Viral Video: ಪಾರ್ಟಿಗಾಗಿ ಟಾಯ್ಲೆಟ್​ ಕಮೋಡ್​​ನಲ್ಲಿ ಪಾನೀಯ ತಯಾರಿಸಿದ ಯುವತಿ; ಅಸಹ್ಯದ ಪರಮಾವಧಿ ಎಂದ ನೆಟ್ಟಿಗರು

ಸೋಷಿಯಲ್ ಮೀಡಿಯಾಗಳಲ್ಲಿ ಎಂತೆಂಥಾ ವಿಚಿತ್ರ, ವಿಶಿಷ್ಟ, ವಿಲಕ್ಷಣ ವಿಡಿಯೋಗಳನ್ನು ನೋಡಿರುತ್ತೇವೆ. ಆದರೆ ಈಗ ವೈರಲ್​ ಆಗಿರುವ ವಿಡಿಯೋ ಇದೆಲ್ಲಕ್ಕೂ ಮಿಗಿಲಾಗಿದೆ. ವಿಲಕ್ಷಣ ಮಾತ್ರವಲ್ಲ, ಗಲೀಜು ಎನ್ನಿಸುತ್ತದೆ. ಮತ್ತೇನಲ್ಲ.. ಯುವತಿಯೊಬ್ಬಳು ಟಾಯ್ಲೆಟ್​​ನ ಕಮೋಡ್​ನಲ್ಲಿ ಪಾನೀಯವನ್ನು ತಯಾರಿಸಿ, ಪಾರ್ಟಿಗೆ ಬಂದ ಅತಿಥಿಗಳಿಗೆ ನೀಡುವ ವಿಡಿಯೋ ಇದು..!

ಅಸಹ್ಯ ಹುಟ್ಟಿಸುವ ಈ ವಿಡಿಯೋಕ್ಕೆ ಇದೀಗ 6.6 ಮಿಲಿಯನ್ಸ್​ಗೂ ಅಧಿಕ ವೀವ್ಸ್ ಬಂದಿದೆ. ವಿಡಿಯೋ ನೋಡಿದ ನೆಟ್ಟಿಗರು ನಿಜಕ್ಕೂ ದಿಗಿಲುಹುಟ್ಟಿಸುವಂತಿದೆ ಎಂದಿದ್ದಾರೆ. ಅಯ್ಯೋ..ಇದನ್ನು ನಂಬಲೇ ಸಾಧ್ಯವಾಗುತ್ತಿಲ್ಲ ಎಂದೂ ಹೇಳಿದವರು ಇದ್ದಾರೆ.

ಯುವತಿ ಮೊದಲು ವೆಸ್ಟರ್ನ್ ಟಾಯ್ಲೆಟ್ ಕಮೋಡ್​​ನಲ್ಲಿ ಐಸ್​ಕ್ರೀಮ್​, ಕ್ಯಾಂಡಿಗಳನ್ನು ತುಂಬುತ್ತಾಳೆ. ಅದಾದ ಬಳಿಕ ಫ್ಲಶ್ ಬಾಕ್ಸ್ ತೆರೆದು ಅದರಲ್ಲಿ, ಫಾಂಟಾ, ಸ್ಪಿರಿಟ್​, ಫ್ರೂಟ್ ಫ್ರಂಚ್​​ಗಳನ್ನು ಸುರಿಯುತ್ತಾಳೆ.  ನಂತರ  ಆಕೆ ಫ್ಲಶ್​ ಮಾಡುತ್ತಾಳೆ. ಅಲ್ಲಿಗೆ ಫ್ಲಶ್​ ಟ್ಯಾಂಕ್​​ನಲ್ಲಿದ್ದ ಪಾನೀಯಗಳು, ಕಮೋಡ್​ನಲ್ಲಿದ್ದ ಕ್ಯಾಂಡಿ, ಐಸ್​ಕ್ರೀಂಗಳ ಜತೆ ಮಿಶ್ರಣಗೊಂಡು ಪಾನೀಯ ಸಿದ್ಧವಾಗುತ್ತದೆ. ಹಾಗೇ, ಆ ನೀರನ್ನು ಆಕೆ ಗ್ಲಾಸ್​ಗೆ ಹಾಕುತ್ತಾಳೆ.
ಟ್ವಿಟರ್​ನಲ್ಲಿ ಸಿಕ್ಕಾಪಟೆ ವೈರಲ್ ಆಗಿರುವ ಈ ವಿಡಿಯೋ ನೋಡಿದ ಜನರು ಅಸಹ್ಯ ವ್ಯಕ್ತಪಡಿಸಿದ್ದಾರೆ. ಇದು ಗಲೀಜಿನ ಪರಮಾವಧಿ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ.