ರೊನಾಲ್ಡೊ ಮನೆಗೆ ಬಾಣಸಿಗರು ಬೇಕಾಗಿದ್ದಾರೆ; ತಿಂಗಳ ಸಂಬಳ ಎಷ್ಟು ಲಕ್ಷ ಗೊತ್ತಾ?
Cristiano Ronaldo: ರೊನಾಲ್ಡೊ ಹಾಕಿರುವ ಷರತ್ತುಗಳಿಗೆಲ್ಲ ಒಕೆ ಎನ್ನುವ ಬಾಣಸಿಗ ಸಿಕ್ಕರೆ ಆತನಿಗೆ ತಿಂಗಳಿಗೆ 4500 ಪೌಂಡ್ (ಸುಮಾರು 4.5 ಲಕ್ಷ ರೂ.) ಸಂಬಳ ನೀಡಲಾಗುತ್ತದೆ ಎಂದು ವರದಿಯೊಂದು ಹೇಳಿದೆ.
ಪೋರ್ಚುಗಲ್‌ನ ಸೂಪರ್‌ಸ್ಟಾರ್ ಫುಟ್ಬಾಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಫುಟ್ಬಾಲ್ ವಿಶ್ವಕಪ್ಗೂ ಮುನ್ನ ಮ್ಯಾಂಚೆಸ್ಟರ್ ಯುನೈಟೆಡ್ ಜೊತೆಗಿನ ಒಪ್ಪಂದವನ್ನು ಕೊನೆಗೊಳಿಸಿದ್ದ ರೊನಾಲ್ಡೊ. ಇತ್ತೀಚೆಗೆ ದಾಖಲೆ ಮೊತ್ತಕ್ಕೆ ಸೌದಿ ಅರೇಬಿಯಾ ಮೂಲದ ಫುಟ್ಬಾಲ್ ತಂಡ ಅಲ್ ನಾಸ್ರ್ ಸೇರಿಕೊಂಡಿದ್ದರು.
ದಾಖಲೆಯ ಸಂಬಳ ಪಡೆಯುವ ಮೂಲಕ ಸಾಕಷ್ಟು ಸುದ್ದಿಯಾಗಿದ್ದ ರೊನಾಲ್ಡೊ ಇದೀಗ ಹೊಸ ಸಮಸ್ಯೆಗೆ ಸಿಲುಕಿಕೊಂಡಿದ್ದಾರೆ. ಅದೆನೆಂದರೆ ಈ ಫುಟ್ಬಾಲ್ ದೈತ್ಯನ ಮನೆಗೆ ಸರಿ ಹೊಂದುವಂತಹ ಬಾಣಸಿಗ ಸಿಗುತ್ತಿಲ್ಲ.
ಆದರೆ ಎಷ್ಟೇ ಪ್ರಯತ್ನ ಮಾಡಿದರೂ ರೊನಾಲ್ಡೊಗೆ ಅವರ ಅವಶ್ಯಕತೆಗೆ ತಕ್ಕಂತಹ ಬಾಣಸಿಗರು ಸಿಗುತ್ತಿಲ್ಲ. ವಾಸ್ತವವಾಗಿ ರೊನಾಲ್ಡೊ ತಮ್ಮ ಮನೆಗೆ ಬಾಣಸಿಗರಾಗಬೇಕೆನ್ನುವವರಿಗೆ ಕೆಲವೊಂದು ಷರತ್ತುಗಳನ್ನು ವಿಧಿಸಿದ್ದಾರೆ.
ಅದರಲ್ಲಿ ಮುಖ್ಯವಾದುದ್ದೆಂದರೆ, ರೊನಾಲ್ಡೊ ಮನೆಯ ಬಾಣಸಿಗರಾಗಲು ಇಚ್ಚಿಸುವವರು ಪೋರ್ಚುಗೀಸ್ ಆಹಾರವನ್ನು ತಯಾರಿಸುವುದರ ಜೊತೆಗೆ ರುಚಿಕರವಾದ ಅಂತರರಾಷ್ಟ್ರೀಯ ಭಕ್ಷ್ಯಗಳನ್ನು ತಯಾರಿಸುವಲ್ಲಿ ಪರಿಣತಿಯನ್ನು ಹೊಂದಿರಬೇಕು.
ರೊನಾಲ್ಡೊ ಹಾಕಿರುವ ಷರತ್ತುಗಳಿಗೆಲ್ಲ ಒಕೆ ಎನ್ನುವ ಬಾಣಸಿಗ ಸಿಕ್ಕರೆ ಆತನಿಗೆ ತಿಂಗಳಿಗೆ 4500 ಪೌಂಡ್ (ಸುಮಾರು 4.5 ಲಕ್ಷ ರೂ.) ಸಂಬಳ ನೀಡಲಾಗುತ್ತದೆ ಎಂದು ವರದಿಯೊಂದು ಹೇಳಿದೆ.
ಪ್ರಸ್ತುತ, ರೊನಾಲ್ಡೊ ತನ್ನ ಕುಟುಂಬಕ್ಕಾಗಿ ಪೋರ್ಚುಗಲ್‌ನ ಕ್ವಿಂಟಾ ಡ ಮರಿನ್ಹಾದಲ್ಲಿ ಐಷಾರಾಮಿ ಮನೆಯನ್ನು ನಿರ್ಮಿಸುತ್ತಿದ್ದು, 2021 ರಲ್ಲಿಯೇ ಮನೆ ನಿರ್ಮಾಣಕ್ಕಾಗಿ ರೊನಾಲ್ಡೊ ಭೂಮಿಯನ್ನು ಖರೀದಿಸಿದರು. ಜೂನ್ 2023 ರ ವೇಳೆಗೆ ಅವರ ಮನೆ ಪೂರ್ಣಗೊಳ್ಳಲಿದೆ ಎಂದು ಊಹಿಸಲಾಗಿದೆ.
Published On - 6:31 pm, Fri, 20 January 23