New Parliament Photos: ಕಣ್ಸೆಳೆಯುತ್ತಿದೆ ನೂತನ ಸಂಸತ್ ಭವನ; ಒಳಾಂಗಣದ ಫೋಟೋಗಳು ಇಲ್ಲಿವೆ
ಈ ಸಂಸತ್ ಭವನ ದೊಡ್ಡ ಸಭಾಂಗಣಗಳು, ಗ್ರಂಥಾಲಯ, ಸಾಕಷ್ಟು ಪಾರ್ಕಿಂಗ್ ಸ್ಥಳ ಮತ್ತು ಮೀಟಿಂಗ್ ಕೊಠಡಿಗಳನ್ನು ಒಳಗೊಂಡಿದೆ. ನೂತನ ಸಂಸತ್ ಸಭಾಂಗಣದಲ್ಲಿ ಕೇಂದ್ರದ ನರೇಂದ್ರ ಮೋದಿ ಸರ್ಕಾರದ ಬಜೆಟ್ ಅಧಿವೇಶನವನ್ನು ಮಂಡಿಸುವ ಸಾಧ್ಯತೆ ಇದೆ.
ದೆಹಲಿಯಲ್ಲಿ ನೂತನ ಸಂಸತ್ ಭವನ ಸಿದ್ಧವಾಗುತ್ತಿದೆ. ಈ ಬಾರಿಯ ಬಜೆಟ್ ಅಧಿವೇಶನದ ಎರಡನೇ ಭಾಗವನ್ನು ಇಲ್ಲೇ ಆಯೋಜಿಸುವ ಸಾಧ್ಯತೆಯಿದೆ. ಇದೀಗ ಹೊಸ ಸಂಸತ್ ಭವನದ ಒಳಗಿನ ವಿನ್ಯಾಸ ಮತ್ತು ಹೊಸ ಫೋಟೋಗಳನ್ನು ಸರ್ಕಾರ ಬಿಡುಗಡೆ ಮಾಡಿದೆ.
ನೂತನ ಸಂಸತ್ ಕಟ್ಟಡ ನಿರ್ಮಾಣ ಕಾರ್ಯ ಭರದಿಂದ ಸಾಗುತ್ತಿದ್ದು, ಶೀಘ್ರದಲ್ಲೇ ಉದ್ಘಾಟನೆಗೊಳ್ಳುವ ಸಾಧ್ಯತೆ ಇದೆ ಎಂದು ವರದಿಗಳು ತಿಳಿಸಿವೆ. ಸೆಂಟ್ರಲ್ ವಿಸ್ಟಾ ಯೋಜನೆಯ ಭಾಗವಾಗಿ, ಹೊಸ ಪಾರ್ಲಿಮೆಂಟ್ ಕಟ್ಟಡವನ್ನು ಟಾಟಾ ಪ್ರಾಜೆಕ್ಟ್ಸ್ ಲಿಮಿಟೆಡ್ ನಿರ್ಮಿಸುತ್ತಿದೆ.
ಈ ಸಂಸತ್ ಕಟ್ಟಡ ದೊಡ್ಡ ಸಭಾಂಗಣಗಳು, ಗ್ರಂಥಾಲಯ, ಸಾಕಷ್ಟು ಪಾರ್ಕಿಂಗ್ ಸ್ಥಳ ಮತ್ತು ಮೀಟಿಂಗ್ ಕೊಠಡಿಗಳನ್ನು ಒಳಗೊಂಡಿದೆ. ಸಭಾಂಗಣಗಳು ಮತ್ತು ಕಚೇರಿಯ ಕೊಠಡಿಗಳು ಅತ್ಯಾಧುನಿಕ ಸೌಲಭ್ಯಗಳನ್ನು ಹೊಂದಿವೆ.
