ ಅಧ್ಯಕ್ಷ ಷಿ ಜಿನ್‌ಪಿಂಗ್‌ಗೆ ಆತಿಥ್ಯ ವಹಿಸಲಿದೆ. ಒಟ್ಟಾರೆಯಾಗಿ, ದೆಹಲಿಯ 23 ಹೋಟೆಲ್‌ಗಳು ಮತ್ತು ಎನ್‌ಸಿಆರ್‌ನ ಒಂಬತ್ತು ಹೋಟೆಲ್‌ಗಳು ಜಿ 20 ಪ್ರತಿನಿಧಿಗಳಿಗೆ ಆತಿಥ್ಯ ವಹಿಸಲಿವೆ ಎಂದು ಮೂಲಗಳು ತಿಳಿಸಿವೆ.

ದೆಹಲಿ: ಐಟಿಸಿ ಮೌರ್ಯ, ತಾಜ್ ಮಾನ್ಸಿಂಗ್, ತಾಜ್ ಪ್ಯಾಲೇಸ್, ಹೋಟೆಲ್ ಒಬೆರಾಯ್, ಹೋಟೆಲ್ ಲಲಿತ್, ದಿ ಲೋಧಿ, ಲೆ ಮೆರಿಡಿಯನ್, ಹಯಾತ್ ರೀಜೆನ್ಸಿ, ಶಾಂಗ್ರಿ-ಲಾ, ಲೀಲಾ ಪ್ಯಾಲೇಸ್, ಹೋಟೆಲ್ ಅಶೋಕ, ಎರೋಸ್ ಹೋಟೆಲ್, ದಿ ಸೂರ್ಯ, ರಾಡಿಸನ್ ಬ್ಲೂ ಪ್ಲಾಜಾ, ಜೆಡಬ್ಲ್ಯೂ ಮ್ಯಾರಿಯಟ್, ಶೆರಾಟನ್ , ಲೀಲಾ ಆಂಬಿಯೆನ್ಸ್ ಕನ್ವೆನ್ಷನ್, ಹೋಟೆಲ್ ಪುಲ್ಮನ್, ರೋಸೆಟ್ ಹೋಟೆಲ್ ಮತ್ತು ದಿ ಇಂಪೀರಿಯಲ್.

ಎನ್​​ಸಿಆರ್: ದಿ ವಿವಾಂತ (ಸೂರಜ್‌ಕುಂಡ್), ಐಟಿಸಿ ಗ್ರ್ಯಾಂಡ್ (ಗುರುಗ್ರಾಮ್), ತಾಜ್ ಸಿಟಿ ಸೆಂಟರ್ (ಗುರುಗ್ರಾಮ್), ಹಯಾತ್ ರೀಜೆನ್ಸಿ (ಗುರುಗ್ರಾಮ್), ದಿ ಒಬೆರಾಯ್ (ಗುರುಗ್ರಾಮ್), ವೆಸ್ಟ್‌ಐಎನ್‌ಎನ್ (ಗುರುಗ್ರಾಮ್), ಕ್ರೌನ್ ಪ್ಲಾಜಾ (ಗ್ರೇಟರ್ ನೋಯ್ಡಾ).

ಯಾರಿಗೆ ಎಲ್ಲಿ ಆತಿಥ್ಯ?

ಜೋ ಬಿಡೆನ್ ತಂಗಲಿರುವ ಐಟಿಸಿ ಮೌರ್ಯ ಹೋಟೆಲ್‌ನ ಪ್ರತಿಯೊಂದು ಮಹಡಿಯಲ್ಲಿ ‘ಅಮೆರಿಕನ್ ಸೀಕ್ರೆಟ್ ಸರ್ವೀಸ್’ನ ಕಮಾಂಡೋಗಳು ಇರುತ್ತಾರೆ ಎಂದು ಮೂಲಗಳು ತಿಳಿಸಿವೆ. ಅವರು 14ನೇ ಮಹಡಿಯಲ್ಲಿ ತಂಗಲಿದ್ದು, ಮಹಡಿ ತಲುಪಲು ವಿಶೇಷ ಲಿಫ್ಟ್ ಅಳವಡಿಸಲಾಗುವುದು. ಈ ಹೋಟೆಲ್‌ನ ಸುಮಾರು 400 ಕೊಠಡಿಗಳನ್ನು ಕಾಯ್ದಿರಿಸಲಾಗಿದೆ.

