ಮೇ 3ಕ್ಕೆ ಅಂತ್ಯವಾಗಲ್ವಾ ಲಾಕ್​ಡೌನ್? ಯಾವ್ಯಾವ ಜೋನ್​ಗಳಿಗೆ ಏನೇನು ನಿಯಮ?

ದೆಹಲಿ: ಕೊರೊನಾ ಹೆಮ್ಮಾರಿ ಇಡೀ ಭಾರತವನ್ನು ಬಿಟ್ಟೂ ಬಿಡದಂತೆ ಕಾಡುತ್ತಿದೆ. ದಿನದಿಂದ ದಿನಕ್ಕೆ ಸೋಂಕಿತರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಕೊರೊನಾ ಹಿಮ್ಮೆಟ್ಟಿಸಲು ಜಾರಿಗೊಳಿಸಿರೋ ಲಾಕ್​ಡೌನ್ ಇನ್ನೆಷ್ಟು ದಿನ ಇರುತ್ತೆ ಅಂತಾ ಜನರ ಲೆಕ್ಕ ಹಾಕ್ತಿದ್ದರು. ಆದ್ರೆ ಸದ್ಯದ ಪರಿಸ್ಥಿತಿಯಲ್ಲಿ ಲಾಕ್​ಡೌನ್​ನಿಂದ ಯಾವುದೇ ರಿಲೀಫ್ ಸಿಗೋ ಸುಳಿವು ಸಿಗ್ತಿಲ್ಲ.

ಮೇ 3 ಕ್ಕೆ ಭಾರತದಲ್ಲಿ ಅಂತ್ಯವಾಗಲ್ವಾ ಲಾಕ್​ಡೌನ್..? ಸಿಎಂಗಳ ಜೊತೆ ಪ್ರಧಾನಿ ಮೋದಿ ನಡೆಸಿರೋ ವಿಡಿಯೋ ಕಾನ್ಫರೆನ್ಸ್ ಬಳಿಕ ಇಂಥಾ ಒಂದು ಪ್ರಶ್ನೆ ಮೂಡಿದೆ. ರಾಜ್ಯಗಳಲ್ಲಿ ಕೊರೊನಾ ಪರಿಸ್ಥಿತಿ ಬಗ್ಗೆ ಮಾಹಿತಿ ಪಡೆಯಲು ಕರೆಯಲಾಗಿದ್ದ ವಿಡಿಯೋ ಕಾನ್ಫರೆನ್ಸ್ ವೇಳೆ ವಿವಿಧ ರಾಜ್ಯಗಳು, ತಮ್ಮ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ವು.

ಈ ಪೈಕಿ ಮಿಜೋರಾಮ್, ಗೋವಾ, ಒಡಿಶಾ, ಹಿಮಾಚಲ ಪ್ರದೇಶ ಸೇರಿದಂತೆ 10 ರಾಜ್ಯಗಳು ಲಾಕ್​ಡೌನ್ ಮುಂದೂಡಿಕೆ ಮಾಡೋದೇ ಸೂಕ್ತ ಅಂತಾ ಬೇಡಿಕೆ ಇಟ್ಟಿವೆ. ಮೇ 15ರವರೆಗೂ ಲಾಕ್​ಡೌನ್ ಮುಂದುವರಿಸಬೇಕು ಅಂತಾ ಕೆಲ ರಾಜ್ಯಗಳು ಬೇಡಿಕೆ ಇಟ್ಟಿವೆ.

ಇನ್ನು ದೇಶವನ್ನು ಮೂರು ವಲಯಗಳಾಗಿ ವಿಂಗಡಿಸೋ ಬಗ್ಗೆ ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆಯಂತೆ. ಆ ಜೋನ್​​ಗಳಲ್ಲಿರೋ ಕೊರೊನಾ ಸೋಂಕಿತರ ಸಂಖ್ಯೆಗೆ ಅನುಗುಣವಾಗಿ ನಿಯಮ ರೂಪಿಸಲಿದೆ.

ಕೊರೊನಾ ತಡೆಗೆ 3 ಜೋನ್: ಕೊರೊನಾ ವಿರುದ್ಧ ಹೋರಾಡೋ ನಿಟ್ಟಿನಲ್ಲಿ ದೇಶವನ್ನು ಮೂರು ವಲಯಗಳಾಗಿ ವಿಂಗಡಣೆ ಮಾಡಲಾಗಿದೆ. ರೆಡ್ ಜೋನ್, ಆರೆಂಜ್ ಜೋನ್, ಗ್ರೀನ್ ಜೋನ್ ಅಂತಾ ಡಿವೈಡ್ ಮಾಡಲಾಗಿದೆ. ರೆಡ್ ಜೋನ್​ನಲ್ಲಿರೋ 127 ಜಿಲ್ಲೆಗಳಿಗೆ ಲಾಕ್​ಡೌನ್​ನಿಂದ ಯಾವುದೇ ವಿನಾಯಿತಿ ನೀಡಲಾಗಲ್ಲ. ಇನ್ನು ಆರೆಂಜ್ ಜೋನ್​ನ 297 ಜಿಲ್ಲೆಗಳಿಗೆ ಷರತ್ತುಬದ್ಧ ವಿನಾಯಿತಿ ನೀಡೋ ಸಾಧ್ಯತೆ ಇದೆ. ಇನ್ನು ದೇಶದ 300 ಜಿಲ್ಲೆಗಳು ಕೊರೊನಾದಿಂದ ಮುಕ್ತವಾಗಿ ಗ್ರೀನ್ ಜೋನ್​ನಲ್ಲಿವೆ. ಈ ಗ್ರೀನ್​ ಜೋನ್​ನ 300 ಜಿಲ್ಲೆಗಳಿಗೆ ಕಂಪ್ಲೀಟ್ ವಿನಾಯಿತಿ ನೀಡೋ ಸಾಧ್ಯತೆ ಇದೆ.

