IPL 2024: ರುತುರಾಜ್ ಶತಕ ಸಿಡಿಸಿದರೆ ಸಿಎಸ್ಕೆಗೆ ಸೋಲು ಖಚಿತ..!
IPL 2024: ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ರುತುರಾಜ್ ಗಾಯಕ್ವಾಡ್ಗೆ ಐಪಿಎಲ್‌ನಲ್ಲಿ ಇದು ಎರಡನೇ ಶತಕ. ಅದಾಗ್ಯೂ ಈ ಎರಡೂ ಶತಕಗಳು ರುತುರಾಜ್ ಪಾಲಿಗೆ ಶುಭ ಶಕುನಗಳಾಗಲೇ ಇಲ್ಲ. ಅಂದರೆ ರುತುರಾಜ್ ಶತಕ ಸಿಡಿಸಿದ ಈ ಎರಡೂ ಪಂದ್ಯಗಳಲ್ಲಿ ಚೆನ್ನೈಗೆ ಗೆಲುವೇ ದಕ್ಕಿಲ್ಲ.
ತವರು ನೆಲದಲ್ಲಿ ನಡೆದ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಪಂದ್ಯದಲ್ಲಿ 6 ವಿಕೆಟ್ಗಳಿಂದ ಸೋತ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಪ್ರಸ್ತುತ ಪಾಯಿಂಟ್ ಪಟ್ಟಿಯಲ್ಲಿ ಟಾಪ್ 4 ರಿಂದ ಹೊರಬಿದ್ದಿದೆ. ಇದರರ್ಥ ತಂಡ ಪ್ಲೇ ಆಫ್ ರೇಸ್ನಿಂದ ಸದ್ಯಕ್ಕೆ ಹೊರಗುಳಿದಿದೆ.
ನಿನ್ನೆ ನಡೆದ ಈ ಪಂದ್ಯದಲ್ಲಿ ಉಭಯ ತಂಡಗಳ ಆಟಗಾರರಿಂದ ತಲಾ ಒಂದೊಂದು ಶತಕ ಸಿಡಿದವು. ಆದರೆ ಇಲ್ಲಿ ವ್ಯತ್ಯಾಸವೆನೆಂದರೆ, ಸಿಎಸ್ಕೆ ನಾಯಕ ರುತುರಾಜ್ ಗಾಯಕ್ವಾಡ್ ಸಿಡಿಸಿದ ಶತಕ ವ್ಯರ್ಥವಾದರೆ, ಲಕ್ನೋ ಪರ ಆಲ್ ರೌಂಡರ್ ಮಾರ್ಕಸ್ ಸ್ಟೊಯಿನಿಸ್ ಸಿಡಿಸಿದ ಶತಕ ತಂಡದ ಗೆಲುವಿಗೆ ನಾಂದಿ ಹಾಡಿತು.
ವಾಸ್ತವವಾಗಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ರುತುರಾಜ್ ಗಾಯಕ್ವಾಡ್ಗೆ ಐಪಿಎಲ್‌ನಲ್ಲಿ ಇದು ಎರಡನೇ ಶತಕ. ಅದಾಗ್ಯೂ ಈ ಎರಡೂ ಶತಕಗಳು ರುತುರಾಜ್ ಪಾಲಿಗೆ ಶುಭ ಶಕುನಗಳಾಗಲೇ ಇಲ್ಲ. ಅಂದರೆ ರುತುರಾಜ್ ಶತಕ ಸಿಡಿಸಿದ ಈ ಎರಡೂ ಪಂದ್ಯಗಳಲ್ಲಿ ಚೆನ್ನೈಗೆ ಗೆಲುವೇ ದಕ್ಕಿಲ್ಲ.
ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಆರಂಭಿಕರಾಗಿ ಕಣಕ್ಕಿಳಿದಿದ್ದ ರುತುರಾಜ್ ಗಾಯಕ್ವಾಡ್ 60 ಎಸೆತಗಳಲ್ಲಿ 108 ರನ್ ಗಳಿಸಿದರು. ಇದರಲ್ಲಿ 12 ಬೌಂಡರಿ ಮತ್ತು 3 ಸಿಕ್ಸರ್‌ಗಳೂ ಸೇರಿದ್ದವು. ಆದರೆ ರುತುರಾಜ್ ಕೇವಲ 56 ಎಸೆತಗಳಲ್ಲಿ ಶತಕ ಪೂರೈಸಿದ ಹೊರತಾಗಿಯೂ ತಮ್ಮ ಹೆಸರಿನಲ್ಲಿ ಅನಗತ್ಯ ದಾಖಲೆಯೊಂದು ಬರೆದಿದ್ದಾರೆ.
ಮೇಲೆ ಹೇಳಿದಂತೆ ಗಾಯಕ್ವಾಡ್ ಶತಕ ಬಾರಿಸಿದಾಗಲೆಲ್ಲಾ ಸಿಎಸ್ಕೆ ತಂಡವು ಸೋಲನ್ನು ಎದುರಿಸಿದೆ. ರುತುರಾಜ್ ಇದುವರೆಗೆ ಎರಡು ಶತಕಗಳನ್ನು ಬಾರಿಸಿದ್ದು, ಚೆನ್ನೈ ತಂಡವು ಎರಡೂ ಬಾರಿ ಪಂದ್ಯವನ್ನು ಸೋತಿದೆ. ಇದರೊಂದಿಗೆ ರುತುರಾಜ್ ಸೋತ ಪಂದ್ಯಗಳಲ್ಲಿ ಅತಿ ಹೆಚ್ಚು ಶತಕ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ಬಂದಿದ್ದಾರೆ.
ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರುವ ಆರ್ಸಿಬಿ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಸೋತ ಪಂದ್ಯಗಳಲ್ಲಿ ಕೊಹ್ಲಿ ಇದುವರೆಗೆ ಮೂರು ಶತಕಗಳನ್ನು ಬಾರಿಸಿದ್ದಾರೆ.
ಇದೆಲ್ಲದರ ಹೊರತಾಗಿಯೂ ರುತುರಾಜ್ ಗಾಯಕ್ವಾಡ್ ಅವರ ಈ ಶತಕದ ಇನ್ನಿಂಗ್ಸ್ ಸ್ಮರಣೀಯವಾಗಿತ್ತು. ಏಕೆಂದರೆ ಐಪಿಎಲ್‌ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಪರ ಶತಕ ಸಿಡಿಸಿದ ಮೊದಲ ನಾಯಕ ಎಂಬ ಹೆಗ್ಗಳಿಕೆಗೆ ರುತುರಾಜ್ ಪಾತ್ರರಾದರು.
ಅಲ್ಲದೆ ಸಿಎಸ್ಕೆ ನಾಯಕನಾಗಿ ಅತಿ ದೊಡ್ಡ ಇನ್ನಿಂಗ್ಸ್ ಆಡಿದ ದಾಖಲೆಯನ್ನೂ ರುತುರಾಜ್ ನಿರ್ಮಿಸಿದ್ದಾರೆ. ಈ ಮೊದಲು ಈ ದಾಖಲೆ ಎಸ್‌ಎಸ್ ಧೋನಿ ಹೆಸರಿನಲ್ಲಿತ್ತು. ನಾಯಕನಾಗಿ ಸಿಎಸ್ಕೆ ಪರ ಧೋನಿ 84 ರನ್‌ಗಳ ಇನಿಂಗ್ಸ್‌ ಆಡಿದ್ದರು.