Irani Cup: ಇಂಗ್ಲೆಂಡ್ ನೆಲದಲ್ಲಿ ಶತಕಗಳ ಮೇಲೆ ಶತಕ; ಭಾರತದಲ್ಲಿ 1 ರನ್ಗೆ ಸುಸ್ತಾದ ಪೂಜಾರ
Cheteshwar Pujara: ರಾಯಲ್ ಲಂಡನ್ ODI ಕಪ್‌ನಲ್ಲಿ ಅಬ್ಬರಿಸಿದ್ದ ಪೂಜಾರ 3 ಶತಕ ಮತ್ತು 2 ಅರ್ಧ ಶತಕಗಳನ್ನು ಗಳಿಸುವ ಮೂಲಕ ತಮ್ಮ ಫಾರ್ಮ್ ತೋರಿಸಿದ್ದರು.
ಕಳೆದೆರಡು ತಿಂಗಳಿಂದ ಇಂಗ್ಲೆಂಡ್ ನೆಲದಲ್ಲಿ ರನ್ ಮಳೆ ಸುರಿದಿದ್ದ ಚೇತೇಶ್ವರ ಪೂಜಾರ ತವರು ನೆಲದಲ್ಲಿ ರನ್ಗಾಗಿ ಹಾತೊರೆಯುತ್ತಿದ್ದಾರೆ. ಸೌರಾಷ್ಟ್ರ ಮತ್ತು ರೆಸ್ಟ್ ಆಫ್ ಇಂಡಿಯಾ ನಡುವಿನ ಇರಾನಿ ಟ್ರೋಫಿ ಪಂದ್ಯ ಶನಿವಾರದಿಂದ ರಾಜ್‌ಕೋಟ್‌ನಲ್ಲಿ ಪ್ರಾರಂಭವಾಗಿದ್ದು, ಬ್ಯಾಟಿಂಗ್ಗಿಳಿದ ಪೂಜಾರ ಮೈದಾನಕ್ಕೆ ಬಂದ ವೇಗದಲ್ಲೇ ಪೆವಿಲಿಯನ್ಗೆ ಮರಳಿದರು.
2 ತಿಂಗಳ ಕಾಲ ಇಂಗ್ಲೆಂಡ್‌ನಲ್ಲಿ ಶತಕಗಳ ಮೇಲೆ ಶತಕ ಸಿಡಿಸಿದ್ದ ಪೂಜಾರ ಭಾರತದಲ್ಲಿ ಕೇವಲ 1 ರನ್ಗೆ ಸುಸ್ತಾದರು. ಕುಲದೀಪ್ ಸೇನ್ ಎಸೆತದಲ್ಲಿ ಹನುಮ ವಿಹಾರಿಗೆ ಕ್ಯಾಚಿತ್ತು ಪೂಜಾರ ಔಟಾದರು.
ಕೇವಲ 4 ಎಸೆತಗಳನ್ನು ಎದುರಿಸಿದ ಪೂಜಾರ 1 ರನ್ಗೆ ತಮ್ಮ ವಿಕೆಟ್ ಒಪ್ಪಿಸಿದರು. ಪೂಜಾರ ಸೇರಿದಂತೆ ತಂಡದ ಇನ್ನುಳಿದ ಬ್ಯಾಟರ್ಗಳು ಈ ಪಂದ್ಯದಲ್ಲಿ ಸಂಪೂರ್ಣ ವಿಫಲರಾದರು. ಹೀಗಾಗಿ ಇಡೀ ತಂಡ ಕೇವಲ 25 ಓವರ್‌ಗಳಲ್ಲಿ ತನ್ನೇಲ್ಲ ವಿಕೆಟ್ ಕಳೆದುಕೊಂಡು 98 ರನ್‌ಗಳಿಗೆ ಆಲೌಟ್ ಆಯಿತು. ರೆಸ್ಟ್ ಆಫ್ ಇಂಡಿಯಾ ಪರ ಮುಖೇಶ್ ಕುಮಾರ್ 4, ಕುಲದೀಪ್ ಸೇನ್ ಮತ್ತು ಉಮ್ರಾನ್ ಮಲಿಕ್ ತಲಾ 3 ವಿಕೆಟ್ ಪಡೆದರು.
ಕಳೆದ ಎರಡು ತಿಂಗಳಿನಿಂದ ಇಂಗ್ಲೆಂಡ್‌ನ ಕೌಂಟಿ ಕ್ರಿಕೆಟ್ನಲ್ಲಿ ಬ್ಯಾಟ್‌ನಿಂದ ಕೋಲಾಹಲ ಸೃಷ್ಟಿಸಿದ್ದ ಪೂಜಾರ ಕೌಂಟಿ ಚಾಂಪಿಯನ್‌ಶಿಪ್ ಡಿವಿಷನ್ ಒಂದರಲ್ಲಿ ಸಸೆಕ್ಸ್‌ ತಂಡದ ಪರ ಅಬ್ಬರಿಸಿದ್ದರು. ಆ ಬಳಿಕ ರಾಯಲ್ ಲಂಡನ್ ಏಕದಿನ ಕಪ್‌ನಲ್ಲಿ ಅವರು ಬೌಲರ್‌ಗಳನ್ನು ದಂಡಿಸುವುದರಲ್ಲಿ ಯಶಸ್ವಿಯಾಗಿದ್ದರು.
ರಾಯಲ್ ಲಂಡನ್ ODI ಕಪ್‌ನಲ್ಲಿ ಅಬ್ಬರಿಸಿದ್ದ ಪೂಜಾರ 3 ಶತಕ ಮತ್ತು 2 ಅರ್ಧ ಶತಕಗಳನ್ನು ಗಳಿಸುವ ಮೂಲಕ ತಮ್ಮ ಫಾರ್ಮ್ ಅನ್ನು ತೋರಿಸಿದರು. ಆದರೆ ಈಗ ತಮ್ಮದೇ ಆದ ತವರು ನೆಲದಲ್ಲಿ ಪೂಜಾರ ವಿಫಲರಾಗಿದ್ದಾರೆ.
Published On - 6:19 pm, Sat, 1 October 22