Harry Brook: ದಾಖಲೆಯ ಜೊತೆಯಾಟ, ಗರಿಷ್ಠ ಸರಾಸರಿ; 4.30 ಗಂಟೆಗಳಲ್ಲಿ 4 ವಿಶ್ವ ದಾಖಲೆ ಉಡೀಸ್..!
England Vs New Zealand: ಅತ್ಯಧಿಕ ಸರಾಸರಿಯ ವಿಚಾರಕ್ಕೆ ಬಂದರೆ ಬ್ರೂಕ್, ಆಸೀಸ್ ದಂತಕಥೆ ಡಾನ್ ಬ್ರಾಡ್ಮನ್ ಅವರನ್ನು ಹಿಂದಿಕ್ಕಿದ್ದಾರೆ. ಬ್ರೂಕ್ ಅವರ ಟೆಸ್ಟ್ ಸರಾಸರಿ 100.87 ಆಗಿದ್ದರೆ, ಬ್ರಾಡ್ಮನ್ ಸರಾಸರಿ 99.94 ಆಗಿತ್ತು.
ಪ್ರಸ್ತುತ ಕಿವೀಸ್ ವಿರುದ್ಧ ಟೆಸ್ಟ್ ಸರಣಿ ಆಡುತ್ತಿರುವ ಇಂಗ್ಲೆಂಡ್ ತಂಡ ಈಗಾಗಲೇ ಸರಣಿಯಲ್ಲಿ ಮುನ್ನಡೆ ಸಾಧಿಸಿದೆ. ಇದೀಗ ಎರಡನೇ ಟೆಸ್ಟ್ ಪಂದ್ಯ ನಡೆಯುತ್ತಿದ್ದು, ಈ ಪಂದ್ಯದಲ್ಲಿ ಆಂಗ್ಲ ಯುವ ಆಟಗಾರ ಹ್ಯಾರಿ ಬ್ರೂಕ್ ದಾಖಲೆ ಮೇಲೆ ದಾಖಲೆ ಬರೆದಿದ್ದಾರೆ.
ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ದ್ವಿಶತಕ ವಂಚಿತರಾದ ಹ್ಯಾರಿ ಬ್ರೂಕ್, 186 ರನ್ಗಳ ಅಬ್ಬರದ ಇನ್ನಿಂಗ್ಸ್ ಆಡಿದರು. ಬ್ರೂಕ್ ಅವರ ಬಿರುಸಿನ ಇನ್ನಿಂಗ್ಸ್ನಲ್ಲಿ 24 ಬೌಂಡರಿ ಮತ್ತು 5 ಸಿಕ್ಸರ್ಗಳು ಸೇರಿದ್ದವು.
ಸುಮಾರು ನಾಲ್ಕೂವರೆ ಗಂಟೆಗಳ ಕಾಲ ಬ್ಯಾಟಿಂಗ್ ಮಾಡಿದ ಅವರು ಈ ಮೂಲಕ ವಿನೋದ್ ಕಾಂಬ್ಳಿ ಅವರ 30 ವರ್ಷಗಳ ಹಳೆಯ ದಾಖಲೆಯನ್ನೂ ಮುರಿದರು. ತಮ್ಮ ಟೆಸ್ಟ್ ವೃತ್ತಿ ಜೀವನದಲ್ಲಿ ಕೇವಲ 9 ಟೆಸ್ಟ್ ಇನ್ನಿಂಗ್ಸ್ ಆಡಿರುವ ಬ್ರೂಕ್ ಬರೋಬ್ಬರಿ 809 ರನ್ ಗಳಿಸಿ, ಇಷ್ಟು ಕಡಿಮೆ ಇನ್ನಿಂಗ್ಸ್ನಲ್ಲಿ ಅತ್ಯಧಿಕ ರನ್ ಬಾರಿಸಿದ ವಿಶ್ವದ ಮೊದಲ ಬ್ಯಾಟ್ಸ್ಮನ್ ಎನಿಸಿಕೊಂಡಿದ್ದಾರೆ.
ಇದರೊಂದಿಗೆ ಬ್ರೂಕ್, ಭಾರತದ ವಿನೋದ್ ಕಾಂಬ್ಳಿ ಅವರ 30 ವರ್ಷಗಳ ಹಳೆಯ ದಾಖಲೆಯನ್ನು ಮುರಿದರು. ಕಾಂಬ್ಳಿ ತಮ್ಮ ಮೊದಲ 9 ಟೆಸ್ಟ್ ಇನ್ನಿಂಗ್ಸ್ಗಳಲ್ಲಿ 798 ರನ್ ಗಳಿಸಿ ಈ ದಾಖಲೆ ಬರೆದಿದ್ದರು, ಅದು ಈಗ ಬ್ರೂಕ್ ಪಾಲಾಗಿದೆ.
ಇಷ್ಟೇ ಅಲ್ಲ, ಹ್ಯಾರಿ ಬ್ರೂಕ್ ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ 9 ಟೆಸ್ಟ್ ಇನ್ನಿಂಗ್ಸ್ಗಳಲ್ಲಿ 800 ರನ್ಗಳ ಸ್ಕೋರ್ ದಾಟಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಅತ್ಯಧಿಕ ಸರಾಸರಿಯ ವಿಚಾರಕ್ಕೆ ಬಂದರೆ ಬ್ರೂಕ್, ಆಸೀಸ್ ದಂತಕಥೆ ಡಾನ್ ಬ್ರಾಡ್ಮನ್ ಅವರನ್ನು ಹಿಂದಿಕ್ಕಿದ್ದಾರೆ. ಬ್ರೂಕ್ ಅವರ ಟೆಸ್ಟ್ ಸರಾಸರಿ 100.87 ಆಗಿದ್ದರೆ, ಬ್ರಾಡ್ಮನ್ ಸರಾಸರಿ 99.94 ಆಗಿತ್ತು.
ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಬ್ರೂಕ್ ಮತ್ತು ಜೋ ರೂಟ್ ನಡುವೆ 302 ರನ್ ಜೊತೆಯಾಟವಿತ್ತು. 30 ರನ್ಗಳೊಳಗೆ 3 ವಿಕೆಟ್ಗಳನ್ನು ಕಳೆದುಕೊಂಡ ನಂತರ ವಿದೇಶಿ ನೆಲದಲ್ಲಿ ಇದು ಅತಿದೊಡ್ಡ ಜೊತೆಯಾಟವಾಗಿದೆ.