Sri Ram Temples in Karnataka: ಕರ್ನಾಟಕದಲ್ಲಿರುವ ಪ್ರಸಿದ್ಧ ಶ್ರೀರಾಮ ದೇವಾಲಯಗಳ ಬಗ್ಗೆ ಇಲ್ಲಿದೆ ಮಾಹಿತಿ
ರಾಮನವಮಿ ಬಂದೇ ಬಿಟ್ಟಿದೆ, ಅಂದು ನೀವು ನೋಡಿರದ ದೂರದ ಊರಿನಲ್ಲಿರುವ ರಾಮ ದೇವಸ್ಥಾನಕ್ಕೆ ಭೇಟಿ ನೀಡಬೇಕು ಎಂಬುದು ನಿಮ್ಮ ಮನದಲ್ಲಿದ್ದರೆ ಕರ್ನಾಟಕದ ಪ್ರಸಿದ್ಧ ರಾಮ ದೇವಸ್ಥಾನಗಳ ಕುರಿತು ನಾವಿಲ್ಲಿ ಮಾಹಿತಿ ನೀಡಲಿದ್ದೇವೆ. ಪ್ರಮುಖವಾಗಿ ನಾವೆಲ್ಲರೂ ಒಂದಲ್ಲಾ ಒಂದು ಸಲ ದಕ್ಷಿಣ ಕನ್ನಡದಲ್ಲಿರುವ ಧರ್ಮಸ್ಥಳಕ್ಕೆ ಭೇಟಿ ನೀಡಿರುತ್ತೇವೆ. ಅಲ್ಲಿಂದ ಕೇವಲ 4 ಕಿಮೀ ದೂರದಲ್ಲಿರುವ ಶ್ರೀರಾಮ ಕ್ಷೇತ್ರದ ಬಗ್ಗೆ ನಮ್ಮಲ್ಲಿ ಹಲವಾರು ಜನಕ್ಕೆ ತಿಳಿದಿಲ್ಲ. ರಾಮನು ವನವಾಸ ಸಂದರ್ಭದಲ್ಲಿ ಇಲ್ಲಿ ಕೆಲ ಕಾಲ ತಂಗಿದ್ದ ಅನ್ನುತ್ತದೆ ಪುರಾಣ.
ಹಜಾರ ರಾಮ ದೇವಾಲಯ ಹಜಾರ ರಾಮ ದೇವಾಲಯವು ಹಂಪಿಯಲ್ಲಿದೆ. ವಿಜಯನಗರ ರಾಜರ ಖಾಸಗಿ ದೇವಾಲಯವಾಗಿದ್ದ ಈ ದೇವಾಲಯವು ರಾಮಾಯಣದ ಮಹಾಕಾವ್ಯದ ಕಥೆಯನ್ನು ಚಿತ್ರಿಸುವ ಸುಂದರವಾದ ಅವಶೇಷಗಳು ಮತ್ತು ಫಲಕಗಳಿಗೆ ಜನಪ್ರಿಯವಾಗಿದೆ. ಆ ಸಮಯದಲ್ಲಿ ದಾಸರ ಉತ್ಸವದ ಮೆರವಣಿಗೆಯಲ್ಲಿ ಭಾಗವಹಿಸುತ್ತಿರುವ ಕುದುರೆಗಳು, ಆನೆಗಳು, ಪರಿಚಾರಕರು, ಸೈನಿಕರು ಮತ್ತು ನೃತ್ಯ ಮಾಡುವ ಮಹಿಳೆಯರ ಮೆರವಣಿಗೆಗಳನ್ನು ಈ ಅವಶೇಷಗಳು ಚಿತ್ರಿಸುತ್ತವೆ. ಇದು ಕೇವಲ ಗರ್ಭಗುಡಿ, ಕಂಬದ ಸಭಾಂಗಣ ಮತ್ತು ಅರ್ಧ ಮಂಟಪವನ್ನು ಒಳಗೊಂಡಿತ್ತು. ಆದಾಗ್ಯೂ, ನಂತರ ಅದನ್ನು ತೆರೆದ ಮುಖಮಂಟಪ ಮತ್ತು ಸುಂದರವಾದ ಕಂಬಗಳನ್ನು ಕಾಣಬಹುದು.
