ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ ಬ್ಯಾನ್: ತೂಗುಯ್ಯಾಲೆಯಲ್ಲಿ ಮಹಿಳಾ ವಿಶ್ವಕಪ್ ಭವಿಷ್ಯ
ಫಿಫಾ ಕೌನ್ಸಿಲ್ ಬ್ಯೂರೋ, ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (AIFF) ಸಂಸ್ಥೆಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಅಮಾನತು ಮಾಡಲಾಗಿದೆ ಎಂದು ಘೋಷಿಸಿದೆ. ಬ್ಯೂರೊ ಆಫ್ ಫಿಫಾ (FIFA) ಕೌನ್ಸಿಲ್‍ನಲ್ಲಿ ಈ ಸಂಬಂಧ ಒಮ್ಮತದ ನಿರ್ಣಯ ಕೈಗೊಳ್ಳಲಾಗಿದೆ.
ಫಿಫಾ ಕೌನ್ಸಿಲ್ ಬ್ಯೂರೋ, ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ (AIFF) ಸಂಸ್ಥೆಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಅಮಾನತು ಮಾಡಲಾಗಿದೆ ಎಂದು ಘೋಷಿಸಿದೆ. ಬ್ಯೂರೊ ಆಫ್ ಫಿಫಾ (FIFA) ಕೌನ್ಸಿಲ್‍ನಲ್ಲಿ ಈ ಸಂಬಂಧ ಒಮ್ಮತದ ನಿರ್ಣಯ ಕೈಗೊಳ್ಳಲಾಗಿದೆ.
ಮೂರನೇ ವ್ಯಕ್ತಿಗಳ ಅನಗತ್ಯ ಪ್ರಭಾವವನ್ನು ಉಲ್ಲೇಖಿಸಿ ಫಿಫಾ ಫುಟ್ಬಾಲ್ ಫೆಡರೇಶನ್ ಆಫ್ ಇಂಡಿಯಾವನ್ನು ಅಮಾನತುಗೊಳಿಸಿದೆ. ಅಷ್ಟೇ ಅಲ್ಲದೆ ಅಕ್ಟೋಬರ್‌ನಲ್ಲಿ ಭಾರತದಲ್ಲಿ ನಡೆಯಲಿರುವ FIFA U-17 ಮಹಿಳಾ ವಿಶ್ವಕಪ್ 2022 ರ ಆತಿಥ್ಯವನ್ನೂ ಫಿಫಾ ಕಸಿದುಕೊಂಡಿದೆ.
2022 ರ U17 ಮಹಿಳಾ ವಿಶ್ವಕಪ್ ಭಾರತದಲ್ಲಿ ಅಕ್ಟೋಬರ್ 11-30 ರವರೆಗೆ ನಡೆಯಲು ತೀರ್ಮಾನಿಸಲಾಗಿದೆ. ಆದಾಗ್ಯೂ, ನಿಷೇಧವನ್ನು ಹಿಂತೆಗೆದುಕೊಳ್ಳದಿದ್ದರೆ, ಭಾರತದ ಆತಿಥ್ಯದಿಂದ U17 ಮಹಿಳಾ ವಿಶ್ವಕಪ್ ಬೇರೆಡೆ ಶಿಫ್ಟ್ ಆಗಲಿದೆ. ಇದರ ನಡುವೆ ಪಂದ್ಯಾವಳಿಯನ್ನು ಬದಲಾಯಿಸುವ ಬಗ್ಗೆ ಮತ್ತಷ್ಟು ಮೌಲ್ಯಮಾಪನ ಮಾಡುತ್ತಿದ್ದೇವೆ ಮತ್ತು ನಂತರದ ದಿನಾಂಕದಂದು ಈ ವಿಷಯದ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಳ್ಳುತ್ತೇವೆ ಎಂದು ಫಿಫಾ ಹೇಳಿದೆ.