ದೇಶದ ಪ್ರಮುಖ ನಗರಗಳಿಗಿಲ್ಲ ಲಾಕ್​ಡೌನ್ ಮುಕ್ತಿ..! ಇನ್ನು ದೇಶದ ಪ್ರಮುಖ ನಗರಗಳಲ್ಲಿ ಹಾಗೂ ರಾಜ್ಯಗಳ ರಾಜಧಾನಿಯಲ್ಲಿ ಹೆಚ್ಚು ಕೊರೊನಾ ಕೇಸ್​ಗಳು ಪತ್ತೆಯಾಗಿವೆ. ಹೀಗಾಗಿ ಮೆಟ್ರೋ ಸಿಟಿಗಳಲ್ಲಿ ಲಾಕ್​ಡೌನ್ ಮುಂದುವರಿಯೋದು ಪಕ್ಕಾಗಿದೆ. ದೇಶದ ಯಾವ್ಯಾವ ಮಹಾ ನಗರಗಳಲ್ಲಿ ಲಾಕ್​ಡೌನ್ ಮುಂದುವರಿಯುತ್ತೆ ಅನ್ನೋದನ್ನು ನೋಡೋದಾದ್ರೆ.

ಮೆಟ್ರೋ ಸಿಟಿಗಳಿಗಿಲ್ಲ ಮುಕ್ತಿ..! ರಾಜ್ಯಗಳ ರಾಜಧಾನಿಗಳಲ್ಲಿ ಸದ್ಯಕ್ಕಿಲ್ಲ ಲಾಕ್​ಡೌನ್ ರಿಲೀಫ್ ಸಿಗೋದು ಡೌಟು. ಕ್ಯಾಪಿಟಲ್ ಸಿಟಿಗಳಾದ ದೆಹಲಿ, ಮುಂಬೈ, ಬೆಂಗಳೂರು, ಕೋಲ್ಕತಾ, ಭೋಪಾಲ್, ಚೆನ್ನೈ, ಹೈದರಾಬಾದ್, ಜೈಪುರ, ಅಹ್ಮದಾಬಾದ್, ಲಖನೌ ಹಾಗೂ ಪಾಟ್ನಾ ನಗರಗಳಲ್ಲಿ ಲಾಕ್​ಡೌನ್ ಮುಂದುವರಿಕೆ ಮಾಡೋ ಸಾಧ್ಯತೆ ಇದೆ. ಇದ್ರ ಜೊತೆಗೆ ದೇಶದ ವಾಣಿಜ್ಯ ನಗರಿಗಳಾದ ಗುರುಗ್ರಾಮ, ಘಾಜಿಯಾಬಾದ್, ನೋಯ್ಡಾ, ಆಗ್ರಾ, ಇಂದೋರ್​, ಕೊಯಮತ್ತೂರಿನಲ್ಲಿ ಲಾಕ್​ಡೌನ್ ಕಂಟಿನ್ಯೂ ಮಾಡೋ ಸಾಧ್ಯತೆ ಇದೆ.

ವೀಕೆಂಡ್​ನಲ್ಲಿ ದೇಶವನ್ನುದ್ದೇಶಿಸಿ ಭಾಷಣ ಮಾಡ್ತಾರಾ ಮೋದಿ? ಈ ನಡುವೆ ಈ ವಾರಾಂತ್ಯದಲ್ಲಿ ಪ್ರಧಾನಿ ನರೇಂದ್ರ ಮೋದಿ, ದೇಶದ ಜನತೆಯನ್ನುದ್ದೇಶಿಸಿ ಮತ್ತೊಮ್ಮೆ ಭಾಷಣ ಮಾಡೋ ಸಾಧ್ಯತೆ ಇದೆ. ಮೇ 3ಕ್ಕೆ ಲಾಕ್​ಡೌನ್ ಅವಧಿ ಮುಗಿಯಲಿದ್ದು, ಶನಿವಾರ ಅಥವಾ ಭಾನುವಾರ ಪ್ರಧಾನಿ ಮೋದಿ ಭಾಷಣ ಮಾಡಲಿದ್ದಾರೆ ಎನ್ನಲಾಗಿದೆ.

ಒಟ್ನಲ್ಲಿ ಹೆಮ್ಮಾರಿ ಕೊರೊನಾ ವಿರುದ್ಧ ಹೋರಾಟದ ಪ್ರಮುಖ ಅಸ್ತ್ರವಾಗಿರೋ ಲಾಕ್​ಡೌನ್​ನ ಎರಡನೇ ಹಂತವೂ ಮುಗಿಯುತ್ತಾ ಬಂತು. ಆದ್ರೆ ಕೊರೊನಾ ಸೊಂಕಿತರ ಸಂಖ್ಯೆ ಹೆಚ್ಚುತ್ತಿರೋ ಹಿನ್ನೆಲೆಯಲ್ಲಿ ಲಾಕ್​ಡೌನ್ ಮೇ 15ರವರೆಗೂ ಮುಂದುವರಿಯೋ ಎಲ್ಲಾ ಸಾಧ್ಯತೆಗಳಿವೆ.

https://www.facebook.com/Tv9Kannada/videos/654190358476937/

Published On - 6:21 pm, Mon, 27 April 20