ನೂತನ ಸಂಸತ್ ಭವನದ ಸಭಾಂಗಣ ಸಿದ್ಧವಾಗಿದೆ. ಲೋಕಸಭೆ ಸಭಾಂಗಣದೊಳಗಿನ ಫೋಟೋಗಳು ಬಿಡುಗಡೆಯಾಗಿದ್ದು, ಅದರಲ್ಲಿ ಲೋಕಸಭೆ ಭವ್ಯವಾಗಿ ಮತ್ತು ವಿಶಾಲವಾಗಿ ಕಾಣುತ್ತಿದೆ. ಮೂಲಗಳ ಪ್ರಕಾರ, ಹೊಸದಾಗಿ ರಾಷ್ಟ್ರಪತಿಯಾಗಿರುವ ದ್ರೌಪದಿ ಮುರ್ಮು ಈ ಸಂಸತ್ನಲ್ಲಿ ಜಂಟಿ ಭಾಷಣ ಮಾಡಲಿದ್ದಾರೆ. ಸಂಸತ್ತಿನ ಹೊಸ ಸಭಾಂಗಣದಲ್ಲಿಯೇ ಬಜೆಟ್ ಅಧಿವೇಶನ ನಡೆಯುವ ಸಾಧ್ಯತೆ ಇದೆ.
ಅಧಿವೇಶನದ ಮೊದಲ ದಿನ ರಾಷ್ಟ್ರಪತಿಗಳು ಉಭಯ ಸದನಗಳನ್ನು ಜಂಟಿಯಾಗಿ ಉದ್ದೇಶಿಸಿ ಮಾತನಾಡುತ್ತಾರೆ. ಎರಡನೇ ದಿನ ಲೋಕಸಭೆಯಲ್ಲಿ ಬಜೆಟ್ ಮಂಡನೆಯಾಗಿದೆ. ಈ ಬಾರಿ ಇಲ್ಲಿಯೇ ಹೊಸ ಬಜೆಟ್ ಮಂಡನೆಯಾಗುವ ನಿರೀಕ್ಷೆ ಇದೆ.
ನೂತನ ಸಂಸತ್ ಸಭಾಂಗಣದಲ್ಲಿ ಕೇಂದ್ರದ ನರೇಂದ್ರ ಮೋದಿ ಸರ್ಕಾರದ ಬಜೆಟ್ ಅಧಿವೇಶನವನ್ನು ಮಂಡಿಸುವ ಸಾಧ್ಯತೆ ಇದೆ. ಬಜೆಟ್ ಸಭೆಯ ಮೊದಲ ಹಂತದ ಸಭೆಯನ್ನು ಜನವರಿ 30-31 ರಂದು ಕರೆಯಲಾಗಿದೆ.
ಹೊಸ ಸಂಸತ್ ಭವನವು ಈಗಿರುವ ಸಂಸತ್ ಭವನಕ್ಕಿಂತ ದೊಡ್ಡದಾಗಿ, ಆಕರ್ಷಕವಾಗಿ ಮತ್ತು ಆಧುನಿಕ ಸೌಲಭ್ಯಗಳಿಂದ ಕೂಡಿದೆ.
64,500 ಚದರ ಮೀಟರ್ನಲ್ಲಿ ನಿರ್ಮಿಸಲಿರುವ ನೂತನ ಸಂಸತ್ ಭವನವನ್ನು ಟಾಟಾ ಯೋಜನೆಯು ನಿರ್ಮಿಸುತ್ತಿದೆ. ಸಂಸತ್ ಭವನದ ನೂತನ ಕಟ್ಟಡದಲ್ಲಿ ದೃಶ್ಯ ಶ್ರವ್ಯ ವ್ಯವಸ್ಥೆ ಹಾಗೂ ಡೇಟಾ ನೆಟ್ವರ್ಕ್ ಸೌಲಭ್ಯಕ್ಕಾಗಿ ಸಂಪೂರ್ಣ ಕಾಳಜಿ ವಹಿಸಲಾಗಿದೆ.