ಮೂಲಗಳ ಪ್ರಕಾರ, ಬ್ರಿಟಿಷ್ ಪ್ರಧಾನಿ ರಿಷಿ ಸುನಕ್ ಅವರು ಶಾಂಗ್ರಿ-ಲಾ ಹೋಟೆಲ್‌ನಲ್ಲಿ ತಂಗಲಿದ್ದಾರೆ. ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಅವರು ಕ್ಲಾರಿಡ್ಜಸ್ ಹೋಟೆಲ್‌ನಲ್ಲಿ ತಂಗಲಿದ್ದಾರೆ. ಆಸ್ಟ್ರೇಲಿಯಾದ ಪ್ರಧಾನಿ ಆಂಥೋನಿ ಅಲ್ಬನೀಸ್ ಇಂಪೀರಿಯಲ್ ಹೋಟೆಲ್‌ನಲ್ಲಿ ಮತ್ತು ಚೀನಾ ಅಧ್ಯಕ್ಷ ಷಿ ಜಿನ್‌ಪಿಂಗ್ ತಾಜ್ ಪ್ಯಾಲೇಸ್ ಹೋಟೆಲ್‌ನಲ್ಲಿ ತಂಗಲಿದ್ದಾರೆ.

ಅಮೆರಿಕ, ಯುಕೆ, ಚೀನಾ ಸೇರಿದಂತೆ ದೇಶಗಳ ಮುಂಗಡ ಸಂಪರ್ಕ ತಂಡಗಳು ಈಗಾಗಲೇ ಭಾರತಕ್ಕೆ ಆಗಮಿಸಿವೆ. ದೆಹಲಿಯ ಒಬೆರಾಯ್ ಹೋಟೆಲ್ ಟರ್ಕಿಶ್ ನಿಯೋಗಗಳನ್ನು ಹೊಂದಿದ್ದು, ಮಾರಿಷಸ್, ನೆದರ್ಲ್ಯಾಂಡ್ಸ್, ನೈಜೀರಿಯಾ ಮತ್ತು ಸ್ಪೇನ್‌ನ ನಿಯೋಗಗಳು ಲೆ ಮೆರಿಡಿಯನ್‌ನಲ್ಲಿ ಉಳಿಯಲಿವೆ ಎಂದು ಮೂಲಗಳು ತಿಳಿಸಿವೆ.

ಚೀನಾ ಮತ್ತು ಬ್ರೆಜಿಲ್‌ನ ನಿಯೋಗಗಳು ದೆಹಲಿಯ ತಾಜ್ ಪ್ಯಾಲೇಸ್‌ನಲ್ಲಿ ತಂಗಲಿದ್ದು, ಇಂಡೋನೇಷಿಯಾ ಮತ್ತು ಆಸ್ಟ್ರೇಲಿಯಾದ ನಿಯೋಗಗಳಿಗೆ ಇಂಪೀರಿಯಲ್ ಹೋಟೆಲ್‌ನಲ್ಲಿ ವಸತಿ ಕಲ್ಪಿಸಲಾಗುವುದು. ಹಾಗೆಯೇ ಶಾಂಗ್ರಿ-ಲಾ ಯುನೈಟೆಡ್ ಕಿಂಗ್‌ಡಮ್ ಮತ್ತು ಜರ್ಮನಿಯ ನಿಯೋಗಗಳಿಗೆ ಆತಿಥ್ಯ ವಹಿಸುತ್ತದೆ. ದೆಹಲಿಯ ಹಯಾತ್ ರೀಜೆನ್ಸಿ ಇಟಾಲಿಯನ್ ಮತ್ತು ಸಿಂಗಾಪುರದ ನಿಯೋಗಗಳಿಗೆ ಅವಕಾಶ ಕಲ್ಪಿಸುತ್ತದೆ.

ಅಮೆರಿಕದ ನಿಯೋಗವು ಚಾಣಕ್ಯಪುರಿಯ ಐಟಿಸಿ ಮೌರ್ಯ ಶೆರಾಟನ್‌ನಲ್ಲಿ, ಓಮನ್ ನಿಯೋಗ ಲೋಧಿ ಹೋಟೆಲ್‌ನಲ್ಲಿ, ಫ್ರೆಂಚ್ ನಿಯೋಗ ಕ್ಲಾರಿಡ್ಜಸ್ ಹೋಟೆಲ್‌ನಲ್ಲಿ ಮತ್ತು ಬಾಂಗ್ಲಾದೇಶದ ನಿಯೋಗ ಗುರುಗ್ರಾಮ್‌ನ ಗ್ರ್ಯಾಂಡ್ ಹಯಾತ್‌ನಲ್ಲಿ ತಂಗಲಿದೆ. ದೆಹಲಿಯ ಲಲಿತ್ ಹೋಟೆಲ್ ಕೆನಡಾ ಮತ್ತು ಜಪಾನ್‌ನ ನಿಯೋಗಗಳಿಗೆ ಆತಿಥ್ಯ ವಹಿಸಲಿದೆ ಎಂದು ಮೂಲಗಳು ತಿಳಿಸಿವೆ.

