ಕನ್ನಡಕ್ಕೆ ಎಂಟ್ರಿ ಕೊಡೋದಕ್ಕೂ ಮೊದಲೇ ಮದುವೆಯಾದ ನಟಿ ಮೆಹ್ರೀನ್ ಫಿರ್ಜಾದಾ
ನಟಿ ಮೆಹ್ರೀನ್ ಫಿರ್ಜಾದಾ ಟಾಲಿವುಡ್ನಲ್ಲಿ ತುಂಬಾನೇ ಫೇಮಸ್ ಆದವರು. ಅವರು ನಾನಿ ನಟಿಸಿದ ‘ಕೃಷ್ಣಗಡಿ ವೀರ ಪ್ರೇಮಗಾಥ’ ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಅದಾದ ನಂತರ, ಅವರು ಅನೇಕ ತೆಲುಗು ಚಿತ್ರಗಳಲ್ಲಿ ನಟಿಸಿ ಎಲ್ಲರನ್ನೂ ಮೆಚ್ಚಿಸಿದರು. ಅವರು ಕನ್ನಡಕ್ಕೂ ಕಾಲಿಡುವವರಿದ್ದಾರೆ. ಅವರು ಈಗ ವಿವಾಹ ಆಗುವ ಮೂಲಕ ಅಚ್ಚರಿ ಮೂಡಿಸಿದ್ದಾರೆ.
ಜನಪ್ರಿಯ ತೆಲುಗು ನಟಿ ಮೆಹ್ರೀನ್ ಫಿರ್ಜಾದಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಕೆಲವು ಸಮಯದಿಂದ ಸಿನಿಮಾಗಳಿಂದ ದೂರವಿದ್ದ ಈ ನಟಿ, ಖಾಸಗಿ ಸಮಾರಂಭದಲ್ಲಿ ವಿವಾಹವಾಗುವ ಮೂಲಕ ತನ್ನ ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದ್ದಾರೆ. ಅವರು ಈ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಮೆಹ್ರೀನ್ ವಿವಾಹವಾದ ವ್ಯಕ್ತಿಯ ಹೆಸರು ಅರ್ಶ್ ಔಲಾಖ್. ಅವರಿಗೆ ಚಿತ್ರರಂಗದೊಂದಿಗೆ ಯಾವುದೇ ಸಂಬಂಧವಿಲ್ಲ ಎಂದು ಹೇಳಲಾಗುತ್ತಿದೆ. ಅರ್ಶ್ ಓರ್ವ ಉದ್ಯಮಿ ಇರಬಹುದು ಎಂದು ಅನೇಕರು ಊಹಿಸಿದ್ದಾರೆ.
ಮೆಹ್ರೀನ್ ಅವರ ವಿವಾಹವು ಭಾನುವಾರ ಬೆಳಿಗ್ಗೆ (ಏಪ್ರಿಲ್ 26) ಹಿಮಾಚಲ ಪ್ರದೇಶದ ಸುಂದರ ರೆಸಾರ್ಟ್‌ನಲ್ಲಿ ನಡೆದಿದೆ. ಈ ಸಮಾರಂಭದಲ್ಲಿ ಕುಟುಂಬ ಸದಸ್ಯರು ಮತ್ತು ಆಪ್ತರು ಮಾತ್ರ ಭಾಗವಹಿಸಿದ್ದರು. ಮೆಹ್ರೀನ್ ವಿವಾಹದ ಫೋಟೋಗಳಿಗೆ ಶುಭಾಶಯ ಹರಿದು ಬರುತ್ತಿದೆ.
ಮೆಹ್ರೀನ್ ವಿವಾಹವಾದ ವ್ಯಕ್ತಿಯ ಹೆಸರು ಅರ್ಶ್ ಔಲಾಖ್. ಅವರಿಗೆ ಚಿತ್ರರಂಗದೊಂದಿಗೆ ಯಾವುದೇ ಸಂಬಂಧವಿಲ್ಲ ಎಂದು ಹೇಳಲಾಗುತ್ತಿದೆ. ಅರ್ಶ್ ಓರ್ವ ಉದ್ಯಮಿ ಇರಬಹುದು ಎಂದು ಅನೇಕರು ಊಹಿಸಿದ್ದಾರೆ.
