Holi 2023: ಹೋಳಿ ಹಬ್ಬದ ಸಮಯದಲ್ಲಿ ಭಾರತದ ಈ ಸ್ಥಳಗಳಿಗೆ ಒಮ್ಮೆಯಾದರೂ ಭೇಟಿ ನೀಡಲೇಬೇಕು
ಭಾರತದಲ್ಲಿ ಹೋಳಿ ಹಬ್ಬವನ್ನು ಒಂದೊಂದು ಪ್ರದೇಶಗಳಲ್ಲಿ ವಿಭಿನ್ನವಾಗಿ ಆಚರಿಸಲಾಗುತ್ತದೆ. ಹೋಳಿಯ ಸಮಯದಲ್ಲಿ ನೀವು ಎಲ್ಲಾದರೂ ಹೋಗಲು ನಿರ್ಧಸಿದ್ದರೆ ಈ ಸ್ಥಳಗಳು ಉತ್ತಮ.
ಸದ್ಯ ಹೋಳಿ ಹಬ್ಬದ ಸಮಯ. ಭಾರತದಲ್ಲಿ ಹೋಳಿ ಹಬ್ಬವನ್ನು ಒಂದೊಂದು ಪ್ರದೇಶಗಳಲ್ಲಿ ವಿಭಿನ್ನವಾಗಿ ಆಚರಿಸಲಾಗುತ್ತದೆ. ಹೋಳಿಯ ಸಮಯದಲ್ಲಿ ನೀವು ಎಲ್ಲಾದರೂ ಹೋಗಲು ನಿರ್ಧಸಿದ್ದರೆ ಈ ಸ್ಥಳಗಳು ಉತ್ತಮ.
ಶಾಂತಿನಿಕೇತನ: ಪಶ್ಚಿಮ ಬಂಗಾಳದ ಶಾಂತಿನಿಕೇತನದಲ್ಲಿ ಹೋಳಿಯನ್ನು ಬಸಂತ ಉತ್ಸವ ಅಥವಾ ವಸಂತ ಹಬ್ಬ ಎಂದು ಆಚರಿಸಲಾಗುತ್ತದೆ. ಇದು ಬಹಳ ವಿಶಿಷ್ಟಯಿಂದ ಕೂಡಿದ್ದು, ವಿದ್ಯಾರ್ಥಿಗಳು ಹಳದಿ ಬಣ್ಣದಿಂದ ಅಲಂಕರಿಸಿಕೊಂಡು ಜಾನಪದ ನೃತ್ಯ ಪ್ರದರ್ಶಿಸುತ್ತಾರೆ.
ಹಂಪಿ: ವಿಜಯನಗರ ಸಾಮ್ರಾಜ್ಯದ ಹಂಪಿಯಲ್ಲಿ ಕೂಡ ಹೋಳಿ ಹಬ್ಬವನ್ನು ವಿಭೃಂಭಣೆಯಿಂದ ಆಚರಿಸಲಾಗುತ್ತದೆ. ಡೊಳ್ಳು ಕುಣಿತ, ಅದ್ಧೂರಿ ವಿಜಯನಗರ ಸಾಮ್ರಾಜ್ಯದ ಅಬ್ಬರದ ಅವಶೇಷಗಳ ಮಧ್ಯೆ ಮುಂಜಾನೆಯಿಂದಲೇ ಸಮಸ್ತ ಸಮುದಾಯದವರು ಹೋಳಿ ಆಡಲು ಜಮಾಯಿಸುತ್ತಾರೆ.
ಮಥುರಾ: ಮಥುರಾ ಮತ್ತು ವೃಂದಾವನದ ಹೋಳಿಯು ರಾಷ್ಟ್ರದಾದ್ಯಂತ ಪ್ರಸಿದ್ಧವಾಗಿದೆ. ಪ್ರಪಂಚದಾದ್ಯಂತದ ಪ್ರಯಾಣಿಕರು ಮತ್ತು ಯಾತ್ರಿಕರು ಈ ಸಮಯದಲ್ಲಿ ಇಲ್ಲಿಗೆ ಭೇಟಿ ನೀಡುತ್ತಾರೆ.
ಜೈಪುರ: ಭಾರತದ ಪಿಂಕ್ ಸಿಟಿ ಆಗಿರುವ ಜೈಪುರದಲ್ಲಿ ಕೂಡ ಹೋಳಿ ಹಬ್ಬ ಅದ್ದೂರಿಯಿಂದು ಕೂಡಿರುತ್ತದೆ. ಹವಾ ಮಹಲ್ ಈ ಸಂದರ್ಭದಲ್ಲಿ ರಂಗುರಂಗಿನ ಬಣ್ಣದ ಲೈಟ್ಗಳಿಂದ ಕಂಗೊಳಿಸುತ್ತಿರುತ್ತದೆ.
ಉದಯಪುರ: ಉದಯಪುರದಲ್ಲಿ ಹೋಳಿ ಹಬ್ಬವನ್ನು ತುಂಬಾ ಸಡಗರದಿಂದ ಆಚರಿಸುತ್ತಾರೆ. ಮೇವಾರದ ಮಹಾರಾಜರು ಹೋಳಿ ದಿನದಂದು ರಾಯಲ್ ಸಿಟಿ ಪ್ಯಾಲೇಸ್‌ಗೆ ವಿಶೇಷ ಸಂದರ್ಶಕರು, ವಿದೇಶಿ ಪ್ರವಾಸಿಗರು ಮತ್ತು ಹಲವಾರು ಗಣ್ಯರನ್ನು ಸ್ವಾಗತಿಸುತ್ತಾರೆ.
Published On - 8:38 pm, Fri, 24 February 23