ಕೊರಿಯಾದ ನಿಯೋಗವು ಗುರುಗ್ರಾಮ್‌ನ ಒಬೆರಾಯ್ ಹೋಟೆಲ್‌ನಲ್ಲಿ, ಈಜಿಪ್ಟ್ ನಿಯೋಗ ಸಾಕೇತ್‌ನ ಐಟಿಸಿ ಶೆರಾಟನ್‌ನಲ್ಲಿ ಮತ್ತು ಸೌದಿ ಅರೇಬಿಯಾದ ನಿಯೋಗ ಗುರುಗ್ರಾಮ್‌ನ ಲೀಲಾ ಹೋಟೆಲ್‌ನಲ್ಲಿ ತಂಗಲಿದೆ. ಯುಎಇ ನಿಯೋಗ ದೆಹಲಿಯ ತಾಜ್ ಮಹಲ್ ಹೋಟೆಲ್‌ನಲ್ಲಿ ತಂಗಲಿದೆ.

ಇದನ್ನೂ ಓದಿ: ಕೇಂದ್ರ ಸರ್ಕಾರ ಬಿಹಾರದಲ್ಲಿ ಜಾತಿ ಸಮೀಕ್ಷೆಗೆ ತಡೆಯೊಡ್ಡಲು ಪ್ರಯತ್ನಿಸುತ್ತಿದೆ: ಆರ್‌ಜೆಡಿ, ಜೆಡಿಯು ಆರೋಪ

ವಿದೇಶಿ ಅತಿಥಿಗಳ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು ಕೇಂದ್ರ ಅರೆಸೇನಾ ಪಡೆಗಳು, ಎನ್‌ಎಸ್‌ಜಿ ಕಮಾಂಡೋಗಳು ಮತ್ತು ದೆಹಲಿ ಪೊಲೀಸ್ ತಂಡಗಳು ಭಾಗಿಯಾಗಲಿವೆ. ಎಲ್ಲಾ ಭದ್ರತಾ ಏಜೆನ್ಸಿಗಳ ಕಮಾಂಡೋಗಳಿಗೆ ವಿವಿಧ ಜವಾಬ್ದಾರಿಗಳನ್ನು ನೀಡಲಾಗಿದೆ.

ಇದರೊಂದಿಗೆ, ಬಿಡೆನ್ ಅವರ ಭದ್ರತೆಯಲ್ಲಿ ನಿಯೋಜಿಸಲಾದ ‘ಅಮೆರಿಕನ್ ಸೀಕ್ರೆಟ್ ಸರ್ವೀಸ್’ ಸ್ಕ್ವಾಡ್ ಸೆಪ್ಟೆಂಬರ್ 9 ರಿಂದ ಎರಡು ದಿನಗಳ ಜಿ 20 ಶೃಂಗಸಭೆ ಪ್ರಾರಂಭವಾಗುವ ಮೂರು ದಿನಗಳ ಮೊದಲು ದೆಹಲಿಗೆ ಆಗಮಿಸಲಿದೆ.

ಭದ್ರತಾ ವ್ಯವಸ್ಥೆಗಳ ಕುರಿತು ಚರ್ಚಿಸಲು ಗೃಹ ಸಚಿವಾಲಯವು ಇದುವರೆಗೆ ಹಲವು ಸಭೆಗಳನ್ನು ನಡೆಸಿದೆ. ಜಿ20 ಪ್ರತಿನಿಧಿಗಳ ಭದ್ರತೆಗಾಗಿ ಐವತ್ತು ಸಿಆರ್‌ಪಿಎಫ್ ಗಾರ್ಡ್‌ಗಳನ್ನು ನಿಯೋಜಿಸಲಾಗುವುದು. G20 ಶೃಂಗಸಭೆಯಲ್ಲಿ ವಿದೇಶಿ ಅತಿಥಿಗಳ ಭದ್ರತೆಯನ್ನು ಖಚಿತಪಡಿಸಿಕೊಳ್ಳಲು CRPF ಗ್ರೇಟರ್ ನೋಯ್ಡಾದ ವಿಐಪಿ ಭದ್ರತಾ ತರಬೇತಿ ಕೇಂದ್ರದಲ್ಲಿ 1,000 ಸಿಬ್ಬಂದಿಯ ತಂಡವನ್ನು ನಿಯೋಜಿಸಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 6:15 pm, Tue, 29 August 23