PAN-Aadhaar Linking: ಆಧಾರ್​​-ಪಾನ್​ ಲಿಂಕ್​ಗೆ ನಾಳೆಯೇ ಕೊನೇ ದಿನ; ಆನ್​ಲೈನ್ ಮೂಲಕ ಸುಲಭವಾಗಿ ಮಾಡಿಕೊಳ್ಳುವ ವಿಧಾನ ಇಲ್ಲಿದೆ ನೋಡಿ..

ಆಧಾರ್​ ಕಾರ್ಡ್​ನೊಂದಿಗೆ ಪಾನ್​ ಕಾರ್ಡ್​ ಲಿಂಕ್​ ಮಾಡುವುದು ಕಡ್ಡಾಯ ಎಂದು ಕೇಂದ್ರಸರ್ಕಾರ ಸೂಚಿಸಿದೆ. ನಿಮ್ಮ ಆಧಾರ್ ಹಾಗೂ ಪಾನ್​ ಕಾರ್ಡ್​ಗಳು ಲಿಂಕ್​ ಆಗದೆ ಇದ್ದರೆ ಬೇಗ ಮಾಡಿಕೊಂಡುಬಿಡಿ, ಯಾಕೆಂದರೆ ನಾಳೆ (ಮಾರ್ಚ್​ 31) ಯೇ ಕೊನೇ ದಿನ. ಮಾರ್ಚ್​ 31ರೊಳಗೆ ಆಧಾರ್​-ಪಾನ್​ ಲಿಂಕ್ ಆಗದೆ ಇದ್ದರೆ ನಿಮ್ಮ ಪಾನ್​ ಕಾರ್ಡ್​ ನಿಷ್ಕ್ರಿಯಗೊಳ್ಳಲಿದೆ. 10,000 ರೂ.ದಂಡವನ್ನೂ ತುಂಬಬೇಕಾಗುತ್ತದೆ.

ಪ್ರಸ್ತುತ ಇರುವ ಕಾನೂನಿನ ಅಡಿ ಆದಾಯ ತೆರಿಗೆ ಸಲ್ಲಿಸಲು (ITR) ಆಧಾರ್ ಕಾರ್ಡ್ ಹಾಗೂ ಪಾನ್​ ಕಾರ್ಡ್​ಗಳು ಲಿಂಕ್ ಆಗಿರುವುದು ಕಡ್ಡಾಯ. ಆದರೆ ಅವರಷ್ಟೇ ಅಲ್ಲದೆ, ಭಾರತದ ಪ್ರತಿ ನಾಗರಿಕನೂ ಕೊಟ್ಟ ಅವಧಿಯ ಒಳಗೆ ಆಧಾರ್​-ಪಾನ್​ನ್ನು ಕಡ್ಡಾಯವಾಗಿ ಲಿಂಕ್ ಮಾಡಿಕೊಳ್ಳಬೇಕು ಎಂದು ಕೇಂದ್ರ ನೇರತೆರಿಗೆಗಳ ಮಂಡಳಿ (ಸಿಬಿಡಿಟಿ) ಸ್ಪಷ್ಟಪಡಿಸಿದೆ. ಒಂದೊಮ್ಮೆ ಯಾರಾದರೂ ಪಾನ್​ ಕಾರ್ಡ್ ಮತ್ತು ಆಧಾರ್​ ಕಾರ್ಡ್​ ಲಿಂಕ್ ಮಾಡಿಕೊಳ್ಳದೆ ಇದ್ದರೆ, ಅವರಿಗೆ ಯಾವುದೇ ಹಣಕಾಸು ವ್ಯವಹಾರ ಅಂದರೆ ಬ್ಯಾಂಕ್​ ಅಕೌಂಟ್​ ಓಪನ್​ ಮಾಡಲು, ಸರ್ಕಾರದಿಂದ ಸಿಗುವ ಪಿಂಚಣಿ, ಸ್ಕಾಲರ್​ಶಿಪ್​, ಎಲ್​ಪಿಜಿ ಸಬ್ಸಿಡಿ ಪಡೆಯಲು ಪಾನ್​ ಕಾರ್ಡ್ ಬಳಕೆ ಮಾಡಲು ಸಾಧ್ಯವಿಲ್ಲದಂತೆ ಆಗುತ್ತದೆ ಎಂದೂ ತಿಳಿಸಿದೆ.

ನಾಳೆಯೊಳಗೆ ನೀವು ಆನ್​​ಲೈನ್​ ಮೂಲಕವೇ ಆಧಾರ್​-ಪಾನ್​ ಲಿಂಕ್​ ಮಾಡಿಕೊಳ್ಳಬಹುದು. ಅದಕ್ಕೆ ಇಲ್ಲಿದೆ ನೋಡಿ ಮಾರ್ಗ
ಮೊದಲು ನಿಮ್ಮ ಆಧಾರ್ ಕಾರ್ಡ್ ಮತ್ತು ಪಾನ್​ಕಾರ್ಡ್​ನ್ನು ರೆಡಿ ಆಗಿಟ್ಟುಕೊಳ್ಳಿ

