Diwali Festival: ಪರಿಸರದ ಮೇಲೆ ಪಟಾಕಿಗಳ ಪ್ರಭಾವ ಕೆಟ್ಟದಾಗಿರುತ್ತದೆ ಎಂದು ಗೊತ್ತಾದ ಮೇಲೆ ಪಟಾಕಿ ಸಿಡಿಸಿ ವಾಯುಮಾಲಿನ್ಯವನ್ನು ಇನ್ನಷ್ಟು ಹೆಚ್ಚಿಸುವುದು ಸರಿಯಲ್ಲ. ಪರಿಸರಸ್ನೇಹಿಯಾಗಿ ದೀಪಾವಳಿಯನ್ನು ಆಚರಿಸಲು ನೀವು ಯೋಚಿಸುತ್ತಿದ್ದರೆ ಅದಕ್ಕೆ ಕೆಲವು ಸಲಹೆಗಳು ಇಲ್ಲಿವೆ.
ದೀಪಗಳ ಹಬ್ಬವಾದ ದೀಪಾವಳಿಯು ಎಲ್ಲರೂ ಇಷ್ಟಪಡುವ ಹಬ್ಬ. ದೀಪಾವಳಿಯಲ್ಲಿ ನಾವು ಹಣತೆಗಳನ್ನು ಹಚ್ಚಿ, ಪಟಾಕಿ ಸಿಡಿಸಿ, ಗೋಪೂಜೆ ಮಾಡಿ ಹಬ್ಬವನ್ನು ಆಚರಿಸುತ್ತೇವೆ.
1 / 8
ದೀಪಾವಳಿಯಲ್ಲಿ ದೀಪಗಳು ಮತ್ತು ಪಟಾಕಿಗಳನ್ನು ಹಚ್ಚಲಾಗುತ್ತದೆ. ಇದು ಬಹಳಷ್ಟು ವಾಯು ಮತ್ತು ಶಬ್ದ ಮಾಲಿನ್ಯವನ್ನು ಉಂಟುಮಾಡುತ್ತದೆ. ಇದು ಆಸ್ತಮಾ, ದೀರ್ಘಕಾಲದ ಪ್ರತಿರೋಧಕ ಶ್ವಾಸಕೋಶದ (COPD) ಮತ್ತು ಇತರ ಉಸಿರಾಟದ ತೊಂದರೆ ಇರುವ ಜನರ ಮೇಲೆ ಭೀಕರ ಪರಿಣಾಮಗಳನ್ನು ಉಂಟುಮಾಡಬಹುದು.
2 / 8
ಪರಿಸರದ ಮೇಲೆ ಪಟಾಕಿಗಳ ಪ್ರಭಾವ ಕೆಟ್ಟದಾಗಿರುತ್ತದೆ ಎಂದು ಗೊತ್ತಾದ ಮೇಲೆ ಪಟಾಕಿ ಸಿಡಿಸಿ ವಾಯುಮಾಲಿನ್ಯವನ್ನು ಇನ್ನಷ್ಟು ಹೆಚ್ಚಿಸುವುದು ಸರಿಯಲ್ಲ. ಪರಿಸರಸ್ನೇಹಿಯಾಗಿ ದೀಪಾವಳಿಯನ್ನು ಆಚರಿಸಲು ನೀವು ಯೋಚಿಸುತ್ತಿದ್ದರೆ ಅದಕ್ಕೆ ಕೆಲವು ಸಲಹೆಗಳು ಇಲ್ಲಿವೆ.
3 / 8
ಹಣತೆಗಳೊಂದಿಗೆ ಸಾಂಪ್ರದಾಯಿಕವಾಗಿ ಹಬ್ಬ ಆಚರಿಸಿ. ಮಾರುಕಟ್ಟೆಯಲ್ಲಿ ಹಲವಾರು ಸುಂದರವಾದ ಪರಿಸರ ಸ್ನೇಹಿ ಆಯ್ಕೆಗಳು ಲಭ್ಯವಿರುವಾಗ ಪರಿಸರಕ್ಕೆ ಒಳ್ಳೆಯದಲ್ಲದ ಪ್ಲಾಸ್ಟಿಕ್ ಹಣತೆಗಳನ್ನು ಖರೀದಿಸುವುದನ್ನು ನಿಲ್ಲಿಸಿ. ಪ್ಲಾಸ್ಟಿಕ್ ಬದಲು ಸಾಂಪ್ರದಾಯಿಕ ಮಣ್ಣಿನ ಹಣತೆಗಳನ್ನು ಆರಿಸಿಕೊಳ್ಳಿ. ಇದರಿಂದ ನೀವು ಸ್ಥಳೀಯ ಕುಶಲಕರ್ಮಿಗಳನ್ನು ಸಹ ಪ್ರೋತ್ಸಾಹಿಸಬಹುದು.
