IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಲು ಸಜ್ಜಾಗ ಯುಜ್ವೇಂದ್ರ ಚಹಾಲ್: ಇದುವರೆಗೆ ಯಾರೂ ಮಾಡಿಲ್ಲ ಈ ಸಾಧನೆ
Yuzvendra Chahal Record: 2024 ರ ಐಪಿಎಲ್ನಲ್ಲಿ ಚಹಲ್ 16 ವರ್ಷಗಳ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಬೌಲರ್ ಎಂಬ ದಾಖಲೆಯನ್ನು ನಿರ್ಮಿಸಲು ಸಜ್ಜಾಗಿದ್ದಾರೆ. ಚಹಾಲ್ ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದು, ಅವರ ಹೆಸರಿಗೆ 187 ವಿಕೆಟ್‌ಗಳಿವೆ.
2024 ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಯುಜ್ವೇಂದ್ರ ಚಹಾಲ್‌ಗೆ ಒಂದು ದೊಡ್ಡ ಅವಕಾಶವಾಗಿದೆ. ಏಕೆಂದರೆ ರಾಜಸ್ಥಾನ್ ರಾಯಲ್ಸ್ ಸ್ಟಾರ್ ಕಳೆದ 12 ತಿಂಗಳುಗಳಿಂದ ಭಾರತೀಯ ಏಕದಿನ ಮತ್ತು ಟಿ20I ತಂಡಗಳಲ್ಲಿ ಸ್ಥಾನ ಪಡೆದುಕೊಂಡಿಲ್ಲ. 2023-24 ಋತುವಿನ ಕೇಂದ್ರ ಒಪ್ಪಂದದಿಂದ ಕೂಡ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಇವರನ್ನು ತೆಗೆದು ಹಾಕಲಾಗಿದೆ.
ಕುಲ್ದೀಪ್ ಯಾದವ್ ಮತ್ತು ರವಿ ಬಿಷ್ಟೋಯಿ ಅವರಿಗಿಂತ ಭಾರತೀಯ ವೈಟ್-ಬಾಲ್ ತಂಡದ ರ್ಯಾಂಕಿಂಗ್ನಿಂದ ಹಿಂದೆ ಬಿದ್ದಿದ್ದರೂ ಸಹ, ಚಹಾಲ್ ಸಂಜು ಸ್ಯಾಮ್ಸನ್ ನೇತೃತ್ವದ ರಾಜಸ್ಥಾನ್ ರಾಯಲ್ಸ್ ತಂಡ ಪ್ರಮುಖ ಸ್ಪಿನ್ನರ್ ಆಗಿದ್ದಾರೆ. ರವಿಚಂದ್ರನ್ ಅಶ್ವಿನ್ ಜೊತೆಗೆ ಇವರು ತಂಡದಲ್ಲಿದ್ದಾರೆ. ಇದೀಗ ಐಪಿಎಲ್ನಲ್ಲಿ ಚಹಲ್ ಹೊಸ ದಾಖಲೆ ಸೃಷ್ಟಿಸುವ ತವಕದಲ್ಲಿದ್ದಾರೆ.
2024 ರ ಐಪಿಎಲ್ನಲ್ಲಿ ಚಹಲ್ 16 ವರ್ಷಗಳ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ಬೌಲರ್ ಎಂಬ ದಾಖಲೆಯನ್ನು ನಿರ್ಮಿಸಲು ಸಜ್ಜಾಗಿದ್ದಾರೆ. ಚಹಾಲ್ ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದು, ಅವರ ಹೆಸರಿಗೆ 187 ವಿಕೆಟ್‌ಗಳಿವೆ. ಈ ಹಿಂದೆ ಮುಂಬೈ ಇಂಡಿಯನ್ಸ್ ಪರ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ ಇವರು ಆಡಿದ್ದರು.
2024ರ ಐಪಿಎಲ್ನಲ್ಲಿ, ಚಹಾಲ್ ಐಪಿಎಲ್ನಲ್ಲಿ 200 ವಿಕೆಟ್‌ಗಳನ್ನು ಪಡೆದ ಮೊದಲ ಕ್ರಿಕೆಟಿಗನಾಗುವ ಅವಕಾಶವನ್ನು ಹೊಂದಿದ್ದಾರೆ. 33ರ ಹರೆಯದ ಅವರು ಮುಂಬರುವ ಋತುವಿನಲ್ಲಿ 13 ವಿಕೆಟ್ ಪಡೆದರೆ, ಈ ದೊಡ್ಡ ಮೈಲಿಗಲ್ಲನ್ನು ತಲುಪುತ್ತಾರೆ. ಇದುವರೆಗೆ ಐಪಿಎಲ್ನಲ್ಲಿ ಯಾವೊಬ್ಬ ಬೌಲರ್ ಈ ಸಾಧನೆ ಮಾಡಿಲ್ಲ.
ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ಸ್: ಯುಜ್ವೇಂದ್ರ ಚಹಾಲ್ 187 ವಿಕೆಟ್, ಡ್ವೇನ್ ಬ್ರಾವೋ 183 ವಿಕೆಟ್, ಪಿಯೂಷ್ ಚಾವ್ಲಾ 179 ವಿಕೆಟ್, ಅಮಿತ್ ಮಿಶ್ರಾ 173 ವಿಕೆಟ್, ರವಿಚಂದ್ರನ್ ಅಶ್ವಿನ್ 171 ವಿಕೆಟ್, ಭುವನೇಶ್ವರ್ ಕುಮಾರ್ 170 ವಿಕೆಟ್ ಪಡೆದುಕೊಂಡಿದ್ದಾರೆ.
2022 ರಲ್ಲಿ ಆರ್‌ಆರ್‌ಗೆ ಸೇರಿದಾಗಿನಿಂದ, ಚಹಾಲ್ ಎರಡು ಋತುಗಳಲ್ಲಿ 48 ವಿಕೆಟ್‌ಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದಾರೆ ಮತ್ತು ಈಗಾಗಲೇ ಇತಿಹಾಸದಲ್ಲಿ ಅವರ ಐದನೇ ಅತಿ ಹೆಚ್ಚು ವಿಕೆಟ್ ಟೇಕರ್ ಆಗಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ 2014 ರಿಂದ 2021 ವರೆಗೆ ಆಡಿದ್ದು, ಈ ಸಂದರ್ಭ 113 ಪಂದ್ಯಗಳಲ್ಲಿ 139 ವಿಕೆಟ್‌ಗಳೊಂದಿಗೆ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ.
Published On - 10:10 am, Tue, 19 March 24