• ಐಟಿ ಇಲಾಖೆಯ ಇ-ಫೈಲಿಂಗ್​ (E-Filing) ಪೋರ್ಟಲ್​ www.incometaxindiaefiling.gov.in ಗೆ ಭೇಟಿ ನೀಡಿ
• ಹೋಂ ಪೇಜ್​ನಲ್ಲಿ ನಿಮ್ಮ ಎಡಗಡೆ ಕಾಣುವ ಲಿಸ್ಟ್​​ನಲ್ಲಿ ಲಿಂಕ್ ಆಧಾರ್​ ( Link Aadhaar) ಎಂಬಲ್ಲಿ ಕ್ಲಿಕ್​ ಮಾಡಿ.
• ಆಗ ಒಂದು ಹೊಸ ಪೇಜ್​ ತೆರೆದುಕೊಳ್ಳುತ್ತದೆ. ಇದರಲ್ಲಿ ನಿಮ್ಮ ಪಾನ್​ ಸಂಖ್ಯೆ, ಆಧಾರ್ ಕಾರ್ಡ್​ ಸಂಖ್ಯೆ, ಆಧಾರ್ ಕಾರ್ಡ್​ನಲ್ಲಿರುವಂತೆಯೇ ಹೆಸರು ಬರೆಯಲು ಕಾಲಂ ಇರುತ್ತದೆ. ಅದರಲ್ಲಿ ಸರಿಯಾಗಿ ತುಂಬಿ.
• ಆಧಾರ್ ಕಾರ್ಡ್​ನಲ್ಲಿ ನಿಮ್ಮ ಜನನ ವರ್ಷ ಮಾತ್ರ ನಮೂದಾಗಿದ್ದರೆ ಈ ಪೇಜ್​ನಲ್ಲಿ ಕಾಣಿಸಿಕೊಳ್ಳುವ ಬಾಕ್ಸ್​ನಲ್ಲಿ ಚೆಕ್​ ಮಾಡಿ. ಇಲ್ಲದಿದ್ದರೆ ಹಾಗೇ ಬಿಡಿ.
• I agree to validate my Aadhar details with UIDAI ಎಂಬ ಸಾಲಿನ ಹಿಂದೆ ಇರುವ ಬಾಕ್ಸ್​ನಲ್ಲಿ ಕೂಡ ಟಿಕ್ ಮಾಡಿ.
• ಅದಾದ ಬಳಿಕ ಸ್ಕ್ರೀನ್​ನಲ್ಲಿ ಕಾಣಿಸಿಕೊಳ್ಳುವ captcha codenನ್ನು ನಮೂದಿಸಿ. ಇದರಲ್ಲಿ ಸಮಸ್ಯೆ ಆಗುತ್ತಿದ್ದರೆ ನೀವು ಒಟಿಪಿಗೆ ರಿಕ್ವೆಸ್ಟ್ ಮಾಡಬಹುದು.
• ಬಳಿಕ ಕೆಳಗೆ ಕಾಣಿಸಿಕೊಳ್ಳುವ Link Aadhaar ಮೇಲೆ ಕ್ಲಿಕ್ ಮಾಡಿದರೆ ಆಯಿತು.

ಮೊಬೈಲ್​ನಲ್ಲಿ ಕೂಡ ಸಿಂಪಲ್ ಆಗಿ ಆಧಾರ್​ ಮತ್ತು ಪಾನ್ ಕಾರ್ಡ್​ ಲಿಂಕ್​ ಮಾಡಿಕೊಳ್ಳಬಹುದಾಗಿದೆ. UIDPAN< ಆಧಾರ್​ ಕಾರ್ಡ್​ನ 12 ಸಂಖ್ಯೆಗಳು >< ಪಾನ್​ ಕಾರ್ಡ್​ನ 10 ಡಿಜಿಟ್​ಗಳು> ಈ ಫಾರ್ಮೇಟ್​ನಲ್ಲಿ ಬರೆದು, 567678 ಅಥವಾ 56161ಕ್ಕೆ ಎಸ್​ಎಂಎಸ್ ಮಾಡಿದರೆ ಆಯಿತು.

ಉದಾಹರಣೆಗೆ ನಿಮ್ಮ ಆಧಾರ್​ ನಂಬರ್ 108956743120 ಮತ್ತು ಪಾನ್ ನಂಬರ್ ABCD1234F ಎಂದಿಟ್ಟುಕೊಳ್ಳೋಣ. ಈಗ ನೀವು ಮೊದಲು UIDAI ಅಂತ ಟೈಪ್​ ಮಾಡಿ ಒಂದು ಸ್ಪೇಸ್​ ಕೊಟ್ಟು, 108956743120 ABCD1234F ಅಂತ ಬರೆದು 567678 or 56161ಕ್ಕೆ ಕಳಿಸಿ. ನಿಮ್ಮ ಆಧಾರ್​ ಮತ್ತು ಪಾನ್​ ಕಾರ್ಡ್ ಲಿಂಕ್​ ಆದ ತಕ್ಷಣ ನಿಮಗೆ ಒಂದು ನೋಟಿಫಿಕೇಶನ್ ಬರುತ್ತದೆ.

ಇದನ್ನೂ ಓದಿ: ಹೋಲಾ ಮೊಹಲ್ಲಾ ಮೆರವಣಿಗೆ ನಿರಾಕರಿಸಿದ್ದಕ್ಕೆ ರೊಚ್ಚಿಗೆದ್ದ ಸಿಖ್​ ಯುವಕರು; ಕತ್ತಿ ಹಿಡಿದು ಪೊಲೀಸ್ ಸಿಬ್ಬಂದಿ ಮೇಲೆ ಹಲ್ಲೆ, ವಾಹನಗಳೆಲ್ಲ ಪುಡಿಪುಡಿ

UPSC Recruitment 2021: ಯುಪಿಎಸ್​ಸಿಯಿಂದ ಸಹಾಯಕ ಪ್ರಾಧ್ಯಾಪಕ ಹುದ್ದೆಗೆ ಅರ್ಜಿ ಆಹ್ವಾನ