Women’s Day: ಮಹಿಳಾ ಪ್ರಧಾನ ಸಿನಿಮಾಗಳಿಗೆ ವಿಶೇಷ ಮನ್ನಣೆ ನೀಡಿರುವ ಕನ್ನಡ ಪ್ರೇಕ್ಷಕ; ಇಲ್ಲಿವೆ ಜನಮನ ಗೆದ್ದ ಚಿತ್ರಗಳು
International Women's Day | Sandalwood: ಇಂದು ವಿಶ್ವ ಮಹಿಳಾ ದಿನ. ಕನ್ನಡ ಚಿತ್ರರಂಗದಲ್ಲಿ ಮೊದಲಿನಿಂದಲೂ ಮಹಿಳಾ ಪ್ರಧಾನ ಚಿತ್ರಗಳ ಪ್ರಯೋಗಗಳು ನಡೆದಿವೆ. ಅದನ್ನು ಜನರು ಮುಕ್ತ ಮನಸ್ಸಿನಿಂದ ಸ್ವಾಗತಿಸಿದ್ದಾರೆ. ಈ ಸಾಲಿಗೆ ತೀರಾ ಇತ್ತೀಚಿನ ಹಲವು ಪ್ರಯತ್ನಗಳನ್ನೂ ಉದಾಹರಿಸಬಹುದು. ಎಲ್ಲಾ ಚಿತ್ರಗಳಿಗೆ ಕನ್ನಡ ಪ್ರೇಕ್ಷಕರು ಜೈ ಎಂದಿರುವುದಲ್ಲದೇ, ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅವುಗಳು ಚರ್ಚೆಗೆ ಒಳಗಾಗಿವೆ. ಅಂತಹ ಕೆಲವು ಚಿತ್ರಗಳ ಪಟ್ಟಿ ಇಲ್ಲಿದೆ.
ಇಂದು ವಿಶ್ವ ಮಹಿಳಾ ದಿನ. ಕನ್ನಡ ಚಿತ್ರರಂಗದಲ್ಲಿ ಮೊದಲಿನಿಂದಲೂ ಮಹಿಳಾ ಪ್ರಧಾನ ಚಿತ್ರಗಳ ಪ್ರಯೋಗಗಳು ನಡೆದಿವೆ. ಅದನ್ನು ಜನರು ಮುಕ್ತ ಮನಸ್ಸಿನಿಂದ ಸ್ವಾಗತಿಸಿದ್ದಾರೆ. ಈ ಸಾಲಿಗೆ ತೀರಾ ಇತ್ತೀಚಿನ ಹಲವು ಪ್ರಯತ್ನಗಳನ್ನೂ ಉದಾಹರಿಸಬಹುದು. ಎಲ್ಲಾ ಚಿತ್ರಗಳಿಗೆ ಕನ್ನಡ ಪ್ರೇಕ್ಷಕರು ಜೈ ಎಂದಿರುವುದಲ್ಲದೇ, ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅವುಗಳು ಚರ್ಚೆಗೆ ಒಳಗಾಗಿವೆ. ಅಂತಹ ಕೆಲವು ಚಿತ್ರಗಳ ಪಟ್ಟಿ ಇಲ್ಲಿದೆ.
ಫಣಿಯಮ್ಮ: ಎಂಕೆ ಇಂದಿರಾ ಅವರ ಇದೇ ಹೆಸರಿನ ಕಾದಂಬರಿಯನ್ನಾಧರಿಸಿದ ಈ ಚಿತ್ರವನ್ನು ಪ್ರೇಮಾ ಕಾರಂತ್ ನಿರ್ದೇಶಿಸಿದ್ದಾರೆ.
ರಂಗನಾಯಕಿ: ಪುಟ್ಟಣ್ಣ ಕಣಗಾಲ್ ನಿರ್ದೇಶನದ ‘ರಂಗನಾಯಕಿ’ ಅಶ್ವತ್ಥ ಅವರ ಇದೇ ಹೆಸರಿನ ಕತೆಯನ್ನು ಆಧರಿಸಿ ತಯಾರಾದ ಸಿನಿಮಾ. ಆರತಿ, ಅಂಬರೀಷ್ ಮೊದಲಾದ ತಾರೆಯರು ನಟಿಸಿದ್ದ ಈ ಚಿತ್ರ ಅಪಾರ ಮೆಚ್ಚುಗೆ ಗಳಿಸಿತ್ತು.
ಶರಪಂಜರ: ತ್ರಿವೇಣಿಯವರ ‘ಶರಪಂಜರ’ದಿಂದ ಆಯ್ದ ಅದೇ ಹೆಸರಿನ ಸಿನಿಮಾ ಇದು. ಚಿತ್ರವನ್ನು ನಿರ್ದೇಶಿಸಿದವರು ಪುಟ್ಟಣ್ಣ ಕಣಗಾಲ್.
ಗೆಜ್ಜೆಪೂಜೆ: ಕಲ್ಪನಾ, ಗಂಗಾಧರ್, ಲೀಲಾವತಿ ಮೊದಲಾದ ತಾರೆಯರು ಬಣ್ಣಹಚ್ಚಿದ್ದ ಈ ಚಿತ್ರವನ್ನು ನಿರ್ದೇಶಿಸಿದವರು ಪುಟ್ಟಣ್ಣ ಕಣಗಾಲ್.
ಬೆಂಕಿಯಲ್ಲಿ ಅರಳಿದ ಹೂವು: 1983ರಲ್ಲಿ ತೆರೆಕಂಡ ಈ ಚಿತ್ರವನ್ನು ಕೆ.ಬಾಲಚಂದರ್ ನಿರ್ದೇಶಿಸಿದ್ದಾರೆ. ಕಮಲ್ ಹಾಸನ್, ಸುಹಾಸಿನಿ ತಾರಾಗಣದಲ್ಲಿ ಕಾಣಿಸಿಕೊಂಡಿದ್ದಾರೆ.
ಗಂಟುಮೂಟೆ: ರೂಪಾ ರಾವ್ ನಿರ್ದೇಶನದ ‘ಗಂಟುಮೂಟೆ’ 2019ರಲ್ಲಿ ತೆರೆಗೆ ಬಂದಿತ್ತು. ಚಿತ್ರದ ಕತಾವಸ್ತು ಗಮನ ಸೆಳೆದಿದ್ದಲ್ಲದೇ ನಟರ ಪಾತ್ರ ಪೋಷಣೆಗಳು ಎಲ್ಲರಿಂದ ಮೆಚ್ಚುಗೆಗೆ ಒಳಗಾಗಿತ್ತು.
ನಾತಿಚರಾಮಿ: ಮಂಸೋರೆ ನಿರ್ದೇಶನದ, ಶೃತಿ ಹರಿಹರನ್ ನಟನೆಯ ‘ನಾತಿಚರಾಮಿ’ ಸಂದ್ಯಾ ರಾಣಿ ಅವರ ಕತೆಯನ್ನಾಧರಿಸಿದ ಚಿತ್ರ. ಇದಕ್ಕೆ ರಾಷ್ಟ್ರ ಪ್ರಶಸ್ತಿ ಲಭಿಸಿತ್ತು.