ಅಲಾಸ್ಕದಲ್ಲಿ ಭಾರತ -ಅಮೆರಿಕ ಜಂಟಿ ಸಮರಾಭ್ಯಾಸ ಕಬಡ್ಡಿ, ಸ್ನೋಬಾಲ್ ಫೈಟ್​​ನೊಂದಿಗೆ ಆರಂಭ

ಅಲಾಸ್ಕ: ಭಾರತ ಮತ್ತು ಅಮೆರಿಕ ಭಾನುವಾರ ತಮ್ಮ “ಯುದ್ಧ ಅಭ್ಯಾಸ್” (Yudh Abhyas) ಸಮರಾಭ್ಯಾಸವನ್ನು  ಅಲಾಸ್ಕದಲ್ಲಿ ಆರಂಭಿಸಿದ್ದು, ಎರಡೂ ಕಡೆಯಿಂದ 300 ಕ್ಕೂ ಹೆಚ್ಚು ಸೈನಿಕರು ತರಬೇತಿಯಲ್ಲಿ ಭಾಗವಹಿಸಿದ್ದಾರೆ.
“ಐಸ್-ಬ್ರೇಕಿಂಗ್ ಸೆಷನ್” ನ ಭಾಗವಾಗಿ ಯೋಧರು ಕಬಡ್ಡಿ ಮತ್ತು ವಾಲಿಬಾಲ್ ಪಂದ್ಯಗಳಲ್ಲಿ ಭಾಗವಹಿಸಿದ್ದು, ಆಂಕರೇಜ್​​ನ ಜಾಯಿಂಟ್ ಬೇಸ್ ಎಲ್ಮೆಂಡೋರ್ಫ್ ರಿಚರ್ಡ್ಸನ್ ನಲ್ಲಿ ತಮಾಷೆಯಾಗಿ ಸ್ನೋ ಬಾಲ್ ಫೈಟ್ ಆಡಿದ್ದಾರೆ. “ಯುದ್ಧ ಅಭ್ಯಾಸ್” ಎರಡು ಸೇನೆಗಳ ನಡುವೆ ದೀರ್ಘಾವಧಿಯ ಜಂಟಿ ಮಿಲಿಟರಿ ತರಬೇತಿ ಮತ್ತು ರಕ್ಷಣಾ ಸಹಕಾರದ ಪ್ರಯತ್ನವಾಗಿದೆ. ಹಿಂದಿನ ಆವೃತ್ತಿಯು ಫೆಬ್ರವರಿಯಲ್ಲಿ ಬಿಕನೇರ್‌ನ ಮಹಾಜನ್ ಫೀಲ್ಡ್ ಫೈರಿಂಗ್ ರೇಂಜ್‌ನಲ್ಲಿ ನಡೆಯಿತು.

15 ದಿನಗಳ ಸುದೀರ್ಘ ಸಮರಾಭ್ಯಾಸದಲ್ಲಿ ಭಾರತೀಯ ಸೇನೆಯ ಪದಾತಿದಳ ಬೆಟಾಲಿಯನ್ ಗುಂಪಿನ 350 ಸಿಬ್ಬಂದಿಯನ್ನು ಒಳಗೊಂಡಿದೆ.

“ಈ ಸಮರಾಭ್ಯಾಸವು ಎರಡು ದೇಶಗಳ ನಡುವೆ ಹೆಚ್ಚುತ್ತಿರುವ ಮಿಲಿಟರಿ ಸಹಕಾರದ ಮತ್ತೊಂದು ಹೆಜ್ಜೆಯಾಗಿದೆ. ಎರಡು ಸೈನ್ಯಗಳ ನಡುವೆ ತಿಳುವಳಿಕೆ, ಸಹಕಾರ ಮತ್ತು ಪರಸ್ಪರ ಕಾರ್ಯಸಾಧ್ಯತೆಯನ್ನು ಹೆಚ್ಚಿಸುವ ಗುರಿಯನ್ನು ಇದು ಹೊಂದಿದೆ, “ಎಂದು ಸೇನೆ ಹೇಳಿರುವುದಾಗಿ ಪಿಟಿಐ ಸುದ್ದಿ ಸಂಸ್ಥೆ ವರದಿ ಮಾಡಿದೆ.

ಕಳೆದ ಕೆಲವು ವರ್ಷಗಳಲ್ಲಿ ಭಾರತ-ಯುಎಸ್ ರಕ್ಷಣಾ ಬಾಂಧವ್ಯಗಳು ಹೆಚ್ಚುತ್ತಿವೆ. ಜೂನ್ 2016 ರಲ್ಲಿ ಯುಎಸ್ ಭಾರತವನ್ನು “ಪ್ರಮುಖ ರಕ್ಷಣಾ ಪಾಲುದಾರ” ಎಂದು ಘೋಷಿಸಿತು. ಕಳೆದ ಎರಡು ವರ್ಷಗಳಲ್ಲಿ ಉಭಯ ದೇಶಗಳು ಪ್ರಮುಖ ರಕ್ಷಣಾ ಮತ್ತು ಭದ್ರತಾ ಒಪ್ಪಂದಗಳಿಗೆ ಸಹಿ ಹಾಕಿವೆ, ಲಾಜಿಸ್ಟಿಕ್ಸ್ ಎಕ್ಸ್‌ಚೇಂಜ್ ಮೆಮೊರಾಂಡಮ್ ಆಫ್ ಅಗ್ರಿಮೆಂಟ್ (LEMOA) ಸೇರಿದಂತೆ 2016 ರಲ್ಲಿ ತಮ್ಮ ಸೇನಾಪಡೆಗಳು ಪರಸ್ಪರ ನೆಲೆಗಳನ್ನು ದುರಸ್ತಿ, ಪೂರೈಕೆ ಮತ್ತು ಸಹಕಾರಕ್ಕೆ ಬಳಸಿಕೊಳ್ಳುತ್ತವೆ.

ಇದನ್ನೂ ಓದಿ:Kerala Floods ಪ್ರವಾಹದ ನಡುವೆ ಬಸ್ ಚಲಾಯಿಸಿದ ಕೇರಳ ಆರ್​​ಟಿಸಿ ಚಾಲಕ ಅಮಾನತು; ತಬಲಾ ನುಡಿಸುವ ವಿಡಿಯೊದೊಂದಿಗೆ ಪ್ರತಿಕ್ರಿಯಿಸಿದ ಚಾಲಕ