ಎಲ್ಲಾದರು ನಿಷೇಧವನ್ನು ಶೀಘ್ರದಲ್ಲೇ ಹಿಂತೆಗೆದುಕೊಂಡರೆ ನಿಗದಿಯಂತೇ ಭಾರತದಲ್ಲಿ ವಿಶ್ವಕಪ್ ನಡೆಸಬಹುದು. ನಿಷೇಧವನ್ನು ಹಿಂತೆಗೆದುಕೊಳ್ಳುವವರೆಗೆ ಭಾರತದ ರಾಷ್ಟ್ರೀಯ ತಂಡಗಳು ಯಾವುದೇ FIFA ಅಥವಾ AFC- ಮಾನ್ಯತೆ ಪಡೆದ ಪಂದ್ಯಾವಳಿಗಳಲ್ಲಿ ಆಡಲು ಸಾಧ್ಯವಿಲ್ಲ. ಇದಲ್ಲದೆ, ನಿಷೇಧದ ಅವಧಿಯಲ್ಲಿ ಭಾರತೀಯ ಕ್ಲಬ್‌ ಗಳು ಕಾಂಟಿನೆಂಟಲ್ ಪಂದ್ಯಾವಳಿಗಳಲ್ಲಿ ದೇಶವನ್ನು ಪ್ರತಿನಿಧಿಸುವಂತಿಲ್ಲ.
ಈ ಹಿಂದೆ, U-17 ಮಹಿಳಾ ವಿಶ್ವಕಪ್ ಪಂದ್ಯಾವಳಿಯನ್ನು 2020 ರಲ್ಲಿ ಭಾರತದಲ್ಲಿ ನಡೆಸಲು ನಿರ್ಧರಿಸಲಾಗಿತ್ತು. ಆದರೆ, ಕೋವಿಡ್ -19 ಸಾಂಕ್ರಾಮಿಕ ರೋಗದಿಂದಾಗಿ ಅದನ್ನು ರದ್ದುಗೊಳಿಸ ಮುಂದೂಡಲಾಯಿತು. ಇದೀಗ ಪುನಃ ಇದಕ್ಕೆ ಕಂಟಕ ಬಂದಿದ್ದಿ AIFF ಅನ್ನು ಅಮಾನತುಗೊಳಿಸುವುದರೊಂದಿಗೆ, ಭಾರತದಲ್ಲಿ ಪಂದ್ಯಾವಳಿಯನ್ನು ನಡೆಸುವುದು ಇನ್ನೂ ಅನುಮಾನವಾಗಿಯೇ ಉಳಿದಿದೆ.
ಎಐಎಫ್‌ಎಫ್ ಕಾರ್ಯಕಾರಿ ಸಮಿತಿಯ ಅಧಿಕಾರವನ್ನು ವಹಿಸಿಕೊಳ್ಳಲು ನಿರ್ವಾಹಕರ ಸಮಿತಿಯನ್ನು ರಚಿಸುವ ಆದೇಶವನ್ನು ರದ್ದುಗೊಳಿಸಿದ ನಂತರ ಮತ್ತು ಎಐಎಫ್‌ಎಫ್ ಆಡಳಿತವು ಎಐಎಫ್‌ ಎಫ್ ನ ದೈನಂದಿನ ವ್ಯವಹಾರಗಳ ಸಂಪೂರ್ಣ ನಿಯಂತ್ರಣವನ್ನು ಮರಳಿ ಪಡೆದ ನಂತರ ಅಮಾನತು ತೆಗೆದುಹಾಕಲಾಗುವುದು ಎಂದು ಫಿಫಾ ಹೇಳಿಕೆಯಲ್ಲಿ ತಿಳಿಸಿದೆ.
ಈ ತಿಂಗಳ ಆರಂಭದಲ್ಲಿ, ಮೂರನೇ ವ್ಯಕ್ತಿಯ ಹಸ್ತಕ್ಷೇಪಕ್ಕಾಗಿ AIFF ಅನ್ನು ಅಮಾನತುಗೊಳಿಸುವುದಾಗಿ FIFA ಬೆದರಿಕೆ ಹಾಕಿತು. ಇದೀಗ ಎಐಎಫ್‌ ಎಫ್ ಚುನಾವಣೆ ಆಗಸ್ಟ್ 28 ರಂದು ನಡೆಯಲಿದೆ. ಆಗಸ್ಟ್ 17 ರಂದು ಸುಪ್ರೀಂ ಕೋರ್ಟ್‌ ನಲ್ಲಿ ಪ್ರಕರಣದ ವಿಚಾರಣೆ ನಡೆಯಲಿದೆ.
Published On - 11:11 am, Tue, 16 August 22