JIO Plan: ದಿನಕ್ಕೆ 2GB ಡೇಟಾ, ಅನಿಯಮಿತ ಕರೆಗಳು: ಇದು ಜಿಯೋದ ಮತ್ತೊಂದು ಅಗ್ಗದ ಯೋಜನೆ
Reliance Jio Prepaid Plan: ಟೆಲಿಕಾಂ ಕ್ಷೇತ್ರದಲ್ಲಿ ರಿಲಯನ್ಸ್ ಜಿಯೋ, ಏರ್ಟೆಲ್ ಹಾಗೂ ವೊಡಾಫೋನ್ ಐಡಿಯಾ ನಡುವೆ ಯಾವಾಗಲು ಪೈಪೋಟಿ ಏರ್ಪಡುತ್ತಲೇ ಇರುತ್ತದೆ. ಹೆಚ್ಚಾಗಿ ಕಂಪನಿಯು ಗ್ರಾಹಕರಿಗೆ ಕೈಗೆಟುಕುವ ಯೋಜನೆಗಳನ್ನು ತರಲು ಪ್ರಯತ್ನಿಸುತ್ತದೆ. ನೀವು ರಿಲಯನ್ಸ್ ಜಿಯೋ ಗ್ರಾಹಕರಾಗಿದ್ದರೆ, ಜಿಯೋ ನಿಮಗಾಗಿ ಉತ್ತಮ ಯೋಜನೆಯನ್ನು ತಂದಿದೆ.
Reliance JIO
ಈ ಜಿಯೋ ಯೋಜನೆಯ ಬೆಲೆ ರೂ. 249 ಆಗಿದೆ. ಈ ರೀಚಾರ್ಜ್‌ನಲ್ಲಿ ಅನೇಕ ಇತರ ಪ್ರಯೋಜನಗಳು ಸಹ ಲಭ್ಯವಿದೆ. ರೂ. 249 ಯೋಜನೆಯನ್ನು ಜಿಯೋದ ಅಗ್ಗದ ಯೋಜನೆಯೆಂದು ಪರಿಗಣಿಸಲಾಗಿದ್ದು, ಅನೇಕರ ಜನರ ಮೆಚ್ಚಿನ ಆಯ್ಕೆ ಕೂಡ ಆಗಿದೆ.
ಜಿಯೋದ ಈ ಯೋಜನೆಯಲ್ಲಿ ಗ್ರಾಹಕರು ಹೆಚ್ಚಿನ ಡೇಟಾ, ಉಚಿತ ಧ್ವನಿ ಕರೆಗಳು ಮತ್ತು SMS ನ ಪ್ರಯೋಜನವನ್ನು ಪಡೆಯುತ್ತಾರೆ. 5G ಫೋನ್ ಹೊಂದಿರುವ ಗ್ರಾಹಕರು ರೂ. 249 ಯೋಜನೆಯಲ್ಲಿ ಉಚಿತ ಡೇಟಾವನ್ನು ಸಹ ಪಡೆಯುತ್ತಿದ್ದಾರೆ.
ರಿಲಯನ್ಸ್ ಜಿಯೋದ ರೂ. 249 ಪ್ಲಾನ್ 23 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ಪ್ಲಾನ್ನಲ್ಲಿ ಗ್ರಾಹಕರಿಗೆ ದಿನಕ್ಕೆ 2 GB ಡೇಟಾವನ್ನು ನೀಡಲಾಗುತ್ತದೆ. ಅಂದರೆ ಗ್ರಾಹಕರು 23 ದಿನಗಳಲ್ಲಿ ಒಟ್ಟು 46 GB ಡೇಟಾವನ್ನು ಪಡೆಯುತ್ತಾರೆ.
ಈ ಪ್ರಿಪೇಯ್ಡ್ ಯೋಜನೆಯಲ್ಲಿ ಅನಿಯಮಿತ ಧ್ವನಿ ಕರೆಗಳು ಸಹ ಲಭ್ಯವಿದೆ. ಜಿಯೋದ ಈ ಯೋಜನೆಯಲ್ಲಿ ಸ್ಥಳೀಯ, STD ಮತ್ತು ರೋಮಿಂಗ್ ಕರೆಗಳು ಸಹ ಉಚಿತವಾಗಿ ಲಭ್ಯವಿವೆ. ಜೊತೆಗೆ ದಿನಕ್ಕೆ ಉಚಿತ 100 SMS ಗಳ ಪ್ರಯೋಜನ ಪಡೆಯಬಹುದು. ಆದರೆ, ಯಾವುದೇ ಓಟಿಟಿ ಚಂದಾದಾರಿಕೆ ಉಚಿತವಾಗಿ ನೀಡಿಲ್ಲ.