Robin Uthappa: ಟಿ20 ಲೀಗ್ಗೆ ರಾಬಿನ್ ಉತ್ತಪ್ಪ ರಿ ಎಂಟ್ರಿ..!
ILT20: ಯುಎಇ ಟಿ20 ಲೀಗ್ನಲ್ಲಿ 6 ತಂಡಗಳ ನಡುವೆ ಒಟ್ಟು 34 ಪಂದ್ಯಗಳನ್ನು ಆಡಲಾಗುತ್ತದೆ. ಈ ತಂಡಗಳನ್ನು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಎಂಐ ಎಮಿರೇಟ್ಸ್ ತಂಡ), ಅದಾನಿ ಸ್ಪೋರ್ಟ್ಸ್‌ಲೈನ್ (ಗಲ್ಫ್ ಜೈಂಟ್ಸ್ ತಂಡ), ಕೋಲ್ಕತ್ತಾ ನೈಟ್ ರೈಡರ್ಸ್ (ಅಬುಧಾಬಿ ನೈಟ್ ರೈಡರ್ಸ್ ತಂಡ) ಟೀಮ್ಗಳನ್ನು ಖರೀದಿಸಿದೆ.
ಟೀಮ್ ಇಂಡಿಯಾದ ಮಾಜಿ ಆಟಗಾರ ರಾಬಿನ್ ಉತ್ತಪ್ಪ ಸೆಪ್ಟೆಂಬರ್ನಲ್ಲಿ ಎಲ್ಲಾ ಮಾದರಿಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿದ್ದರು. ಅದರಲ್ಲೂ ಕಳೆದ ಸೀಸನ್ನಲ್ಲಿ ಸಿಎಸ್ಕೆ ಪರ ಅತ್ಯುತ್ತಮವಾಗಿ ಆಡಿದ್ದ ಕೊಡಗಿನ ಕುವರ ಐಪಿಎಲ್ಗೆ ವಿದಾಯ ಹೇಳುವ ಮೂಲಕ ಅಚ್ಚರಿ ಮೂಡಿಸಿದ್ದರು.
ಐಪಿಎಲ್ಗೆ ನಿವೃತ್ತಿ ನೀಡಿದ ಬೆನ್ನಲ್ಲೇ ಕಾಮೆಂಟೇಟರ್ ಆಗಿ ಹೊಸ ಇನಿಂಗ್ಸ್ ಆರಂಭಿಸಿದ್ದ ರಾಬಿನ್ ಉತ್ತಪ್ಪ ಇದೀಗ ಮತ್ತೆ ಟಿ20 ಲೀಗ್ಗೆ ಮರಳಿದ್ದಾರೆ. ಅದು ಕೂಡ ಇಂಟರ್ನ್ಯಾಷನಲ್ ಲೀಗ್ ಟಿ20 ಟೂರ್ನಿಯ ಮೂಲಕ ಎಂಬುದು ವಿಶೇಷ.
ಯುಎಇನಲ್ಲಿ ಜನವರಿ 13 ರಿಂದ ಶುರುವಾಗಲಿರುವ ಇಂಟರ್ನ್ಯಾಷನಲ್ ಟಿ20 ಲೀಗ್ನಲ್ಲಿ ರಾಬಿನ್ ಉತ್ತಪ್ಪ ದುಬೈ ಕ್ಯಾಪಿಟಲ್ಸ್ ಪರ ಕಣಕ್ಕಿಳಿಯಲಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ಫ್ರಾಂಚೈಸಿ ಮಾಲೀಕತ್ವದ ಈ ತಂಡದ ಪರ ಆಡಲು ಕರ್ನಾಟಕದ ಆಟಗಾರ ಸಹಿ ಹಾಕಿದ್ದಾರೆ. ಇದರೊಂದಿಗೆ ಸ್ಪರ್ಧಾತ್ಮಕ ಕ್ರಿಕೆಟ್ಗೆ ರಾಬಿನ್ ಉತ್ತಪ್ಪ ಮರಳುತ್ತಿರುವುದು ಖಚಿತವಾಗಿದೆ.