4 / 8
ನಿಮ್ಮ ರಂಗೋಲಿಗೆ ನೈಸರ್ಗಿಕ ಬಣ್ಣಗಳನ್ನು ತುಂಬಿ. ದೀಪಾವಳಿಯಂದು ರಂಗೋಲಿಗಳನ್ನು ಹಾಕುವುದೆಂದರೆ ಎಲ್ಲರಿಗೂ ಇಷ್ಟವಾಗುವ ವಿಷಯ. ಇದು ಅನಾದಿ ಕಾಲದಿಂದ ಅನುಸರಿಸುತ್ತಿರುವ ಸಂಪ್ರದಾಯವಾಗಿದೆ. ಈ ವರ್ಷ, ರಂಗೋಲಿಗೆ ರಾಸಾಯನಿಕಯುಕ್ತ ಬಣ್ಣಗಳ ಬದಲು ನೈಸರ್ಗಿಕ ಬಣ್ಣಗಳನ್ನು ಹಾಕಿ. ನಿಮ್ಮ ರಂಗೋಲಿಯನ್ನು ಹೆಚ್ಚು ಪರಿಸರ ಸ್ನೇಹಿಯನ್ನಾಗಿ ಮಾಡಲು ನೀವು ಅಕ್ಕಿ ಹಿಟ್ಟು, ಅರಿಶಿನ, ಮಾರಿಗೋಲ್ಡ್ಸ್, ಗುಲಾಬಿ ಎಸಳು, ಸೇವಂತಿಗೆ ಎಸಳುಗಳನ್ನು ಬಳಸಬಹುದು.
5 / 8
ಪರಿಸರ ಸ್ನೇಹಿ ಉಡುಗೊರೆಗಳನ್ನು ನೀಡಿ. ದೀಪಾವಳಿಯಂದು ನಿಮ್ಮ ಸ್ನೇಹಿತರು ಮತ್ತು ಕುಟುಂಬಕ್ಕೆ ಅಲಂಕಾರಿಕ ವಸ್ತುಗಳನ್ನು ಉಡುಗೊರೆಯಾಗಿ ನೀಡಲು ನೀವು ಇಷ್ಟಪಡುತ್ತೀರಾ? ಈ ವರ್ಷ ನಿಮ್ಮ ಸ್ನೇಹಿತರಿಗೆ ಸ್ವಲ್ಪ ಹೆಚ್ಚು ಪರಿಸರ ಸ್ನೇಹಿ ಉಡುಗೊರೆಯಾಗಿ ನೀಡಲು ನೀವು ಏಕೆ ಪ್ರಯತ್ನಿಸಬಾರದು? ಅವರಿಗೆ ಪಾಟ್ನಲ್ಲಿರುವ ಗಿಡ, ಸಾವಯವ ಉತ್ಪನ್ನಗಳು, ಕೈಯಿಂದ ಮಾಡಿದ ಅಥವಾ ಮರುಬಳಕೆ ಮಾಡಬಹುದಾದ ವಸ್ತುಗಳನ್ನು ಉಡುಗೊರೆಯಾಗಿ ನೀಡಿ.
6 / 8
ಪರಿಸರ ಸ್ನೇಹಿ ಪಟಾಕಿ ಅಥವಾ ಹಸಿರು ಪಟಾಕಿ ಸಿಡಿಸಿ. ನಿಮ್ಮ ದೀಪಾವಳಿಯನ್ನು ಪರಿಸರ ಸ್ನೇಹಿಯನ್ನಾಗಿ ಮಾಡಲು ಉತ್ತಮ ಮಾರ್ಗವೆಂದರೆ ಪಟಾಕಿಗಳನ್ನು ಸಿಡಿಸದಿರುವುದು. ಆದರೂ ನಿಮಗೆ ಪಟಾಕಿ ಹೊಡೆಯಲು ಇಷ್ಟವಿದ್ದರೆ ಕಡಿಮೆ ಶಬ್ದ ಮತ್ತು ಹೊಗೆಯನ್ನು ಉತ್ಪಾದಿಸುವ ಪಟಾಕಿಗಳನ್ನು ಮಾತ್ರ ಸಿಡಿಸಿ.
7 / 8
ಎಲ್ಇಡಿ ದೀಪಗಳನ್ನು ಬಳಸಿ. ದೀಪಾವಳಿಯು ಬೆಳಕಿನ ಹಬ್ಬವಾಗಿದೆ. ಈ ಹಬ್ಬದಂದು ನಿಮ್ಮ ಮನೆಯು ಪ್ರಕಾಶಮಾನವಾಗಿ ಬೆಳಗಬೇಕೆಂದು ನೀವು ಬಯಸಿದರೆ ನಿಮ್ಮ ಮನೆಗಳನ್ನು ಅಲಂಕರಿಸಲು ನೀವು ಪರಿಸರ ಸ್ನೇಹಿ ಎಲ್ಇಡಿ ದೀಪಗಳನ್ನು ಆಯ್ಕೆ ಮಾಡಬಹುದು.