ತೀರ್ಥಹಳ್ಳಿಯ ರಾಮೇಶ್ವರ ದೇವಸ್ಥಾನ ತೀರ್ಥಹಳ್ಳಿಯಲ್ಲಿ ರಾಮೇಶ್ವರ ದೇವಸ್ಥಾನವಿದ್ದು, ಪರಶುರಾಮಕುಂಡದ ಹತ್ತಿರ ನದಿಯ ಪಕ್ಕದ ಬಂಡೆಯ ಮೇಲೆ ಕಲ್ಲಿನಲ್ಲಿ ಕಟ್ಟಿದ ರಾಮಮಂಟಪ ಇದೆ. ನದಿಯ ದಡದಲ್ಲಿ ಕಲ್ಲಿನಿಂದ ಕಟ್ಟಲ್ಪಟ್ಟ ರಾಮೇಶ್ವರ ದೇವಾಲಯವಿದೆ. ಕೊಡಲಿಯನ್ನು ತೊಳೆದ ದಿನ ಮಾರ್ಗಶಿರ ಅಮಾವಾಸ್ಯೆಯಾದ ಕಾರಣ ಎಳ್ಳಮಾವಾಸ್ಯೆ ಎಂದು ಪ್ರತಿವರ್ಷ ಆಚರಿಸಲಾಗುತ್ತದೆ.
ರಾಮನಗರ ರಾಮ ದೇವರ ಬೆಟ್ಟ, ರಾಮೇಶ್ವರ ದೇವಸ್ಥಾನ ರಾಮನಗರ ಜಿಲ್ಲೆಯ ಕುಟಗಲ್ಲು ಬಳಿ ಇರುವ ಗಳಗ್ಗಲ್ಲು ಒಂದು ಸುಂದರವಾದ ಹೆಬ್ಬಂಡೆ. ಬೆಂಗಳೂರು ನಗರದಿಂದ ಸರಿಸುಮಾರು 50 ಕಿಮೀ ದೂರದಲ್ಲಿ ರಾಮನಗರ ಎ ಎಂಬ ಸಣ್ಣ ಪಟ್ಟಣವಿದೆ.ಇದು ಬೆಂಗಳೂರು-ಮೈಸೂರು ಹೆದ್ದಾರಿಯಲ್ಲಿದೆ. ಇಲ್ಲೇ ರಾಮೇಶ್ವರ ದೇವಸ್ಥಾನವಿದೆ. ರಾಮದೇವರ ಬೆಟ್ಟವು ರಾಮನಗರ ಜಿಲ್ಲೆಯ ಐತಿಹಾಸಿಕ ಕುರುಹುಗಳಲ್ಲಿ ಒಂದು. ಇದು ರಣಹದ್ದು ಸಂರಕ್ಷಣಾ ಧಾಮವಾಗಿ ಗುರುತಿಸಿಕೊಂಡಿದೆ.
ಮೌಲ್ಯವಂತ ರಘುನಾಥ ದೇವಾಲಯ ಹಂಪಿಯಲ್ಲಿ ವಿರೂಪಾಕ್ಷ ದೇವಸ್ಥಾನ, ಆದಿ ಶಂಕರ-ಸಂಬಂಧಿತ ಮಠ ಹಾಗೂ ಹಳೆಯ ನಗರಕ್ಕೆ ಸೇರಿದ ವಿವಿಧ ಸ್ಮಾರಕಗಳ ಜತೆ ಜತೆಯೇ ಮೌಲ್ಯವಂತ ರಘುನಾಥ ದೇವಾಲಯವು ಕೂಡ ಇದೆ. ಹಂಪಿಯ ಈ ದೇವಾಲಯದಲ್ಲಿ ಗರ್ಭಗುಡಿಯಲ್ಲಿ ಶ್ರೀರಾಮ ಚಂದ್ರನನ್ನು ಯೋಗಾಭಿರಾಮನಾಗಿ ಕೆತ್ತನೆ ಮಾಡಲಾಗಿದೆ. ರಾಮನು ಪಂಚವಟಿಯಿಂದ ಸೀತೆಯನ್ನು ಹುಡುಕುತ್ತಾ ಬಂದಾಗ ರಾಮ ಚಾತುರ್ಮಾಸ್ಯವನ್ನು ಹಂಪಿಯಲ್ಲೇ ಮಾಡಿದ ಎನ್ನುವ ಪ್ರತೀತಿ ಇದೆ.
