David Miller: ಕಿಲ್ಲರ್ ಮಿಲ್ಲರ್ ಆರ್ಭಟಕ್ಕೆ ಧೋನಿ ದಾಖಲೆ ಧೂಳೀಪಟ
T20 Records: ಕೊನೆಯಲ್ಲಿ ಎದುರಿಸಿದ 5 ಎಸೆತಗಳಲ್ಲಿ 3 ಭರ್ಜರಿ ಸಿಕ್ಸ್ನೊಂದಿಗೆ ಡೇವಿಡ್ ಮಿಲ್ಲರ್ 19 ರನ್ ಸಿಡಿಸಿದ್ದರು. ಈ ಸಿಡಿಲಬ್ಬರದ ಫಿನಿಶಿಂಗ್ ಮೂಲಕ ಸೌತ್ ಆಫ್ರಿಕಾ ತಂಡವು 227 ರನ್ ಕಲೆಹಾಕಿತು.
ಭಾರತ-ಸೌತ್ ಆಫ್ರಿಕಾ ನಡುವಣ ಮೂರನೇ ಟಿ20 ಪಂದ್ಯದಲ್ಲೂ ಡೇವಿಡ್ ಮಿಲ್ಲರ್ ಆರ್ಭಟಿಸಿದ್ದಾರೆ. ಅಂತಿಮ ಓವರ್ ವೇಳೆ ಕಣಕ್ಕಿಳಿದ ಮಿಲ್ಲರ್ ಟೀಮ್ ಇಂಡಿಯಾ ವೇಗಿ ದೀಪಕ್ ಚಹರ್ ಪಾಲಿಗೆ ಕಿಲ್ಲರ್ ಆಗಿ ಪರಿಣಮಿಸಿದ್ದರು.
ಕೊನೆಯಲ್ಲಿ ಎದುರಿಸಿದ 5 ಎಸೆತಗಳಲ್ಲಿ 3 ಭರ್ಜರಿ ಸಿಕ್ಸ್ನೊಂದಿಗೆ ಡೇವಿಡ್ ಮಿಲ್ಲರ್ 19 ರನ್ ಸಿಡಿಸಿದ್ದರು. ಈ ಸಿಡಿಲಬ್ಬರದ ಫಿನಿಶಿಂಗ್ ಮೂಲಕ ಸೌತ್ ಆಫ್ರಿಕಾ ತಂಡವು 227 ರನ್ ಕಲೆಹಾಕಿತು.
ವಿಶೇಷ ಎಂದರೆ ಈ ಮೂರು ಸಿಕ್ಸ್ನೊಂದಿಗೆ ಡೇವಿಡ್ ಮಿಲ್ಲರ್ ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಹೆಸರಿನಲ್ಲಿದ್ದ ವಿಶೇಷ ದಾಖಲೆಯನ್ನು ಮುರಿದಿದ್ದಾರೆ. ಅಲ್ಲದೆ ಟಿ20 ಕ್ರಿಕೆಟ್ನಲ್ಲಿ ಹೊಸ ಇತಿಹಾಸವನ್ನು ನಿರ್ಮಿಸಿದ್ದಾರೆ.
ಕ್ರಿಕೆಟ್ ಅಂಗಳದ ಶ್ರೇಷ್ಠ ಫಿನಿಶರ್ ಎನಿಸಿಕೊಂಡಿದ್ದ ಧೋನಿ ಟಿ20 ಕ್ರಿಕೆಟ್ನಲ್ಲಿ ಕೊನೆಯ 5 ಓವರ್ಗಳಲ್ಲಿ ಅತೀ ಹೆಚ್ಚು ರನ್ ಬಾರಿಸಿದ ದಾಖಲೆ ಹೊಂದಿದ್ದರು. ಅಂದರೆ ಟಿ20 ಕ್ರಿಕೆಟ್ನಲ್ಲಿ ಅಂತಿಮ 5 ಓವರ್ಗಳ ವೇಳೆ ಬ್ಯಾಟ್ ಬೀಸಿ 1000 ರನ್ ಪೂರೈಸಿದ ವಿಶ್ವದ ಏಕೈಕ ಬ್ಯಾಟ್ಸ್ಮನ್ ಎಂಬ ವಿಶ್ವ ದಾಖಲೆ ಧೋನಿ ಹೆಸರಿನಲ್ಲಿತ್ತು.
ಆದರೀಗ ಧೋನಿಯ ದಾಖಲೆಯನ್ನು ಉಡೀಸ್ ಮಾಡಿರುವ ಡೇವಿಡ್ ಮಿಲ್ಲರ್, ಟಿ20 ಕ್ರಿಕೆಟ್ನಲ್ಲಿ ಅಂತಿಮ 5 ಓವರ್ಗಳ ವೇಳೆ ಬ್ಯಾಟ್ ಬೀಸಿ ಒಟ್ಟು 1102 ರನ್ ಬಾರಿಸಿದ್ದಾರೆ.
ಈ ಮೂಲಕ ಮಹೇಂದ್ರ ಸಿಂಗ್ ಧೋನಿ (1014 ರನ್) ಹೆಸರಿನಲ್ಲಿದ್ದ ವಿಶೇಷ ಡೆತ್ ಓವರ್ ದಾಖಲೆಯನ್ನು ಡೇವಿಡ್ ಮಿಲ್ಲರ್ ಧೂಳೀಪಟ ಮಾಡಿ ಹೊಸ ಇತಿಹಾಸ ನಿರ್ಮಿಸಿದ್ದಾರೆ.