ಕೈವ್​ನಲ್ಲಿ ನಡೆದ ರೆಸ್ಲಿಂಗ್​ನಲ್ಲಿ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ ಭಾರತದ ವಿನೇಶ್ ಪೋಗಟ್

ಉಕ್ರೇನ್​ನ ರಾಜಧಾನಿ ಕೈವ್​ನಲ್ಲಿ ನಡೆದ ರೆಸ್ಲಿಂಗ್​ನಲ್ಲಿ ಭಾರತದ ವಿನೇಶ್ ಪೋಗಟ್ ಚಿನ್ನದ ಪದಕಕ್ಕೆ ಮುತ್ತಿಕ್ಕಿದ್ದಾಳೆ. ಮಹಿಳೆಯರ 53 ಕೇಜಿ ವಿಭಾಗದಲ್ಲಿ ಸ್ಫರ್ಧಿಸಿದ್ದ ವಿನೇಶ್ ಪೋಗಟ್, ಚಾಂಪಿಯನ್ ಆಗ್ತಾಳೆ ಎನ್ನುವ ನಂಬಿಕೆ ಯಾರಿಗೂ ಇರಲಿಲ್ಲ. ಯಾಕಂದ್ರೆ ಫೈನಲ್​ನಲ್ಲಿ ವಿನೇಶ್​​ಗೆ ಎದುರಾಳಿಯಾಗಿದ್ದು, 2017ರಲ್ಲಿ ವಿಶ್ವಚಾಂಪಿಯನ್ ಆಗಿದ್ದ ಉಕ್ರೇನ್​ನ ವನೆಸಾ ಕಲಾಡ್ಜಿನಾ.

ಕುಸ್ತಿ ಪಂಡಿತರ ಲೆಕ್ಕಾಚಾರವನ್ನ ತಲೆಗೆ ಹಾಕಿಕೊಳ್ಳದ ವಿನೇಶ್, ಆರಂಭದಿಂದಲೇ ವನೆಸಾ ಮೇಲೆ ಪ್ರಾಬಲ್ಯ ಸಾಧಿಸಿದ್ಳು. ತನ್ನ ಅದ್ಭುತ ಪಟ್ಟುಗಳಿಂದ ಅರಂಭದಲ್ಲಿ 4-0 ಅಂತರದಲ್ಲಿ ಮುನ್ನಡೆ ಸಾಧಿಸಿದ್ಳು. ಆದ್ರೆ ಕಮ್​ಬ್ಯಾಕ್ ಮಾಡಿದ ಚಾಂಪಿಯನ್ ಆಟಗಾರ್ತಿ ವನೆಸಾ 4-4ರ ಅಂತರದಲ್ಲಿ ಸಮಭಲ ಮಾಡಿಕೊಂಡು ಪೋಗಟ್​ಗೆ ತಿರುಗೇಟು ನೀಡಿದ್ಳು.

ವನೆಸಾ ತಿರಗಿಬಿದ್ದ ನಂತರ ಜಾಣ್ಮೆಯ ಆಟವಾಡಿದ ಪೋಗಟ್, ವನೆಸಾ ಕೈ ಮೇಲಾಗಲು ಬಿಡಲಿಲ್ಲ. ಕೇವಲ ಎರಡೇ ಎರಡು ಪಾಯಿಂಟ್​ಗಳನ್ನ ಬಿಟ್ಟು ಕೊಟ್ಟ ವಿನೇಶ್ ಪೋಗಟ್, 10-8 ರ ಅಂತರದಲ್ಲಿ ಚಾಂಪಿಯನ್ ಆಟಗಾರ್ತಿಗೆ ಮಣ್ಣು ಮುಕ್ಕಿಸಿದ್ಳು. ಈ ಮೂಲಕ ವಿನೇಶ್, ಉಕ್ರೇನ್ ರೆಸ್ಲಿಂಗ್​ನಲ್ಲಿ ಚಿನ್ನದ ಪದಕ ಗೆದ್ದು ಸಂಭ್ರಮಿಸಿದ್ದಾಳೆ. ಟೋಕಿಯೋ ಒಲಪಿಂಕ್ಸ್​ಗೆ ತಯಾರಿ ನಡೆಸಿತ್ತಿರುವ ಪೋಗಟ್​ಗೆ ಉಕ್ರೇನ್​ನಲ್ಲಿ ಸಿಕ್ಕ ಗೆಲುವು ಪೋಗಟ್ ಆತ್ಮವಿಶ್ವಾಸ ಹೆಚ್ಚಾಗುವಂತೆ ಮಾಡಿದೆ.

ಹರಿಯಾಣಾದ ವಿನೇಶ್ ಪೋಗಟ್, ಭಾರತದ ಹೆಮ್ಮೆಯಾಗಿ ಗುರುತಿಸಿಕೊಂಡಿದ್ದಾಳೆ. ಆದ್ರೆ ಒಂದು ಕಾಲದಲ್ಲಿ ಪೋಗಟ್ ಕುಸ್ತಿ ಪಟು ಆಗ್ತೀನಿ ಎಂದಾಗ ಈಕೆಯ ಇಡೀ ಕುಟುಂಬ ಗ್ರಾಮಸ್ಥರ ಆಕ್ರೋಶಕ್ಕೆ ಗುರಿಯಾಗಬೇಕಾಯ್ತು. ಕಡೆಗೆ ವಿನೇಶ್​ಗಾಗಿ ಗ್ರಾಮವನ್ನೇ ತೊರೆದ ತಂದೆ ಮತ್ತು ಚಿಕ್ಕಪ್ಪ ಕುಸ್ತಿ ತರಬೇತಿ ನೀಡಿದ್ರು. ಆದ್ರೀಗ ವಿನೇಶ್ ಯಾವ ಊರಿನ ಗ್ರಾಮಸ್ಥರು ಕಿಡಿ ಕಾರಿದ್ರೋ, ಅದೇ ಊರಿನ ಗ್ರಾಮಸ್ಥರು ನಮ್ಮೂರ ಹೆಮ್ಮೆಯ ಹುಡುಗಿ ಅನ್ನೋ ಹಾಗೇ ಮಾಡಿ ತೋರಿಸಿದ್ದಾಳೆ.

ಇದನ್ನೂ ಓದಿ: ಧಿಂಗ್ ಎಕ್ಸ್​ಪ್ರೆಸ್ ಹಿಮಾ ದಾಸ್​ಗೆ ಒಲಿಯಿತು ಪೊಲೀಸ್ ಉಪ ಅಧೀಕ್ಷಕಿ ಪಟ್ಟ: ತಾಯಿಯ ಕನಸು ನನಸಾಯಿತು ಎಂದ ಹಿಮಾ