Happy Birthday Manmohan Singh: ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಬಗ್ಗೆ ಹೆಚ್ಚಿಗೆ ತಿಳಿಯದಿರುವ ಮಾಹಿತಿ ನಿಮಗಾಗಿ ಇಲ್ಲಿದೆ
MMS 91st birthday: ಮನಮೋಹನ್ ಸಿಂಗ್ ಅವರಿಗೆ ಹಿಂದಿ ಓದಲು ಬರುವುದಿಲ್ಲ, ಆದರೆ ಉರ್ದು ಚೆನ್ನಾಗಿ ಕಲಿತಿದ್ದರು. ಅವರು ದೇಶವನ್ನು ಮುನ್ನಡೆಸುವಾಗ ಅವರ ಭಾಷಣಗಳನ್ನು ಉರ್ದುವಿನಲ್ಲಿ ಬರೆದುಕೊಡಲಾಗುತ್ತಿತ್ತು, ಅವರು ಪ್ರತಿದಿನ ಬೆಳಿಗ್ಗೆ ಬಿಬಿಸಿ ಸುದ್ದಿಯನ್ನು ಕೇಳುತ್ತಿದ್ದರು. ಮನಮೋಹನ್ ಸಿಂಗ್ ಅವರ ಈ ಅಭ್ಯಾಸವು 2004 ರ ಸುನಾಮಿ ಎದುರಾದಾಗ ತಕ್ಷಣವೇ ಪ್ರತಿಕ್ರಿಯಿಸಲು ಸಹಾಯ ಮಾಡಿತು. ಗಮನಿಸಿ ಇದು ಪ್ರಧಾನಿ ಕಚೇರಿ ಎಚ್ಚರಿಸುವ ಮೊದಲೇ ನೀಡಿದ್ದ ಸಂದೇಶವಾಗಿತ್ತು.
MMS 91st birthday: ಮಾಜಿ ಪ್ರಧಾನಿ ಡಾ ಮನಮೋಹನ್ ಸಿಂಗ್ ಬಗ್ಗೆ ಹೆಚ್ಚಿಗೆ ತಿಳಿಯದಿರುವ ಮಾಹಿತಿ ಇಲ್ಲಿದೆ
ಭಾರತದ ಮಾಜಿ ಪ್ರಧಾನಿ ಮತ್ತು ವಿಶ್ವ ವಿಖ್ಯಾತ ಅರ್ಥಶಾಸ್ತ್ರಜ್ಞ ಡಾ ಮನಮೋಹನ್ ಸಿಂಗ್ (Dr Manmohan Singh) ಅವರು ಇಂದು ತಮ್ಮ 91 ನೇ ಹುಟ್ಟುಹಬ್ಬವನ್ನು (91st birthday) ಆಚರಿಸಿಕೊಳ್ಳುತ್ತಿದ್ದಾರೆ. ಅವರು 1982-1985 ರವರೆಗೆ ಭಾರತೀಯ ರಿಸರ್ವ್ ಬ್ಯಾಂಕ್ (RBI -Reserve Bank of India) ಗವರ್ನರ್ ಆಗಿ ಸೇವೆ ಸಲ್ಲಿಸಿದವರು ಮತ್ತು ಪಿವಿ ನರಸಿಂಹ ರಾವ್ ಅವರ ಸರ್ಕಾರದಲ್ಲಿ ಹಣಕಾಸು ಸಚಿವರಾಗಿದ್ದವರು. ಅವರು 1991 ರಲ್ಲಿ ಭಾರತದ ಆರ್ಥಿಕ ಉದಾರೀಕರಣಕ್ಕೆ ಕಾರಣರಾದವರಲ್ಲಿ ಒಬ್ಬರು. MMS ಅವರು ಭಾರತವನ್ನು ಉದಾರೀಕರಣದತ್ತ ಕೊಂಡೊಯ್ಯುವ ಆರ್ಥಿಕ ಸುಧಾರಣೆಗಳನ್ನು ಪರಿಚಯಿಸಿದರು ಮತ್ತು ‘ಪರವಾನಗಿ ರಾಜ್’ ಅನ್ನು ಕೊನೆಗೊಳಿಸಿದರು. ಅವರ ಜನ್ಮದಿನದಂದು, ಮಾಜಿ ಪ್ರಧಾನಿಯ ಬಗ್ಗೆ ಹೆಚ್ಚು ತಿಳಿದಿಲ್ಲದ ಕೆಲವು ಸಂಗತಿಗಳನ್ನು ಇಲ್ಲಿ ನೋಡೋಣ.
