ಉದ್ಯೋಗಿಗಳೋ ಅಥವಾ ರೋಬೋಟ್‌ಗಳೋ?: ಕಂಪನಿಯ ವಿಚಿತ್ರ ನಿಯಮಕ್ಕೆ ‘ನೋ’ ಎಂದ ಯುವತಿ

ದೆಹಲಿ. ಮೇ.11; ಮನೆಯಿಂದ ಕೆಲಸ ಎಂದರೆ ಯಾವ ಐಟಿ ಉದ್ಯೋಗಿಗಳಿಗೆ ಇಷ್ಟವಿಲ್ಲ ಹೇಳಿ. ಆದರೆ ಅದರಿಂದ ಆಗುವ ಹಿಂಸೆ ಯಾರಿಗೂ ಬೇಡ. ವರ್ಕ್ ಫ್ರಮ್ ಹೋಮ್ ನೀಡಿ ಅದಕ್ಕೆ ಒಂದಿಷ್ಟು ನಿಮಯಗಳನ್ನು ಮಾಡಿ ಪ್ರಾಣ ತೆಗೆಯುತ್ತಾರೆ. ಒಂದು ಕಡೆ ವರ್ಕ್ ಫ್ರಮ್ ಹೋಮ್ ಸಿಕ್ಕಿ ಖುಷಿಯಾದರೆ, ಇನ್ನೊಂದು ಕಡೆ ಅದರ ನಿಯಮಗಳನ್ನು ನೋಡಿ ವರ್ಕ್ ಫ್ರಮ್ ಹೋಮ್ ಬೇಡ ಎನ್ನುವ ಸ್ಥಿತಿ ಇದೀಗ ಅಂತಹದೇ ಒಂದು ನಿಯಮದ ಸಂಕಷ್ಟದಲ್ಲಿ ಯುವತಿಯೊಬ್ಬಳು ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ವರ್ಕ್ ಫ್ರಮ್ ಹೋಮ್ ಕೆಲಸದ ಆಫರ್ ಸಿಕ್ಕರೂ ಕಂಪನಿಯ ಕಠಿಣ ನಿಬಂಧನೆಗಳಿಂದಾಗಿ ಅದನ್ನು ತಿರಸ್ಕರಿಸಿದ ಗುರ್ಲೀನ್ ಎಂಬ ಯುವತಿಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗಿದೆ.

ಸಂದರ್ಶನದ ಸಮಯದಲ್ಲಿ ಕಂಪನಿಯು ಗುರ್ಲೀನ್‌ಗೆ ಎರಡು ಪ್ರಮುಖ ಷರತ್ತುಗಳನ್ನು ವಿಧಿಸಿತ್ತು. ಒಂದು ಕೆಲಸದ ಸಮಯದಲ್ಲಿ ಉದ್ಯೋಗಿಗಳು ತಮ್ಮ ವೆಬ್‌ಕ್ಯಾಮ್ (Webcam) ಅನ್ನು ಯಾವಾಗಲೂ ಆನ್‌ನಲ್ಲಿ ಇಟ್ಟಿರಬೇಕು. ಉದ್ಯೋಗಿಯ ಉತ್ಪಾದಕತೆಯನ್ನು ಅಳೆಯಲು ಕಂಪನಿಯ ಸಾಫ್ಟ್‌ವೇರ್ ಪ್ರತಿ 10 ನಿಮಿಷಕ್ಕೊಮ್ಮೆ ಕಂಪ್ಯೂಟರ್ ಸ್ಕ್ರೀನ್‌ನ ಸ್ಕ್ರೀನ್‌ಶಾಟ್‌ಗಳನ್ನು ತೆಗೆದುಕೊಳ್ಳುತ್ತದೆ.

ಇಲ್ಲಿದೆ ನೋಡಿ ವಿಡಿಯೋ:

View this post on Instagram

A post shared by Gurleen (@sprinkleofgurleen_)

ಈ ನೀತಿಯನ್ನು ಕೇಳಿ ಬೆಚ್ಚಿಬಿದ್ದ ಗುರ್ಲೀನ್, ಇದು ಕೆಲಸವಲ್ಲ ಬದಲಾಗಿ ‘ಹಿಂಸೆ’ ಎಂದು ಕರೆದಿದ್ದಾರೆ. “ಮನೆಯಿಂದ ಕೆಲಸ ಮಾಡುವುದು ಅಂದರೆ ಅಲ್ಲಿ ನಮಗೆ ನಮ್ಯತೆ ಮತ್ತು ಸ್ವಾಯತ್ತತೆ ಇರಬೇಕು. ಆದರೆ ಪ್ರತಿ 10 ನಿಮಿಷಕ್ಕೊಮ್ಮೆ ಸ್ಕ್ರೀನ್‌ಶಾಟ್ ತೆಗೆಯುವುದು ಮತ್ತು ಸದಾ ಕ್ಯಾಮೆರಾ ಮುಂದೆ ಇರಬೇಕೆನ್ನುವುದು ಮನುಷ್ಯರನ್ನು ರೋಬೋಟ್‌ಗಳಂತೆ ನಡೆಸಿಕೊಂಡಂತೆ” ಎಂದು ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ: ಎರಗಿ ಬಂದ ಚಿರತೆಯ ಕುತ್ತಿಗೆ ಹಿಡಿದು ಪ್ರಾಣ ಉಳಿಸಿಕೊಂಡ 13 ವರ್ಷದ ಬಾಲಕ

ಇನ್ನು ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಗಳು ನಡೆಯುತ್ತಿದೆ. ಹೆಚ್ಚಿನವರು ಯುವತಿಯ ನಿರ್ಧಾರವನ್ನು ಬೆಂಬಲಿಸಿದ್ದಾರೆ. ಇಂತಹ ಕಣ್ಗಾವಲು ಉದ್ಯೋಗಿಗಳಲ್ಲಿ ಆತಂಕ ಮತ್ತು ಅಪನಂಬಿಕೆಯನ್ನು ಸೃಷ್ಟಿಸುತ್ತದೆ ಹೊರತು ಕೆಲಸದ ಗುಣಮಟ್ಟವನ್ನಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಇನ್ನು ಕೆಲವರು ಕಂಪನಿಯ ಪರವಾಗಿ ವಾದಿಸಿದ್ದು, ಮನೆಯಿಂದ ಕೆಲಸ ಮಾಡುವಾಗ ಉದ್ಯೋಗಿಗಳು ಏಕಕಾಲಕ್ಕೆ ಎರಡು ಕೆಲಸ ಮಾಡುವುದನ್ನು ತಡೆಯಲು ಮತ್ತು ಹೊಣೆಗಾರಿಕೆ ಹೆಚ್ಚಿಸಲು ಇಂತಹ ಕ್ರಮಗಳು ಅನಿವಾರ್ಯ ಎಂದು ಹೇಳಿದ್ದಾರೆ.

ದೇಶದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