Beauty Tips: ನಿಮಗೆ ಎಣ್ಣೆ ಚರ್ಮವಿದ್ದರೆ ಈ 9 ಅಂಶಗಳನ್ನು ನೆನಪಿನಲ್ಲಿಟ್ಟುಕೊಳ್ಳಿ
ನಿಮಗೆ ಎಣ್ಣೆ ಚರ್ಮವಿದ್ದರೆ ಜಂಕ್ ಫುಡ್, ಎಣ್ಣೆ, ಮೆಣಸಿನಕಾಯಿ, ಮಸಾಲೆಯುಕ್ತ ಆಹಾರವನ್ನು ಸೇವಿಸಬೇಡಿ. ನಿಯಮಿತವಾಗಿ ವ್ಯಾಯಾಮ ಮತ್ತು ಪ್ರಾಣಾಯಾಮ ಮಾಡಿ. ಧೂಳು ಮತ್ತು ಬಿಸಿಲಿನಿಂದ ಮುಖವನ್ನು ರಕ್ಷಿಸಿಕೊಳ್ಳಿ. ದಿನಕ್ಕೆ 3-4 ಬಾರಿ ತಾಜಾ ನೀರಿನಿಂದ ಮುಖ ತೊಳೆಯಿರಿ.
ಇತ್ತೀಚಿನ ದಿನಗಳಲ್ಲಿ ಎಣ್ಣೆಯುಕ್ತ ಚರ್ಮದ ಸಮಸ್ಯೆ ತುಂಬಾ ಸಾಮಾನ್ಯವಾಗಿದೆ. ಅತಿಯಾದ ಬೆವರುವಿಕೆ ಅಥವಾ ಚರ್ಮದಲ್ಲಿ ಎಣ್ಣೆಯ ಬಿಡುಗಡೆಯಿಂದಾಗಿ ಚರ್ಮವು ಎಣ್ಣೆಯುಕ್ತವಾಗುತ್ತದೆ. ಇದರಿಂದ ಮೊಡವೆಗಳು ಉಂಟಾಗುತ್ತದೆ. ನಿಮ್ಮ ಚರ್ಮವು ಎಣ್ಣೆಯುಕ್ತವಾಗಿದ್ದರೆ ಅದು ಮೊಡವೆಗಳು, ವೈಟ್‌ಹೆಡ್‌ಗಳು, ಬ್ಲ್ಯಾಕ್‌ಹೆಡ್‌ಗಳಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು. ಅತಿಯಾದ ಎಣ್ಣೆ, ತುಪ್ಪ ಅಥವಾ ಮಸಾಲೆಯುಕ್ತ ಆಹಾರದಿಂದ ಅಥವಾ ಹವಾಮಾನ ಬದಲಾದಾಗಲೂ ಚರ್ಮವು ಅನೇಕ ಬಾರಿ ಎಣ್ಣೆಯುಕ್ತವಾಗುತ್ತದೆ.
ಎಣ್ಣೆಯುಕ್ತ ಚರ್ಮವನ್ನು ಹೊಂದಿರುವವರು ಮುಖ ತೊಳೆದ 1 ಗಂಟೆಯೊಳಗೆ ನಿಮ್ಮ ಚರ್ಮವು ಹೊಳಪು ಪಡೆಯುತ್ತದೆ. ನೀವು ಎಣ್ಣೆಯುಕ್ತ ಚರ್ಮವನ್ನು ಹೊಂದಿದ್ದರೆ ಮತ್ತು ನೀವು ದಿನಕ್ಕೆ 2 ಬಾರಿಯಾದರೂ ನಿಮ್ಮ ಮುಖವನ್ನು ತೊಳೆಯದಿದ್ದರೆ ಅದು ಚರ್ಮದೊಳಗೆ ಎಣ್ಣೆಯನ್ನು ಸಂಗ್ರಹಿಸುವ ರಂಧ್ರಗಳು ಹೆಚ್ಚಾಗಲು ಕಾರಣವಾಗಬಹುದು. ಚರ್ಮದಲ್ಲಿ ಎಣ್ಣೆ ಸಂಗ್ರಹಣೆ ಹೆಚ್ಚಾದಂತೆ ಮೊಡವೆ ಮತ್ತು ಇತರ ಚರ್ಮದ ಸಮಸ್ಯೆಗಳು ಸಹ ಉಲ್ಬಣಗೊಳುತ್ತದೆ.