- ಮನಮೋಹನ್ ಸಿಂಗ್ ಅವರಿಗೆ ಹಿಂದಿ ಓದಲು ಬರುವುದಿಲ್ಲ, ಆದರೆ ಉರ್ದು ಚೆನ್ನಾಗಿ ಕಲಿತಿದ್ದರು. ಅವರು ದೇಶವನ್ನು ಮುನ್ನಡೆಸುವಾಗ ಅವರ ಭಾಷಣಗಳನ್ನು ಉರ್ದುವಿನಲ್ಲಿ ಬರೆದುಕೊಡಲಾಗುತ್ತಿತ್ತು,
- ಅವರ ಜೀವನದ ಮೊದಲ 12 ವರ್ಷಗಳವರೆಗೆ ಅವರ ಮನೆಗೆ ವಿದ್ಯುತ್ ಇರಲಿಲ್ಲ. ಅವರು ಸೀಮೆಎಣ್ಣೆ ದೀಪದ ಬೆಳಕಿನಲ್ಲಿ ಓದುತ್ತಿದ್ದರು – ಡಾ ಸಿಂಗ್ ಅವರು ವಿದ್ಯುತ್ ಇಲ್ಲದ ಗಾಹ್ (ಅವಿಭಜಿತ ಭಾರತದಲ್ಲಿ) ಗ್ರಾಮದಲ್ಲಿ ವಾಸಿಸುತ್ತಿದ್ದರು. ಅವರ ಕುಟುಂಬಕ್ಕೆ ಕೊಳಾಯಿ ನೀರು ಮತ್ತು ಶಾಲೆಗೆ ಪ್ರವೇಶವಿಲ್ಲ, ಮತ್ತು ಅವರು ಶಾಲೆಗೆ ಹೋಗಲು ಮೈಲುಗಟ್ಟಲೆ ನಡೆದುಕೊಂಡು ಹೋಗುತ್ತಿದ್ದರು.
- ಅವರ ಕುಟುಂಬವು ಆಗಸ್ಟ್ 1947 ರಲ್ಲಿ ಭಾರತದ ವಿಭಜನೆಯ ನಂತರ ಅಮೃತಸರಕ್ಕೆ ವಲಸೆ ಹೋದರು, ಡಾ ಸಿಂಗ್ ಮತ್ತು ಅವರ ಕುಟುಂಬವು ಅಮೃತಸರಕ್ಕೆ ವಲಸೆ ಹೋದರು, ಅಲ್ಲಿ ಅವರು ಮೊದಲಿನಿಂದ ಜೀವನವನ್ನು ಪ್ರಾರಂಭಿಸಿದರು. ಆ ಸಮಯದಲ್ಲಿ ಅವರು 14 ವರ್ಷ ವಯಸ್ಸಿನವರಾಗಿದ್ದರು.
- ಮುಂದೆ ಅವರಿಗೆ ವರ್ಷದ ಹಣಕಾಸು ಮಂತ್ರಿ ಎಂಬ ಬಿರುದು ದಕ್ಕಿತು. ಡಾ ಸಿಂಗ್ ಅವರನ್ನು 1993 ರಲ್ಲಿ ಯುರೋಮನಿ ಮತ್ತು ಏಷ್ಯಾಮನಿ ಬವತಿಯಿಂದ ವರ್ಷದ ಹಣಕಾಸು ಮಂತ್ರಿ ಎಂದು ಹೆಸರಿಸಲಾಯಿತು.