ಮೈಸೂರು ಕೋದಂಡರಾಮ ದೇವಾಲಯ ಮೈಸೂರಿನಲ್ಲಿರುವ ಚುಂಚನಕಟ್ಟೆ ಎಂಬುದು ಪ್ರಸಿದ್ಧ ತೀರ್ಥಕ್ಷೇತ್ರ, ತ್ರೇತಾಯುಗದಲ್ಲಿ ನಿರ್ಮಿಸಲಾಗಿದೆ ಎನ್ನಲಾದ ಶ್ರೀ ಕೋದಂಡಸ್ವಾಮಿ ದೇವಸ್ಥಾನ ಅಲ್ಲಿದೆ. ಗ್ರಾಮದಲ್ಲಿ ತ್ರೇತಾಯುಗದ ಶ್ರೀ ಕೋದಂಡರಾಮ ದೇವಾಲಯ ಹಾಗೂ ಪವಿತ್ರ ಕಾವೇರಿ ನದಿಯ ಧನುಷ್ಕೋಟಿಯ ಜಲಪಾತವಿದೆ.
ಪಟ್ಟಾಭಿರಾಮ ದೇವಸ್ಥಾನ ಹಂಪಿ ಹಂಪಿ ನಗರದಲ್ಲಿರುವ ಪಟ್ಟಾಭಿರಾಮ ದೇವಾಲಯವು ಸುಂದರವಾದ ರಚನೆಯಾಗಿದೆ. ಇದು ಹಂಪಿಯ ಮುಖ್ಯ ಪಾರಂಪರಿಕ ತಾಣದಿಂದ 6 ಕಿ.ಮೀ ದೂರದಲ್ಲಿ ಕಮಲಾಪುರದಲ್ಲಿದೆ. ಈ ದೇವಾಲಯವು ಸಂಕೀರ್ಣವಾದ ವಾಸ್ತುಶಿಲ್ಪಕ್ಕೆ ಹೆಸರುವಾಸಿಯಾಗಿದೆ. ಇದು ಹಿಂದೂ ದೇವತೆಯಾದ ಭಗವಾನ್ ರಾಮನಿಗೆ ಸಮರ್ಪಿತವಾಗಿದೆ. ವಿಜಯನಗರ ಸಾಮ್ರಾಜ್ಯದ ಅವಧಿಯಲ್ಲಿ ಇದು ಭಕ್ತರ ಪ್ರಮುಖ ತಾಣವಾಗಿತ್ತು. ಇಂದಿಗೂ ಇದು ಜನಪ್ರಿಯ ಯಾತ್ರಾ ಕೇಂದ್ರವಾಗಿದೆ ಮತ್ತು ಶ್ರೀಮಂತ ಐತಿಹಾಸಿಕ ಯುಗದ ನೆನಪಾಗಿ ನಿಂತಿದೆ. ಪಟ್ಟಾಭಿರಾಮ ದೇವಾಲಯವು ಬೃಹತ್ ಆಯತಾಕಾರದ ಗೋಡೆಯ ಸಂಕೀರ್ಣದ ಮಧ್ಯಭಾಗದಲ್ಲಿದೆ. ಮುಖ್ಯ ದೇವಾಲಯದ ರಚನೆಯು ಅಕ್ಷೀಯ ಮಂಟಪಗಳನ್ನು ಹೊಂದಿದೆ.