ಸಂಸತ್ತಿನ ಹೊಸ ಕಟ್ಟಡವು 1,224 ಸಂಸದರ ಸೌಕರ್ಯವನ್ನು ಹೊಂದಿರುತ್ತದೆ. ಅಂದರೆ 1,224 ಸಂಸದರು ಒಂದೇ ಬಾರಿಗೆ ಕುಳಿತುಕೊಳ್ಳಬಹುದು. ಇದರಲ್ಲಿ ಲೋಕಸಭೆಯಲ್ಲಿ 888 ಮತ್ತು ರಾಜ್ಯಸಭೆಯಲ್ಲಿ 384 ಸಂಸದರು ಕುಳಿತುಕೊಳ್ಳಬಹುದು.
ಹೊಸದಾಗಿ ನಿರ್ಮಿಸಲಾದ ಮಧ್ಯಂತರ ಸಭಾಂಗಣ ಇರುವುದಿಲ್ಲ. ಲೋಕಸಭೆಯ ಸಭಾಂಗಣದ ನೆಲದ ಮೇಲೆ ಎರಡೂ ಸದನಗಳ ಸಂಸದರು ಕುಳಿತುಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ. ನೂತನ ಕಟ್ಟಡದಲ್ಲಿ ಸುಂದರ ಸಂವಿಧಾನ ಭವನ ನಿರ್ಮಿಸಲಾಗಿದೆ.
ಹೊಸ ಪಾರ್ಲಿಮೆಂಟ್ ಕಟ್ಟಡ (ಹೊಸ ಸಂಸತ್ತು) ಲಾಂಜ್, ಲೈಬ್ರರಿ, ಕಮಿಟಿ ಹಾಲ್, ಕ್ಯಾಂಟೀನ್ ಮತ್ತು ಪಾರ್ಕಿಂಗ್ ಸೌಲಭ್ಯಗಳನ್ನು ಒದಗಿಸಲಾಗಿದೆ. ಈ ಕಟ್ಟಡವು ಸಂಪೂರ್ಣವಾಗಿ ಭೂಕಂಪ ನಿರೋಧಕವಾಗಿದೆ. 4 ಅಂತಸ್ತಿನ ನೂತನ ಸಂಸತ್ ಭವನ ನಿರ್ಮಿಸಲು 971 ಕೋಟಿ ರೂ. ವೆಚ್ಚವಾಗಿದೆ.
ಕೊನೆಯ ಕ್ಷಣದ ಸಿದ್ಧತೆಗಳು ನಡೆಯುತ್ತಿರುವುದರಿಂದ, ಜನವರಿ 31ರಂದು ಬಜೆಟ್ ಅಧಿವೇಶನ ಪ್ರಾರಂಭವಾಗುವ ಮೊದಲು ಹೊಸ ಸಂಸತ್ತಿನ ಕಟ್ಟಡವು ಉದ್ಘಾಟನೆಯಾಗುವ ನಿರೀಕ್ಷೆಯಿದೆ.
ಈ ಸಂಸತ್ ಕಟ್ಟಡ 2022ರಲ್ಲಿಯೇ ನಿರ್ಮಾಣವಾಗಬೇಕಿತ್ತು. ಆದರೆ, ಗಡುವನ್ನು ಮೀರಿದ್ದು, ಜನವರಿ ಅಂತ್ಯದ ವೇಳೆಗೆ ಸಿದ್ಧವಾಗಲಿದೆ ಎನ್ನಲಾಗಿದೆ. 2020ರಲ್ಲಿ 861.9 ಕೋಟಿ ರೂ.ಗೆ ಈ ಯೋಜನೆಯನ್ನು ಟಾಟಾ ಪ್ರಾಜೆಕ್ಟ್ಗಳಿಗೆ ನೀಡಲಾಯಿತು. ಆದರೆ, ಬಳಿಕ ಇದರ ವೆಚ್ಚವು 1,200 ಕೋಟಿಗೆ ಏರಿಕೆಯಾಯಿತು.
ಡಿಸೆಂಬರ್ 2020ರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಆಧುನಿಕ ಸೌಲಭ್ಯಗಳನ್ನು ಹೊಂದಿರುವ ಈ ಹೊಸ ಸಂಸತ್ ಕಟ್ಟಡದ ಶಂಕುಸ್ಥಾಪನೆ ಮಾಡಿದ್ದರು.
Published On - 1:03 pm, Fri, 20 January 23