World Cup 2023: ಸೆಮಿಫೈನಲ್ ಆಡುಬಹುದಾದ ಐದು ತಂಡಗಳನ್ನು ಹೆಸರಿಸಿದ ದಾದಾ..!
Sourav Ganguly: ತಮ್ಮ 51ನೇ ವಸಂತಕ್ಕೆ ಕಾಲಿಟ್ಟ ಟೀಂ ಇಂಡಿಯಾದ ಮಾಜಿ ಸೌರವ್ ಗಂಗೂಲಿ ಈ ಬಾರಿಯ ಏಕದಿನ ವಿಶ್ವಕಪ್ನಲ್ಲಿ ಸೆಮಿ ಫೈನಲ್ ಆಡುವ ನಾಲ್ಕು ತಂಡಗಳ ಬಗ್ಗೆ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ನಿನ್ನೆಯಷ್ಟೆ ಅಂದರೆ, ಜುಲೈ 8 ರಂದು ತಮ್ಮ 51ನೇ ವಸಂತಕ್ಕೆ ಕಾಲಿಟ್ಟ ಟೀಂ ಇಂಡಿಯಾದ ಮಾಜಿ ಸೌರವ್ ಗಂಗೂಲಿ ಈ ಬಾರಿಯ ಏಕದಿನ ವಿಶ್ವಕಪ್ನಲ್ಲಿ ಸೆಮಿ ಫೈನಲ್ ಆಡುವ ನಾಲ್ಕು ತಂಡಗಳ ಬಗ್ಗೆ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
13ನೇ ಏಕದಿನ ವಿಶ್ವಕಪ್ ಬಗ್ಗೆ ಮನಬಿಚ್ಚಿ ಮಾತನಾಡಿರುವ ಬಂಗಾಳದ ಹುಲಿ ಖ್ಯಾತಿಯ ಸೌರವ್ ಗಂಗೂಲಿ, ಸೆಮಿಫೈನಲ್ ಆಡುವ ಮೂರು ತಂಡಗಳ ಬಗ್ಗೆ ಖಚಿತವಾಗಿದ್ದರೂ, ನಾಲ್ಕೆನೇಯ ಹಾಗೂ ಕೊನೆಯ ತಂಡದ ವಿಚಾರದಲ್ಲಿ ಕೊಂಚ ಗೊಂದಲದಲ್ಲಿರುವುದಾಗಿ ಹೇಳಿಕೊಂಡಿದ್ದಾರೆ.
ತಮ್ಮ ಪ್ರಕಾರ ಈ ಬಾರಿಯ ಏಕದಿನ ವಿಶ್ವಕಪ್ನಲ್ಲಿ ಸೆಮಿಫೈನಲ್ ಆಡುವ ತಂಡಗಳನ್ನು ಹೆಸರಿಸಿರುವ ದಾದಾ, ಮೊದಲ ಮೂರು ಸ್ಥಾನಗಳಲ್ಲಿ ಕೊನೆಯ ಮೂರು ವಿಶ್ವಕಪ್ಗಳ ಚಾಂಪಿಯನ್‌ಗಳಾದ ಇಂಗ್ಲೆಂಡ್, ಆಸ್ಟ್ರೇಲಿಯಾ ಮತ್ತು ಭಾರತವನ್ನು ಹೆಸರಿಸಿದ್ದಾರೆ.
ಆದರೆ ಸೆಮಿಫೈನಲ್ ಆಡುವ ನಾಲ್ಕನೇ ತಂಡದ ಬಗ್ಗೆ ಗೊಂದಲ ಹೊರಹಾಕಿರುವ ದಾದಾ, ದಕ್ಷಿಣ ಆಫ್ರಿಕಾ ಮತ್ತು ಶ್ರೀಲಂಕಾ ತಂಡಗಳು ಸೆಮಿಫೈನಲ್ ಆಡುವುದು ಅನುಮಾನ ಎಂದಿದ್ದಾರೆ.
ಗಂಗೂಲಿ ಪ್ರಕಾರ, ಸೆಮಿಫೈನಲ್ ಆಡುವ ನಾಲ್ಕನೇ ತಂಡವಾಗಿ ನ್ಯೂಜಿಲೆಂಡ್ ಮೇಲೆ ಹೆಚ್ಚು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಆದರೆ ಐದನೇ ತಂಡವನ್ನು ಆಯ್ಕೆ ಮಾಡಿರುವ ದಾದಾ, ಪಾಕಿಸ್ತಾನಕ್ಕೆ ಐದನೇ ಸ್ಥಾನ ನೀಡಿದ್ದಾರೆ. ಹಾಗೆಯೇ ಭಾರತ ಮತ್ತು ಪಾಕಿಸ್ತಾನ ಈಡನ್ ಗಾರ್ಡನ್ಸ್ನಲ್ಲಿ ಸೆಮಿಫೈನಲ್ ಆಡಲಿವೆ ಎಂದಿದ್ದಾರೆ.