ಚರ್ಮದ ಜಿಡ್ಡಿನ ಹಿಂದೆ ಹಲವು ಕಾರಣಗಳಿರಬಹುದು. ಒತ್ತಡಕ್ಕೆ ಒಳಗಾಗುವುದು, ಆಹಾರದಲ್ಲಿ ಹೆಚ್ಚು ಜಿಡ್ಡಿನ ಪದಾರ್ಥಗಳನ್ನು ಸೇವಿಸುವುದು, ಕಾಲಕಾಲಕ್ಕೆ ಹಾರ್ಮೋನ್‌ಗಳಲ್ಲಿ ಬದಲಾವಣೆ, ಇತ್ಯಾದಿ ಇದಕ್ಕೆ ಕಾರಣ. ಇವು ನಿಮ್ಮ ಚರ್ಮವು ಎಣ್ಣೆಯುಕ್ತವಾಗಲು ಕಾರಣಗಳಾಗಿವೆ. ಎಣ್ಣೆಯುಕ್ತ ಚರ್ಮವನ್ನು ತೊಡೆದುಹಾಕಲು ಮಾರ್ಗಗಳು ಇಲ್ಲಿವೆ:
4. ಮೊಟ್ಟೆಗಳು: ಮೊಟ್ಟೆಯನ್ನು ಸಂಪೂರ್ಣ ಪ್ರೋಟೀನ್ ಮೂಲವೆಂದು ಪರಿಗಣಿಸಲಾಗುತ್ತದೆ. 1 ಮಧ್ಯಮ ಗಾತ್ರದ ಮೊಟ್ಟೆಯು ಸುಮಾರು 6ರಿಂದ 8 ಗ್ರಾಂ ಪ್ರೋಟೀನ್ ಅನ್ನು ಹೊಂದಿರುತ್ತದೆ.
ಮುಲ್ತಾನಿ ಮಿಟ್ಟಿ: ಎಣ್ಣೆಯುಕ್ತ ಚರ್ಮವನ್ನು ತೊಡೆದುಹಾಕಲು ನೀವು ಮುಲ್ತಾನಿ ಮಿಟ್ಟಿಯ ಸಹಾಯವನ್ನು ತೆಗೆದುಕೊಳ್ಳಬಹುದು. ಇದು ಸುಲಭವಾದ ಮನೆಮದ್ದು. ಇದಕ್ಕಾಗಿ ಮುಲ್ತಾನಿ ಮಿಟ್ಟಿಯನ್ನು ರೋಸ್ ವಾಟರ್ ಜೊತೆಗೆ ಬೆರೆಸಿ ಮುಖಕ್ಕೆ ಹಚ್ಚಿ ಆರಿದ ನಂತರ ಮುಖ ತೊಳೆಯಿರಿ.
ಮೊಸರು: ಮೊಸರು ಮುಖದಲ್ಲಿರುವ ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ಮೊಸರನ್ನು ನಿಮ್ಮ ಮುಖಕ್ಕೆ ಹಚ್ಚಿ 15 ನಿಮಿಷಗಳ ಕಾಲ ಬಿಡಿ. ನಂತರ ತಣ್ಣೀರಿನಿಂದ ನಿಮ್ಮ ಮುಖವನ್ನು ತೊಳೆಯಿರಿ.
ಆಲೂಗಡ್ಡೆ: ಆಲೂಗೆಡ್ಡೆಯ ರಸವನ್ನು ತೆಗೆದು ಮುಖಕ್ಕೆ ಹಚ್ಚಿ ಒಣಗಲು ಬಿಡಿ. ಅಥವಾ ಆಲೂಗೆಡ್ಡೆಯನ್ನು ಪುಡಿಮಾಡಿ ಫೇಸ್ ಪ್ಯಾಕ್ ರೀತಿಯಲ್ಲಿ ಮುಖಕ್ಕೆ ಹಚ್ಚಿಕೊಳ್ಳಿ.
ಮುಖ ಸ್ವಚ್ಛವಾಗಿಟ್ಟುಕೊಳ್ಳಿ: ಹೊರಗಿನಿಂದ ಬಂದ ನಂತರ ಮುಖವನ್ನು ಚೆನ್ನಾಗಿ ಸ್ವಚ್ಛಗೊಳಿಸಿಕೊಳ್ಳಿ. ಮುಖವನ್ನು ಚೆನ್ನಾಗಿ ತೇವಗೊಳಿಸಿದರೆ ತೇವಾಂಶವು ಸಮತೋಲಿತ ರೂಪದಲ್ಲಿ ಉಳಿಯುತ್ತದೆ. ಜಂಕ್ ಫುಡ್ ಮತ್ತು ಹೆಚ್ಚು ಎಣ್ಣೆ, ಮೆಣಸಿನಕಾಯಿ, ಮಸಾಲೆಯುಕ್ತ ಆಹಾರವನ್ನು ಸೇವಿಸಬೇಡಿ. ನಿಯಮಿತವಾಗಿ ವ್ಯಾಯಾಮ ಮತ್ತು ಪ್ರಾಣಾಯಾಮ ಮಾಡಿ. ಧೂಳು ಮತ್ತು ಬಿಸಿಲಿನಿಂದ ಮುಖವನ್ನು ರಕ್ಷಿಸಿಕೊಳ್ಳಿ. ದಿನಕ್ಕೆ 3-4 ಬಾರಿ ತಾಜಾ ನೀರಿನಿಂದ ಮುಖವನ್ನು ತೊಳೆಯಿರಿ.
