Ranji Trophy 2022: ಶೂನ್ಯಕ್ಕೆ ಔಟ್! ರಣಜಿಯಲ್ಲೂ ಕಳಪೆ ಫಾರ್ಮ್ ಮುಂದುವರೆಸಿದ ರಹಾನೆ
Ajinkya Rahane: ಮೊದಲ ಎಸೆತದಲ್ಲಿಯೇ ಅಜಿಂಕ್ಯ ರಹಾನೆ ಗೋವಿಂದ ಪೊದ್ದಾರ್ಗೆ ಕ್ಯಾಚ್ ನೀಡಿದರು. ಈ ಬಲಗೈ ಬ್ಯಾಟ್ಸ್ಮನ್ನನ್ನು ರಾಜೇಶ್ ಮೊಹಂತಿ ಔಟ್ ಮಾಡಿದರು.
ಮೊಹಾಲಿಯಲ್ಲಿ ಶ್ರೀಲಂಕಾ ವಿರುದ್ಧ ಟೀಂ ಇಂಡಿಯಾ ಮೊದಲ ಟೆಸ್ಟ್ ಪಂದ್ಯವನ್ನು ಆಡುತ್ತಿದ್ದರೆ, ಮತ್ತೊಂದೆಡೆ ಅದರ ಮಾಜಿ ಉಪನಾಯಕ ಅಜಿಂಕ್ಯ ರಹಾನೆ ತಂಡದಿಂದ ಕೈಬಿಟ್ಟ ನಂತರ ರಣಜಿ ಟ್ರೋಫಿ ಆಡುತ್ತಿದ್ದಾರೆ. ಕಳಪೆ ಫಾರ್ಮ್ನಿಂದಾಗಿ ರಹಾನೆ ಅವರನ್ನು ತಂಡದಿಂದ ಕೈಬಿಡಲಾಯಿತು. ಆದರೆ ಅವರ ಸ್ಥಿತಿ ಇಂದಿಗೂ ಮುಂದುವರೆದಿದೆ. ಶುಕ್ರವಾರ ಒಡಿಶಾ ವಿರುದ್ಧದ ಮೊದಲ ಎಸೆತದಲ್ಲಿ ರಹಾನೆ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದಾರೆ.
ಮೊದಲ ಎಸೆತದಲ್ಲಿಯೇ ಅಜಿಂಕ್ಯ ರಹಾನೆ ಗೋವಿಂದ ಪೊದ್ದಾರ್ಗೆ ಕ್ಯಾಚ್ ನೀಡಿದರು. ಈ ಬಲಗೈ ಬ್ಯಾಟ್ಸ್ಮನ್ನನ್ನು ರಾಜೇಶ್ ಮೊಹಂತಿ ಔಟ್ ಮಾಡಿದರು. ರಹಾನೆ ಎರಡು ರಣಜಿ ಪಂದ್ಯಗಳಲ್ಲಿ ಶತಕ ಮತ್ತು ಅರ್ಧ ಶತಕ ಗಳಿಸಿದ್ದಾರೆ. ಆದರೆ ಅವರು ಇನ್ನೂ ಲಯದಲ್ಲಿಲ್ಲ. ಸೌರಾಷ್ಟ್ರ ವಿರುದ್ಧ ಭರ್ಜರಿ ಶತಕ ಬಾರಿಸಿದರು.
ಟೀಂ ಇಂಡಿಯಾದಲ್ಲಿ ರಹಾನೆ ಮತ್ತು ಪೂಜಾರ ಬದಲಿಗೆ ಹನುಮ ವಿಹಾರಿ ಮತ್ತು ಶ್ರೇಯಸ್ ಅಯ್ಯರ್ ಸ್ಥಾನ ಪಡೆದಿದ್ದಾರೆ. ಮೊಹಾಲಿ ಟೆಸ್ಟ್ನಲ್ಲಿ ಹನುಮ ವಿಹಾರಿ ಅದ್ಭುತ ಅರ್ಧಶತಕವನ್ನೂ ಗಳಿಸಿದ್ದರು. ಅದೇ ಸಮಯದಲ್ಲಿ, ಅಯ್ಯರ್ 27 ರನ್ಗಳ ಇನ್ನಿಂಗ್ಸ್ ಆಡಿದರು. ರಹಾನೆ ಮತ್ತು ಪೂಜಾರ ಇದೇ ರೀತಿ ಆಟ ಮುಂದುವರಿಸಿದರೆ ಟೀಂ ಇಂಡಿಯಾಗೆ ಮರಳುವುದು ಕಷ್ಟ.