ಈ ಬಗ್ಗೆ ಮಾತನಾಡಿರುವ ರಾಬಿನ್, ನಾನು ಐಪಿಎಲ್ ಆಡುತ್ತಿರುವಾಗಲೇ ವಿದೇಶಿ ಲೀಗ್ನಲ್ಲಿ ಆಡಬೇಕೆಂದು ಬಯಸಿದ್ದೆ. ಆದರೆ ಬಿಸಿಸಿಐ ನಿಯಮದ ಪ್ರಕಾರ ಭಾರತೀಯ ಆಟಗಾರರು ಒಪ್ಪಂದ ಕೊನೆಗೊಳಿಸದೇ ವಿದೇಶಿ ಲೀಗ್ನಲ್ಲಿ ಆಡುವಂತಿರಲಿಲ್ಲ. ಇದೀಗ ನಿವೃತ್ತಿಯಾಗಿರುವ ಕಾರಣ ನನಗೆ ಫಾರಿನ್ ಲೀಗ್ ಆಡಲು ಅನುಮತಿ ಸಿಕ್ಕಿದೆ. ಹೀಗಾಗಿ ಭವಿಷ್ಯದಲ್ಲಿ ದಿ ಹಂಡ್ರೆಡ್, ಕೆರಿಬಿಯನ್ ಪ್ರೀಮಿಯರ್ ಲೀಗ್ ಮತ್ತು ಬಿಗ್ ಬ್ಯಾಷ್ ಲೀಗ್‌ನಂತಹ ಇತರ ಪಂದ್ಯಾವಳಿಗಳಲ್ಲಿ ಭಾಗವಹಿಸಲು ಉತ್ಸುಕನಾಗಿದ್ದೇನೆ ಎಂದು ಉತ್ತಪ್ಪ ತಿಳಿಸಿದ್ದಾರೆ.
ಐಪಿಎಲ್ನಲ್ಲಿ ಆರ್ಸಿಬಿ, ಪುಣೆ ವಾರಿಯರ್ಸ್, ಕೆಕೆಆರ್, ರಾಜಸ್ಥಾನ್ ರಾಯಲ್ಸ್, ಸಿಎಸ್ಕೆ ಪರ ಒಟ್ಟು 205 ಪಂದ್ಯಗಳನ್ನಾಡಿರುವ ಉತ್ತಪ್ಪ 27 ಅರ್ಧಶತಕದೊಂದಿಗೆ 4952 ರನ್ ಕಲೆಹಾಕಿದ್ದಾರೆ. ವಿಶೇಷ ಎಂದರೆ ಕೆಕೆಆರ್ 2014 ರಲ್ಲಿ ಚಾಂಪಿಯನ್ ಆಗಿದ್ದ ವೇಳೆ ಉತ್ತಪ್ಪ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ಅಲ್ಲದೆ ಆರೆಂಜ್ ಕ್ಯಾಪ್ ವಿನ್ನರ್ ಆಗಿ ಹೊರಹೊಮ್ಮಿದ್ದರು. ಆದರೆ ಇದೇ ವರ್ಷ ಸೆಪ್ಟೆಂಬರ್ನಲ್ಲಿ ನಿವೃತ್ತಿ ಘೋಷಿಸಿ ಕ್ರಿಕೆಟ್ ಬದುಕಿಗೆ ವಿದಾಯ ಹೇಳಿದ್ದರು. ಇದೀಗ ತಿಂಗಳುಗಳ ಅಂತರದಲ್ಲಿ ಮನಸು ಬದಲಿಸಿ ಹೊಸ ಲೀಗ್ನಲ್ಲಿ ಬ್ಯಾಟ್ ಬೀಸಲು ಮುಂದಾಗಿರುವುದು ವಿಶೇಷ.
ಯುಎಇ ಟಿ20 ಲೀಗ್ನಲ್ಲಿ 6 ತಂಡಗಳ ನಡುವೆ ಒಟ್ಟು 34 ಪಂದ್ಯಗಳನ್ನು ಆಡಲಾಗುತ್ತದೆ. ಈ ತಂಡಗಳನ್ನು ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (ಎಂಐ ಎಮಿರೇಟ್ಸ್ ತಂಡ), ಅದಾನಿ ಸ್ಪೋರ್ಟ್ಸ್‌ಲೈನ್ (ಗಲ್ಫ್ ಜೈಂಟ್ಸ್ ತಂಡ), ಕೋಲ್ಕತ್ತಾ ನೈಟ್ ರೈಡರ್ಸ್ (ಅಬುಧಾಬಿ ನೈಟ್ ರೈಡರ್ಸ್ ತಂಡ) ಲ್ಯಾನ್ಸರ್ ಕ್ಯಾಪಿಟಲ್ (ಡಿಸರ್ಟ್ ವೈಪರ್ಸ್), ಜಿಎಂಆರ್ ಗ್ರೂಪ್ (ದುಬೈ ಕ್ಯಾಪಿಟಲ್ಸ್) ಮತ್ತು ಕ್ಯಾಪ್ರಿ ಗ್ಲೋಬಲ್ (ಶಾರ್ಜಾ ವಾರಿಯರ್ಸ್ ತಂಡ) ಕಂಪೆನಿಗಳು ಖರೀದಿಸಿದೆ. ಹೀಗಾಗಿ ಐಪಿಎಲ್ ಬಳಿಕ ಇಂಟರ್ನ್ಯಾಷನಲ್ ಟಿ20 ಲೀಗ್ ವಿಶ್ವದ ಅತ್ಯುತ್ತಮ ಲೀಗ್ ಆಗಿ ಗುರುತಿಸಿಕೊಳ್ಳುವ ನಿರೀಕ್ಷೆಯಿದೆ.