ಜೇನು: ಜೇನುತುಪ್ಪ ಬ್ಯಾಕ್ಟೀರಿಯಾ ವಿರೋಧಿ ಮತ್ತು ನಂಜುನಿರೋಧಕ ಗುಣಗಳನ್ನು ಹೊಂದಿದ್ದು, ಅದನ್ನು ಮೊಡವೆ ಮತ್ತು ಇತರ ಎಣ್ಣೆಯುಕ್ತ ಚರ್ಮದ ಸಮಸ್ಯೆಗಳನ್ನು ತಡೆಯಲು ಬಳಸಬಹುದು. ನಿಮ್ಮ ಮುಖದ ಮೇಲೆ ತೆಳುವಾಗಿ ಜೇನುತುಪ್ಪವನ್ನು ಹಚ್ಚಿ 10 ನಿಮಿಷಗಳ ಕಾಲ ಬಿಡಿ. ನಂತರ ಅದನ್ನು ತಣ್ಣನೆಯ ನೀರಿನಿಂದ ತೊಳೆಯಿರಿ. ಇದು ನಿಮ್ಮ ಎಣ್ಣೆ ಚರ್ಮದ ಹೊಳಪನ್ನು ಹೆಚ್ಚಿಸುತ್ತದೆ.
ಬೇವು: ಸಾವಿರಾರು ವರ್ಷಗಳಿಂದಲೂ ಬೇವು ಎಣ್ಣೆಯುಕ್ತ ಚರ್ಮದಿಂದ ಉಂಟಾಗುವ ಮೊಡವೆಗಳನ್ನು ಗುಣಪಡಿಸಲು ಸಹಾಯ ಮಾಡುವ ಉತ್ತಮ ನಂಜುನಿರೋಧಕವಾಗಿದೆ. ವಾರಕ್ಕೆ ಒಮ್ಮೆ ಬೇವಿನ ಎಲೆಗಳನ್ನು ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚುವುದರಿಂದ ಚರ್ಮದ ಸಮಸ್ಯೆ ದೂರವಾಗುತ್ತದೆ.
ಸೌತೆಕಾಯಿ: ಸೌತೆಕಾಯಿಯನ್ನು ನಿಯಮಿತವಾಗಿ ಮುಖಕ್ಕೆ ಹಚ್ಚುವುದರಿಂದ ಎಣ್ಣೆ ಚರ್ಮದ ಸಮಸ್ಯೆ ಕಡಿಮೆಯಾಗುತ್ತದೆ. ಇದು ಚರ್ಮವನ್ನು ಹೈಡ್ರೇಟ್ ಮಾಡುತ್ತದೆ ಮತ್ತು ಸ್ವಚ್ಛಗೊಳಿಸುತ್ತದೆ.
ಅಲೋವೆರಾ: ಅಲೋವೆರಾದಲ್ಲಿ ಚರ್ಮದ ರಕ್ಷಣೆಗೆ ಬೇಕಾಗುವ ಹಲವು ಆರೋಗ್ಯಕಾರಿ ಪ್ರಯೋಜನಗಳಿವೆ. ದಿನನಿತ್ಯ ಅಥವಾ ವಾರಕ್ಕೆ 2 ಬಾರಿ ಅಲೋವೆರಾವನ್ನು ಮುಖಕ್ಕೆ ಲೇಪಿಸಿಕೊಳ್ಳುವುದು ಎಣ್ಣೆಯುಕ್ತ ಚರ್ಮಕ್ಕೆ ಬಹಳ ಪ್ರಯೋಜನಕಾರಿ. ಅಲೋವೆರಾ ಚರ್ಮದಲ್ಲಿನ ಎಣ್ಣೆಯನ್ನು ಹೀರಿಕೊಂಡು, ಚರ್ಮ ಕಾಂತಿಯುತವಾಗಿರಲು ಸಹಾಯ ಮಾಡುತ್ತದೆ.