- ಅವರು ಹಿಂದೂಯೇತರ ಸಮುದಾಯಕ್ಕೆ ಸೇರಿದ, ಭಾರತದ ಮೊದಲ ಪ್ರಧಾನಿ. ಡಾ ಮನಮೋಹನ್ ಸಿಂಗ್ ಭಾರತದ ಪ್ರಧಾನಿಯಾದ ಮೊದಲ ಸಿಖ್.
- ಅವರು ಭಾರತದ ಮೊದಲ ಪ್ರಧಾನಮಂತ್ರಿ ಪಂಡಿತ್ ಜವಾಹರ್ ಲಾಲ್ ನೆಹರು ಅವರು ಮನಮೋಹನ್ ಸಿಂಗ್ ಅವರನ್ನು ಸರ್ಕಾರಕ್ಕೆ ಸೇರಲು 1962 ರಲ್ಲಿ ಪ್ರಸ್ತಾಪಿಸಿದ್ದರು.
- ಅವರು ಭಾರತದಲ್ಲಿ ಸೇವೆ ಸಲ್ಲಿಸಲು ವಿಶ್ವಸಂಸ್ಥೆಯನ್ನು(UN) ತೊರೆದರು. ಡಾ. ಸಿಂಗ್ ಅವರು 1966-1969ರ ಅವಧಿಯಲ್ಲಿ ಅರ್ಥಶಾಸ್ತ್ರಜ್ಞ ರೌಲ್ ಪ್ರಿಬಿಶ್ ಅವರ ಅಡಿಯಲ್ಲಿ ವ್ಯಾಪಾರ ಮತ್ತು ಅಭಿವೃದ್ಧಿ ಕುರಿತ ವಿಶ್ವಸಂಸ್ಥೆಯ ಸಮ್ಮೇಳನದಲ್ಲಿ ಕೆಲಸ ಮಾಡಿದರು. ಆದರೆ ದೆಹಲಿ ಸ್ಕೂಲ್ ಆಫ್ ಎಕನಾಮಿಕ್ಸ್‌ನಲ್ಲಿ ಉಪನ್ಯಾಸಕರಾಗಿ ಕೆಲಸ ಮಾಡುವ ಪ್ರಸ್ತಾಪವನ್ನು ಪಡೆದಾಗ ಅವರು ಯುಎನ್ ಅನ್ನು ತೊರೆದು ಭಾರತಕ್ಕೆ ಮರಳಿದರು. ಯಾವುದೇ ಉನ್ನತಮಟ್ಟದ ಅರ್ಥಶಾಸ್ತ್ರಜ್ಞ ಯುಎನ್ ಗಾಗಿ ಕೆಲಸ ಮಾಡುವ ಕನಸು ಕಾಣುತ್ತಿದ್ದ ಸಮಯ ಅದು ಎಂಬುದು ಗಮನಾರ್ಹ.
- ಅವರು ಪ್ರತಿದಿನ ಬೆಳಿಗ್ಗೆ ಬಿಬಿಸಿ ಸುದ್ದಿಯನ್ನು ಕೇಳುತ್ತಿದ್ದರು. ಮನಮೋಹನ್ ಸಿಂಗ್ ಅವರ ಈ ಅಭ್ಯಾಸವು 2004 ರ ಸುನಾಮಿ ಧುತ್ತನೇ ಎದುರಾದಾಗ ತಕ್ಷಣವೇ ಪ್ರತಿಕ್ರಿಯಿಸಲು ಸಹಾಯ ಮಾಡಿತು. ಗಮನಿಸಿ ಇದು ಪ್ರಧಾನಿ ಕಚೇರಿ (ಪಿಎಂಒ) ಎಚ್ಚರಿಸುವ ಮೊದಲೇ ನೀಡಿದ್ದ ಸಂದೇಶ/ ಪ್ರತಿಕ್ರಿಯೆಯಾಗಿತ್ತು.