KTM E-Duke: ಶೀಘ್ರದಲ್ಲೇ ರಸ್ತೆಗಿಳಿಯಲಿದೆ ಎಲೆಕ್ಟ್ರಿಕ್ ಡ್ಯೂಕ್
KTM Duke electric: ಭಾರತದಲ್ಲಿ ಕೆಟಿಎಂ-ಬಜಾಜ್ನೊಂದಿಗೆ ಸಹಭಾಗಿತ್ವ ಹೊಂದಿದ್ದು, ಹೀಗಾಗಿ ಕೆಟಿಎಂ ಇ ಡ್ಯೂಕ್ ಉತ್ಪಾದನೆ ಭಾರತದಲ್ಲೇ ನಡೆಯುವ ಸಾಧ್ಯತೆಯಿದೆ.
ಭಾರತೀಯ ದ್ವಿಚಕ್ರ ವಾಹನ ಮಾರುಕಟ್ಟೆಗೆ ಇತ್ತೀಚೆಗೆ ಹಲವು ಎಲೆಕ್ಟ್ರಿಕ್ ಬೈಕ್‌ಗಳು ಮತ್ತು ಸ್ಕೂಟರ್ಗಳು ಎಂಟ್ರಿ ಕೊಟ್ಟಿವೆ. ಹೀಗಾಗಿ ಬಿಡುಗಡೆಯಾದ ಬಹುತೇಕ ಸ್ಕೂಟರ್ಗಳು ದ್ವಿಚಕ್ರ ವಾಹನ ಪ್ರಿಯರ ಗಮನ ಸೆಳೆದಿದೆ. ಅದರಲ್ಲೂ ದುಬಾರಿ ಪೆಟ್ರೋಲ್ ದರ ನಡುವೆ ಗ್ರಾಹಕರು ಕೂಡ ಎಲೆಕ್ಟ್ರಿಕ್ ವಾಹನಗಳ ಖರೀದಿಗೆ ಹೆಚ್ಚಿನ ಆಸಕ್ತಿವಹಿಸುತ್ತಿದ್ದಾರೆ. ಇದನ್ನು ಮನಗಂಡಿರುವ ಕೆಟಿಎಂ ಕಂಪೆನಿ ಕೂಡ ತನ್ನ ಜನಪ್ರಿಯ ಡ್ಯೂಕ್ ಬೈಕ್ ಅನ್ನು ಎಲೆಕ್ಟ್ರಿಕ್ ಮಾಡೆಲ್ನಲ್ಲಿ ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.
motorcycle.dom ವರದಿ ಪ್ರಕಾರ ಕೆಟಿಎಂ ಕಂಪೆನಿ ಎಲೆಕ್ಟ್ರಿಕ್ ಡ್ಯೂಕ್ ನಿರ್ಮಾಣಕ್ಕೆ ಮುಂದಾಗಿದೆ. ಅದಕ್ಕಾಗಿ ಈಗಾಗಲೇ ಸಿದ್ಧತೆಗಳನ್ನು ಆರಂಭಿಸಿದ್ದು, ಅದರಂತೆ ಹೊಸ ಮಾದರಿಯಲ್ಲಿ ಹೊಸ ಬೈಕ್ ಅನ್ನು ಪರಿಚಯಿಸಲು ಪ್ಲ್ಯಾನ್ ರೂಪಿಸಿದೆ.
ಇದಕ್ಕಾಗಿ ಡ್ಯೂಕ್ ಮೋಟಾರ್‌ಸೈಕಲ್‌ನಲ್ಲಿ ಇ-ಪಿಲೆನ್ ಬ್ಯಾಟರಿಯನ್ನು ಬಳಸಲಾಗುತ್ತಿದ್ದು, ಇದು 5.5kWh ಸ್ಥಿರ ಬ್ಯಾಟರಿ ಸಾಮರ್ಥ್ಯ ಹೊಂದಿರಲಿದೆ. ಈ ಬ್ಯಾಟರಿಯ ಸಹಾಯದಿಂದ ಮೋಟಾರ್‌ಸೈಕಲ್ 10kW ಶಕ್ತಿಯನ್ನು ಪಡೆಯಲಿದೆ. ಹಾಗೆಯೇ ಇದನ್ನು ಔಟ್‌ಪುಟ್ ಆಗಿ ಪರಿವರ್ತಿಸಿದರೆ 13.4bhp ಶಕ್ತಿಯನ್ನು ಉತ್ಪಾದಿಸಬಹುದು.
ಆದರೆ ಪ್ರಸ್ತುತ ಮಾರುಕಟ್ಟೆಯಲ್ಲಿರುವ KTM ಡ್ಯೂಕ್ 125 ಬೈಕ್ 14.5 Bhp ಶಕ್ತಿಯನ್ನು ಉತ್ಪಾದಿಸುತ್ತದೆ. ಹೀಗಾಗಿ ಎಲೆಕ್ಟ್ರಿಕ್ ಡ್ಯೂಕ್ ಬೈಕ್ ಎಂಟ್ರಿ ಲೆವೆಲ್ ಬೈಕ್ ಆಗಿರಲಿದೆ.
ಭಾರತದಲ್ಲಿ ಕೆಟಿಎಂ-ಬಜಾಜ್ನೊಂದಿಗೆ ಸಹಭಾಗಿತ್ವ ಹೊಂದಿದ್ದು, ಹೀಗಾಗಿ ಕೆಟಿಎಂ ಇ ಡ್ಯೂಕ್ ಉತ್ಪಾದನೆ ಭಾರತದಲ್ಲೇ ನಡೆಯುವ ಸಾಧ್ಯತೆಯಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಒಟ್ಟಿನಲ್ಲಿ ಯುವ ಬೈಕ್ ಪ್ರಿಯರ ಮನಗೆದ್ದಿರುವ ಕೆಟಿಎಂ ಡ್ಯೂಕ್ ಶೀಘ್ರದಲ್ಲೇ ಇ-ಡ್ಯೂಕ್ ಅವತಾರದಲ್ಲೂ ಕಾಣಿಸಿಕೊಳ್ಳಲಿರುವುದಂತು ಖಚಿತವಾಗಿದೆ.