IPL 2022 Auction: ಮಾಜಿ ಆಟಗಾರರ ಮೇಲೆ ಒಲವು; ಹರಾಜಿನಲ್ಲಿ ಈ ಐವರಿಗಾಗಿ ಬಿಡ್ ಮಾಡಲಿದೆ ಡೆಲ್ಲಿ ತಂಡ
IPL 2022 Auction: ದೆಹಲಿಯ ತಂಡವು ಕಳೆದ ಋತುವಿನ ಕೆಲವು ಪ್ರಮುಖ ಆಟಗಾರರನ್ನು ಮರಳಿ ಖರೀದಿಸಲು ಪ್ರಯತ್ನಿಸುತ್ತದೆ ಮತ್ತು ಅದೇ ಸಮಯದಲ್ಲಿ ಈ ಹೊಸ ಹೆಸರುಗಳ ಮೇಲೂ ಬಿಡ್ ಮಾಡಬಹುದು.
IPL 2022 ಸೀಸನ್‌ಗಾಗಿ ದೊಡ್ಡ ಹರಾಜಿಗೆ ಕೆಲವೇ ದಿನಗಳು ಬಾಕಿ ಉಳಿದಿವೆ. ಎಲ್ಲಾ ತಂಡಗಳು ತಮ್ಮ ಉಳಿಸಿಕೊಂಡಿರುವ ಆಟಗಾರರ ಹೆಸರನ್ನು ಬಿಡುಗಡೆ ಮಾಡಿದ್ದು, ಇದೀಗ ಹರಾಜಿನಲ್ಲಿ ಉತ್ತಮ ಆಟಗಾರರಿಗೆ ಹಣ ವ್ಯಯಿಸಿ ಬಲಿಷ್ಠ ತಂಡವನ್ನಾಗಿಸಲು ಸಿದ್ಧತೆ ನಡೆದಿದೆ. ಡೆಲ್ಲಿ ಕ್ಯಾಪಿಟಲ್ಸ್ ಬಗ್ಗೆ ಮಾತನಾಡುವುದಾದರೆ, ತಂಡವು ನಾಯಕ ರಿಷಬ್ ಪಂತ್, ಅಕ್ಷರ್ ಪಟೇಲ್, ಪೃಥ್ವಿ ಶಾ ಮತ್ತು ಎನ್ರಿಕ್ ನಾರ್ಕಿಯಾ ಅವರನ್ನು ಉಳಿಸಿಕೊಂಡಿದೆ. ದೆಹಲಿಯ ತಂಡವು ಕಳೆದ ಋತುವಿನ ಕೆಲವು ಪ್ರಮುಖ ಆಟಗಾರರನ್ನು ಮರಳಿ ಖರೀದಿಸಲು ಪ್ರಯತ್ನಿಸುತ್ತದೆ ಮತ್ತು ಅದೇ ಸಮಯದಲ್ಲಿ ಈ ಹೊಸ ಹೆಸರುಗಳ ಮೇಲೂ ಬಿಡ್ ಮಾಡಬಹುದು.
ಶಿಖರ್ ಧವನ್ - ಡೆಲ್ಲಿ ಮತ್ತೊಮ್ಮೆ ತಮ್ಮ ಅನುಭವಿ ಆರಂಭಿಕ ಆಟಗಾರನನ್ನು ಮರಳಿ ಖರೀದಿಸಲು ಪ್ರಯತ್ನಿಸುತ್ತದೆ. ಏಕೆಂದರೆ ಧವನ್ ಪೃಥ್ವಿ ಶಾ ಜೊತೆಗೆ ಬಲ ಮತ್ತು ಎಡಗೈ ಓಪನರ್‌ಗಳ ಉತ್ತಮ ಜೋಡಿಯನ್ನು ಮಾಡಿದರು, ಜೊತೆಗೆ ಡೆಲ್ಲಿಗೆ ಉತ್ತಮ ಆರಂಭವನ್ನು ನೀಡಿದರು. ಆದರೆ ಧವನ್‌ಗೆ ಹೆಚ್ಚು ಖರ್ಚು ಮಾಡುವ ನಿರೀಕ್ಷೆಯಿಲ್ಲ.
