IRCTC down: ಐಆರ್ಸಿಟಿಸಿ ವೆಬ್ಸೈಟ್, ಮೊಬೈಲ್ ಅಪ್ಲಿಕೇಶನ್ ಕಾರ್ಯನಿರ್ವಹಿಸುತ್ತಿಲ್ಲ; ಆನ್‌ಲೈನ್‌ನಲ್ಲಿ ರೈಲು ಟಿಕೆಟ್ ಬುಕ್ ಮಾಡುವುದು ಹೇಗೆ?
ತಾಂತ್ರಿಕ ಕಾರಣಗಳಿಂದ ಪ್ಲಾಟ್‌ಫಾರ್ಮ್ ಸ್ಥಗಿತಗೊಂಡಿದೆ ಎಂದು ಹೇಳಿದೆ. ನಮ್ಮ ತಂಡ ಸಮಸ್ಯೆ ಬಗೆಹರಿಸಲು ಶ್ರಮಿಸುತ್ತಿದೆ. ತಾಂತ್ರಿಕ ಸಮಸ್ಯೆ ಸರಿ ಆದ ಮೇಲೆ ತಿಳಿಸಲಾಗುವುದು ಎಂದು IRCTC ಟ್ವೀಟ್ ಮಾಡಿದೆ
ದೆಹಲಿ ಜುಲೈ 25: ಇಂಡಿಯನ್ ರೈಲ್ವೇ ಕ್ಯಾಟರಿಂಗ್ ಮತ್ತು ಟೂರಿಸಂ ಕಾರ್ಪೊರೇಷನ್ (IRCTC) ವೆಬ್ಸೈಟ್ ಮತ್ತು ಮೊಬೈಲ್ ಅಪ್ಲಿಕೇಶನ್ ಸದ್ಯ ಕಾರ್ಯ ನಿರ್ವಹಿಸುತ್ತಿಲ್ಲ. ಈ ಬಗ್ಗೆ ಐಆರ್ಸಿಟಿಸಿ ಟ್ವೀಟ್ ಮಾಡಿದ್ದು, ತಾಂತ್ರಿಕ ಕಾರಣಗಳಿಂದ ಪ್ಲಾಟ್‌ಫಾರ್ಮ್ ಸ್ಥಗಿತಗೊಂಡಿದೆ ಎಂದು ಹೇಳಿದೆ. ನಮ್ಮ ತಂಡ ಸಮಸ್ಯೆ ಬಗೆಹರಿಸಲು ಶ್ರಮಿಸುತ್ತಿದೆ. ತಾಂತ್ರಿಕ ಸಮಸ್ಯೆ ಸರಿ ಆದ ಮೇಲೆ ತಿಳಿಸಲಾಗುವುದು ಎಂದು ಪೋಸ್ಟ್ ನಲ್ಲಿ ಹೇಳಿದೆ. ಏತನ್ಮಧ್ಯೆ ತಾಂತ್ರಿಕ ಸಮಸ್ಯೆಗಳಿಂದಾಗಿ “ಟಿಕೆಟ್ ಸೇವೆ” ಮೇಲೆ ಪರಿಣಾಮ ಬೀರಲಿದೆ.
ತಾಂತ್ರಿಕ ಕಾರಣಗಳಿಂದ ಟಿಕೆಟ್ ಸೇವೆ ಲಭ್ಯವಿಲ್ಲ. ನಮ್ಮ ತಾಂತ್ರಿಕ ತಂಡವು ಸಮಸ್ಯೆಯನ್ನು ಪರಿಹರಿಸುತ್ತಿದೆ. ತಾಂತ್ರಿಕ ಸಮಸ್ಯೆಯನ್ನು ಸರಿಪಡಿಸಿದ ತಕ್ಷಣ ನಾವು ತಿಳಿಸುತ್ತೇವೆ ಎಂದು ಟ್ವೀಟ್ ಮಾಡಿದ ಐಆರ್ ಸಿಟಿಸಿ ಕೆಲವು ನಿಮಿಷಗಳ ನಂತರ ತಾಂತ್ರಿಕ ಕಾರಣಗಳಿಂದಾಗಿ, IRCTC ಸೈಟ್ ಮತ್ತು ಅಪ್ಲಿಕೇಶನ್‌ನಲ್ಲಿ ಟಿಕೆಟಿಂಗ್ ಸೇವೆ ಲಭ್ಯವಿಲ್ಲ. CRIS ನ ತಾಂತ್ರಿಕ ತಂಡವು ಸಮಸ್ಯೆಯನ್ನು ಪರಿಹರಿಸುತ್ತಿದೆ ಎಂದಿದೆ.
Due to technical reasons, the ticketing service is not available on IRCTC site and App. Technical team of CRIS is resolving the issue.