ಮೆಹ್ರೀನ್ ಈ ಹಿಂದೆ 2021 ರಲ್ಲಿ ಹರಿಯಾಣದ ಮಾಜಿ ಮುಖ್ಯಮಂತ್ರಿ ಭಜನ್ ಲಾಲ್ ಅವರ ಮೊಮ್ಮಗ ಮತ್ತು ರಾಜಕಾರಣಿ ಭವ್ಯಾ ಬಿಷ್ಣೋಯ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು ಇಬ್ಬರ ನಿಶ್ಚಿತಾರ್ಥವು ತುಂಬಾ ಅದ್ಧೂರಿಯಾಗಿ ನಡೆದಿತ್ತು. ಆದರೆ, ಮೆಹ್ರೀನ್ ನಿಶ್ಚಿತಾರ್ಥವನ್ನು ರದ್ದುಗೊಳಿಸಿದರು.
ಪಂಜಾಬ್ ಮೂಲದ ಮೆಹ್ರೀನ್, ನಾನಿ ನಾಯಕನಾಗಿ ನಟಿಸಿದ 'ಕೃಷ್ಣಗಡಿ ವೀರಪ್ರೇಮಗಧ' ಚಿತ್ರದ ಮೂಲಕ ದೊಡ್ಡ ಪರದೆಗೆ ಕಾಲಿಟ್ಟರು. 'ಮಹಾನುಭಾವಡು', 'ರಾಜಾ ದಿ ಗ್ರೇಟ್', 'ಎಫ್2', 'ಎಫ್3' ನಂತಹ ಹಿಟ್ ಚಿತ್ರಗಳಲ್ಲಿ ನಟಿಸುವ ಮೂಲಕ ತಮ್ಮದೇ ಆದ ಛಾಪು ಮೂಡಿಸಿದರು.
ತೆಲುಗು, ತಮಿಳು, ಹಿಂದಿ ಮತ್ತು ಪಂಜಾಬಿ ಭಾಷೆಗಳಲ್ಲಿ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ. ಪ್ರಸ್ತುತ, ಕೈಯಲ್ಲಿ ಯಾವುದೇ ಹೊಸ ಚಿತ್ರಗಳಿಲ್ಲದ ಕಾರಣ, ಮೆಹ್ರೀನ್ ಚಲನಚಿತ್ರಗಳನ್ನು ತೊರೆದು ಕುಟುಂಬ ಜೀವನಕ್ಕೆ ಸೀಮಿತಗೊಳ್ಳಲು ನಿರ್ಧರಿಸಿದ್ದಾರೆ ಎಂಬ ಚರ್ಚೆ ನಡೆಯುತ್ತಿದೆ.
ಮೆಹ್ರೀನ್ ಫಿರ್ಜಾದ ಅವರು ಶಿವರಾಜ್ಕುಮಾರ್ ನಟನೆಯ, ರಾಮ್ ಧುಲಿಪುಡಿ ನಿರ್ದೇಶನದ ‘ನೀ ಸಿಗೋವರೆಗೂ’ ಚಿತ್ರದಲ್ಲಿ ನಾಯಕಿ ಆಗಿ ಆಯ್ಕೆ ಆಗಿದ್ದಾರೆ. ಈ ಸಿನಿಮಾ 2021ರಲ್ಲಿ ಸೆಟ್ಟೇರಿದೆ. ಮುಹೂರ್ತಕ್ಕೆ ಸುದೀಪ್ ಬಂದು ಹಾರೈಸಿದ್ದರು. ಆ ಬಳಿಕ ಸಿನಿಮಾ ಬಗ್ಗೆ ಯಾವುದೇ ಅಪ್ಡೇಟ್ ಇಲ್ಲ. ಅವರ ವಿಕಿಪೀಡಿಯಾದಲ್ಲಿ ಈ ಚಿತ್ರದ ಹೆಸರಿದೆಯಾದರೂ ಈ ಬಗ್ಗೆ ಸ್ಪಷ್ಟತೆ ಇಲ್ಲ.