ಅವೇಶ್ ಖಾನ್- ವೇಗದ ಬೌಲರ್ ಅವೇಶ್ ಖಾನ್ ಕಳೆದ ಋತುವಿನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ನ ಅತ್ಯುತ್ತಮ ಆಟಗಾರನಾಗಿ ಹೊರಹೊಮ್ಮಿದರು. ಭಾರತದ ಈ ಯುವ ಬೌಲರ್ ಕೇವಲ 16 ಪಂದ್ಯಗಳಲ್ಲಿ 24 ವಿಕೆಟ್ ಪಡೆದು ಎರಡನೇ ಸ್ಥಾನದಲ್ಲಿ ಉಳಿದರು. ಡೆಲ್ಲಿ ಅವರನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ, ಆದರೆ ಹಿಂದಿನ ಪ್ರದರ್ಶನದ ಆಧಾರದ ಮೇಲೆ ಅವರನ್ನು ಮತ್ತೆ ಖರೀದಿಸಲು ತಮ್ಮ ಅತ್ಯುತ್ತಮ ಪ್ರಯತ್ನವನ್ನು ಮಾಡಬಹುದು.
ಮಾರ್ಕಸ್ ಸ್ಟೊಯಿನಿಸ್- ಆಸ್ಟ್ರೇಲಿಯಾದ ಆಲ್‌ರೌಂಡರ್ ಸ್ಟೊಯಿನಿಸ್ ಕಳೆದ ಎರಡು ಋತುಗಳಲ್ಲಿ ದೆಹಲಿ ಪರ ಉತ್ತಮ ಪ್ರದರ್ಶನ ನೀಡಿದ್ದಾರೆ ಮತ್ತು ಇತ್ತೀಚಿನ T20 ವಿಶ್ವಕಪ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಆಸ್ಟ್ರೇಲಿಯಾದ ಕೋಚ್ ರಿಕಿ ಪಾಂಟಿಂಗ್ ಅವರ ಮೇಲೆ ಮತ್ತೊಮ್ಮೆ ಬಾಜಿ ಕಟ್ಟಬಹುದು, ಏಕೆಂದರೆ ಅವರು ಕಡಿಮೆ ಬೆಲೆಗೆ ಸಿಗುತ್ತಾರೆ.
ರವಿ ಬಿಷ್ಣೋಯ್- ಕಳೆದ ಋತುವಿನಲ್ಲಿ ದೆಹಲಿಗೆ ಉತ್ತಮ ಲೆಗ್-ಸ್ಪಿನ್ನರ್ ಕೊರತೆಯಿದೆ ಮತ್ತು ಪಂಜಾಬ್ ಕಿಂಗ್ಸ್‌ನಿಂದ ಬಿಡುಗಡೆಯಾದ 21 ವರ್ಷದ ಬಿಷ್ಣೋಯ್, ಯುವ ಆಟಗಾರರ ಪೂರ್ಣ ತಂಡದಲ್ಲಿ ಈ ಕೊರತೆಯನ್ನು ನೀಗಿಸಬಹುದು. ಫಿರೋಜ್ ಶಾ ಕೋಟ್ಲಾದ ನಿಧಾನಗತಿಯ ಪಿಚ್‌ನಲ್ಲಿ ಬಿಷ್ಣೋಯ್ ಜಾದೂ ಮಾಡಬಹುದು.
ಶಾರುಖ್ ಖಾನ್ - ಪಂಜಾಬ್ ಕಿಂಗ್ಸ್ ತೊರೆದ ಶಾರುಖ್ ಖಾನ್ ಮೇಲೆ ದೊಡ್ಡ ಬಿಡ್‌ಗಳು ನಡೆಯುವುದು ಖಚಿತ. ಶಾರುಖ್ ಅವರು ಅತ್ಯುತ್ತಮ ಹಿಟ್ಟರ್ ಮತ್ತು ಫಿನಿಶರ್ ಆಗಿ ತಮ್ಮ ಛಾಪು ಮೂಡಿಸುತ್ತಿದ್ದಾರೆ ಮತ್ತು ಡೆಲ್ಲಿ ಈ ಆಟಗಾರನಿಗೆ ಹೆಚ್ಚು ಖರ್ಚು ಮಾಡಲು ಪ್ರಯತ್ನಿಸಬಹುದು.
Published On - 6:35 pm, Thu, 2 December 21