Alternatively tickets can be booked through other B2C players like Amazon, Makemytrip etc.
— IRCTC (@IRCTCofficial) July 25, 2023
ಪರ್ಯಾಯವಾಗಿ, ಬಳಕೆದಾರರು Amazon, MakeMyTrip ಮತ್ತು ಇತರ ಪ್ಲಾಟ್‌ಫಾರ್ಮ್‌ಗಳನ್ನು ಬಳಸಬಹುದು ಎಂದು ಐಆರ್ಸಿಟಿಸಿ ಹೇಳಿದೆ.
ಇದನ್ನೂ ಓದಿ: Viral Video: ಬೆಂಗಾಲಿಯನ್ನು ಫ್ರೆಂಚ್ ಶೈಲಿಯಲ್ಲಿ, ಮರಾಠಿಯನ್ನು ಐರಿಷ್ ಶೈಲಿಯಲ್ಲಿ ಮಾತನಾಡಿದಾಗ
Amazon, MakeMyTrip ಮತ್ತು ಇತರ ಥರ್ಡ್ ಪಾರ್ಟಿ ಪ್ಲಾಟ್‌ಫಾರ್ಮ್‌ಗಳಿಂದ ರೈಲು ಟಿಕೆಟ್‌ಗಳನ್ನು ಬುಕ್ ಮಾಡುವುದು ಹೇಗೆ?
- ಮೊದಲು ರೈಲು ಟಿಕೆಟ್ ವಿಭಾಗಕ್ಕೆ ಹೋಗಿ
- ನಿಮ್ಮ ಪ್ರಯಾಣದ ವಿವರಗಳನ್ನು ನಮೂದಿಸಿ: ನಿಮ್ಮ ನಿರ್ಗಮನ ನಗರ, ಗಮ್ಯಸ್ಥಾನ ನಗರ, ದಿನಾಂಕ ಮತ್ತು ಪ್ರಯಾಣದ ಸಮಯವನ್ನು ನೀವು ನಮೂದಿಸಬೇಕಾಗುತ್ತದೆ. ನಿಮಗೆ ಒನ್-ವೇ ಟಿಕೆಟ್ ಅಥವಾ ರಿಟರ್ನ್ ಟಿಕೆಟ್ ಬೇಕೇ ಎಂಬುದನ್ನು ನಿರ್ದಿಷ್ಟಪಡಿಸಲು ಕೆಲವು ಸೇವೆಗಳು ನಿಮ್ಮನ್ನು ಕೇಳಬಹುದು. ಅಗತ್ಯವಿರುವಂತೆ ವಿವರಗಳನ್ನು ಸೇರಿಸಿ.
- ರೈಲನ್ನು ಆಯ್ಕೆಮಾಡಿ: ವೆಬ್ಸೈಟ್ ನಿಮಗೆ ಲಭ್ಯವಿರುವ ರೈಲುಗಳನ್ನು ತೋರಿಸುತ್ತದೆ. ಹೊರಡುವ ಸಮಯ, ಪ್ರಯಾಣದ ಅವಧಿ ಮತ್ತು ಬೆಲೆಯ ಆಧಾರದ ಮೇಲೆ ನಿಮಗೆ ಸೂಕ್ತವಾದದನ್ನು ನೀವು ಆಯ್ಕೆ ಮಾಡಬಹುದು.
- ನಿಮ್ಮ ಸೀಟು ಆಯ್ಕೆ ಮಾಡಿ: ಕೆಲವು ಸೇವೆಗಳು ನಿಮ್ಮ ಆಸನವನ್ನು ಆಯ್ಕೆ ಮಾಡಲು ನಿಮಗೆ ಅನುಮತಿಸುತ್ತದೆ. ಇತರರು ನಿಮಗೆ ಆಸನವನ್ನು ಸ್ವಯಂಚಾಲಿತವಾಗಿ ನಿಯೋಜಿಸುತ್ತಾರೆ.
- ಪಾವತಿ ಮಾಡಿ: ನಿಮ್ಮ ಪಾವತಿ ವಿವರಗಳನ್ನು ನಮೂದಿಸಿ ಮತ್ತು ಖರೀದಿಯನ್ನು ಪೂರ್ಣಗೊಳಿಸಿ.
- ದೃಢೀಕರಣ: ನಿಮ್ಮ ಟಿಕೆಟ್ ವಿವರಗಳೊಂದಿಗೆ ದೃಢೀಕರಣ ಇಮೇಲ್ ಬರುತ್ತದೆ. ಕೆಲವು ಸೇವೆಗಳು ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ತೋರಿಸಬಹುದಾದ ಮೊಬೈಲ್ ಟಿಕೆಟ್ ಅನ್ನು ಸಹ ನಿಮಗೆ ಕಳುಹಿಸುತ್ತವೆ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 12:39 pm, Tue, 25 July 23