‘ಟಿವಿ9 ಬಾಂಗ್ಲಾ’ ಲೋಕಾರ್ಪಣೆ: ಅತಿದೊಡ್ಡ ನ್ಯೂಸ್ ನೆಟ್ವರ್ಕ್ ಮುಕುಟಕ್ಕೆ ಮತ್ತೊಂದು ಗರಿ
‘ಟಿವಿ9 ಬಾಂಗ್ಲಾ’ ಸುದ್ದಿವಾಹಿನಿ ಎಲ್ಲಾ ಪ್ರತಿಷ್ಠಿತ ಡಿಟಿಎಚ್ಗಳು ಮತ್ತು ಕೇಬಲ್ ನೆಟ್ವರ್ಕ್ಗಳಲ್ಲಿ ಲಭ್ಯವಿದೆ. ‘ಟಿವಿ9 ಬಾಂಗ್ಲಾ’ ಈ ಮೂಲಕ ದೇಶದ ನಾಲ್ಕು ದಿಕ್ಕುಗಳಲ್ಲೂ ಟಿವಿ9 ನೆಟ್ವರ್ಕ್ ಹೆಜ್ಜೆಗುರುತು ಮೂಡಿದಂತೆ ಆಗಿದೆ.
ಕೊಲ್ಕತ್ತಾ: ಭಾರತದ ಅತ್ಯಂತ ದೊಡ್ಡ ಟೆಲಿವಿಷನ್ ನ್ಯೂಸ್ ನೆಟ್ ವರ್ಕ್, ಟಿವಿ9 ನೆಟ್ ವರ್ಕ್. ಇವತ್ತಿನಿಂದ ನಮ್ಮ ನೆಟ್ ವರ್ಕ್ ಮತ್ತಷ್ಟು ವಿಸ್ತಾರ ಕಾಣ್ತಿದೆ. ಟಿವಿ9 ನೆಟ್ವರ್ಕ್ನ 6ನೇ ಚಾನೆಲ್ ‘ಟಿವಿ9 ಬಾಂಗ್ಲಾ’ ಇಂದು ಲೋಕಾರ್ಪಣೆಯಾಗಿದೆ. ಈ ಮೂಲಕ ಸಂಕ್ರಾಂತಿ ಶುಭದಿನದಂದು ದೇಶದ ಅತಿದೊಡ್ಡ ನ್ಯೂಸ್ ನೆಟ್ವರ್ಕ್ ಟಿವಿ9 ಮುಕುಟಕ್ಕೆ ಮತ್ತೊಂದು ಗರಿ ಬಂದಂತೆ ಆಗಿದೆ.
ಈಗಾಗಲೇ ಕನ್ನಡ, ತೆಲುಗು, ಮರಾಠಿ, ಗುಜರಾತಿ, ಹಿಂದಿಯಲ್ಲಿ ಟಿವಿ9 ಮುಂಚೂಣಿಯಲ್ಲಿದೆ. ವಿಶ್ವಾಸಾರ್ಹ ಸುದ್ದಿಮೂಲ ಎನಿಸಿಕೊಂಡಿರುವ ಟಿವಿ9 ನೆಟ್ವರ್ಕ್ ಕೋಟ್ಯಂತರ ಜನರ ಮನಗೆದ್ದಿದೆ. ‘ಟಿವಿ9 ಬಾಂಗ್ಲಾ’ ವಿಶ್ವದರ್ಜೆಯ ಸುದ್ದಿವಾಹಿನಿಯನ್ನು ಪಶ್ಚಿಮ ಬಂಗಾಳಕ್ಕೆ ಕೊಟ್ಟಿದೆ.
ಅತ್ಯಗತ್ಯ ಸೌಲಭ್ಯ, ತಂತ್ರಜ್ಞಾನಗಳಿರುವ ಸುಸಜ್ಜಿತ ಸ್ಟುಡಿಯೋ, ಅತ್ಯುತ್ತಮ ಪತ್ರಕರ್ತರು ಮತ್ತು ಆ್ಯಂಕರ್ಗಳ ಬಳಗವನ್ನು ‘ಟಿವಿ9 ಬಾಂಗ್ಲಾ’ ಸುದ್ದಿವಾಹಿನಿ ಹೊಂದಿದೆ. ‘ಟಿವಿ9 ಬಾಂಗ್ಲಾ’ ಸುದ್ದಿವಾಹಿನಿ ಎಲ್ಲಾ ಪ್ರತಿಷ್ಠಿತ ಡಿಟಿಎಚ್ಗಳು ಮತ್ತು ಕೇಬಲ್ ನೆಟ್ವರ್ಕ್ಗಳಲ್ಲಿ ಲಭ್ಯವಿದೆ. ‘ಟಿವಿ9 ಬಾಂಗ್ಲಾ’ ಈ ಮೂಲಕ ದೇಶದ ನಾಲ್ಕು ದಿಕ್ಕುಗಳಲ್ಲೂ ಟಿವಿ9 ನೆಟ್ವರ್ಕ್ ಹೆಜ್ಜೆಗುರುತು ಮೂಡಿದಂತೆ ಆಗಿದೆ.
Published On - 7:04 am, Thu, 14 January 21