ಮಾವಿನ ಕಾಯಿ ಸಿಹಿ , ಹುಳಿ ಚಟ್ನಿ ಮಾಡುವ ವಿಧಾನ ಇಲ್ಲಿದೆ
ಈ ಬೇಸಿಗೆಯಲ್ಲಿ ನೀವು ಖಂಡಿತ ಮಾವಿನಕಾಯಿ ಚಟ್ನಿ ತಿನ್ನಲೇಬೇಕು. ಇದು ಆರೋಗ್ಯಕ್ಕೂ ಒಳ್ಳೆಯದು ಹಾಗೂ ಬಾಯಿಗೂ ರುಚಿಯಾಗಿರುತ್ತದೆ. ಮಾವಿನಕಾಯಿ ಸಿಹಿ-ಹುಳಿ ಚಟ್ನಿಯನ್ನು ಮಾಡುವ ವಿಧಾನ ಹೇಗೆ? ಇದನ್ನು ಮನೆಯಲ್ಲಿ ಮಾಡಲು ಯಾವ ಕ್ರಮವನ್ನು ಅನುಸರಿಬೇಕು? ಈ ವಿಧಾನದಲ್ಲಿ ಮಾಡಿದ್ರೆ ಹೇಗಿರುತ್ತದೆ ಎಂಬುದನ್ನು ಇಲ್ಲಿ ಹೇಳಲಾಗಿದೆ.
ಮಾವಿನ ಕಾಯಿ ಚಟ್ನಿ ಮಾಡುವುದು ತುಂಬಾ ಸುಲಭ, ಅದಕ್ಕೆ ಬೇಕಾದ ವಸ್ತುಗಳೇನು? ಇಲ್ಲಿದೆ ನೋಡಿ. ಒಂದು ಮಾವಿನಕಾಯಿ, ಉಪ್ಪು, ಕೆಂಪು ಮೆಣಸಿನ ಪುಡಿ, ಸಕ್ಕರೆ ಅಥವಾ ಬೆಲ್ಲ ಪದಾರ್ಥಗಳು ಬೇಕಾಗುತ್ತವೆ.
ಮಾವಿನ ಕಾಯಿಯನ್ನು ಚೆನ್ನಾಗಿ ಸ್ವಚ್ಛಗೊಳಿಸಿ, ಶುದ್ಧ ನೀರಿನಿಂದ ತೊಳೆಯಿರಿ. ನಂತರ ಅದನ್ನು ಸಿಪ್ಪೆ ಸುಲಿದು ಸಣ್ಣ ತುಂಡುಗಳಾಗಿ ಕತ್ತರಿಸಿ.
ಮಿಕ್ಸರ್ ಜಾರ್ಗೆ ಮಾವಿನ ಕಾಯಿ ತುಂಡುಗಳು, ರುಚಿಗೆ ತಕ್ಕಷ್ಟು ಉಪ್ಪು, ಸಕ್ಕರೆ ಮತ್ತು ಕೆಂಪು ಮೆಣಸಿನ ಪುಡಿಯನ್ನು ಸೇರಿಸಿ. ನಿಮಗೆ ರುಚಿ ಇಷ್ಟವಾದರೆ, ಕೆಂಪು ಮೆಣಸಿನ ಪುಡಿಯ ಬದಲಿಗೆ ಹಸಿರು ಮೆಣಸಿನಕಾಯಿಗಳನ್ನು ಸಹ ಬಳಸಬಹುದು.
ಸುವಾಸನೆಗಾಗಿ ಸ್ವಲ್ಪ ಶುಂಠಿ, ಪುದೀನ ಎಲೆಗಳು ಅಥವಾ ಕೊತ್ತಂಬರಿ ಸೊಪ್ಪನ್ನು ಕೂಡ ಸೇರಿಸಬಹುದು. ಎಲ್ಲವೂ ಸರಿಯಾಗಿ ಪುಡಿಮಾಡಿದ ನಂತರ, ಅದನ್ನು ಒಂದು ತಟ್ಟೆಗೆ ಹಾಕಿ.
ಈ ಮಾವಿನ ಕಾಯಿ ಚಟ್ನಿಯನ್ನು ನೀವು ಸಂಗ್ರಹಿಸಿಕೊಂಡು ಇಡಬಹುದು. ಇದನ್ನು ಪರಾಠ, ರೊಟ್ಟಿ, ಚಪಾತಿ, ಗಂಜಿ ಅನ್ನದಲ್ಲಿ ಸೇವಿಸಬಹುದು.
Published On - 2:33 pm, Tue, 1 April 25