Rose Day 2022: ನಾಳೆಯ ರೋಸ್ ಡೇಗೆ ಯಾವ ಬಣ್ಣದ ಗುಲಾಬಿ ಹೂವು ಕೊಡಬೇಕು? ಇಲ್ಲಿದೆ ನಿಮ್ಮ ಗೊಂದಲಕ್ಕೆ ಉತ್ತರ
Valentine’s Week 2022: ಫೆಬ್ರವರಿ 7 ರಿಂದ ಪ್ರೇಮಿಗಳ ವಾರ ಪ್ರಾರಂಭವಾಗಲಿದೆ. ಇದು ಗುಲಾಬಿ ದಿನದಿಂದ ಪ್ರಾರಂಭವಾಗುತ್ತದೆ. ಈ ದಿನದಂದು ಅನೇಕ ಜನರು ಗುಲಾಬಿಗಳನ್ನು ನೀಡುವ ಮೂಲಕ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸುತ್ತಾರೆ. ನೀವೂ ಈ ರೀತಿಯ ಯೋಚನೆ ಮಾಡುತ್ತಿದ್ದರೆ, ಒಮ್ಮೆ ನೀವು ವಿವಿಧ ಗುಲಾಬಿಗಳ ಅರ್ಥವನ್ನು ತಿಳಿದುಕೊಳ್ಳಿ, ಇದರಿಂದ ಯಾವುದೇ ಗೊಂದಲವಿರುವುದಿಲ್ಲ.
ಕೆಂಪು ಗುಲಾಬಿ: ನೀವು ನಿಜವಾಗಿಯೂ ಯಾರನ್ನಾದರೂ ತುಂಬಾ ಪ್ರೀತಿಸುತ್ತಿದ್ದರೆ ಮತ್ತು ನಿಮ್ಮ ಭಾವನೆಗಳನ್ನು ಅವರಿಗೆ ವ್ಯಕ್ತಪಡಿಸಲು ಬಯಸಿದರೆ, ಅಂತವರಿಗೆ ಕೆಂಪು ಗುಲಾಬಿಯನ್ನು ನೀಡಿ. ಕೆಂಪು ಗುಲಾಬಿಯನ್ನು ಪ್ರೀತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ.
ಹಳದಿ ಗುಲಾಬಿ: ನೀವು ಯಾರನ್ನಾದರೂ ಸ್ನೇಹಕ್ಕಾಗಿ ಸಂಪರ್ಕಿಸಲು ಬಯಸಿದರೆ, ಅಂತವರಿಗೆ ಹಳದಿ ಗುಲಾಬಿಯನ್ನು ನೀಡಿ. ಹಳದಿ ಗುಲಾಬಿಗಳು ಸ್ನೇಹವನ್ನು ಪ್ರಾರಂಭಿಸಲು ಒಳ್ಳೆಯದು ಎಂದು ಪರಿಗಣಿಸಲಾಗುತ್ತದೆ.
ಬಿಳಿ ಗುಲಾಬಿ: ಬಿಳಿ ಗುಲಾಬಿ ಶುದ್ಧತೆ, ಮುಗ್ಧತೆ ಪ್ರತಿನಿಧಿಸುತ್ತದೆ. ಇದನ್ನು ಶಾಂತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ ಮತ್ತು ದೀರ್ಘಕಾಲದವರೆಗೆ ಸಂಬಂಧವನ್ನು ಉಳಿಸಿಕೊಳ್ಳಲು ಭರವಸೆ ನೀಡುತ್ತದೆ. ನೀವು ಯಾರನ್ನಾದರೂ ತುಂಬಾ ಪ್ರೀತಿಸುತ್ತಿದ್ದರೆ, ನೀವು ಅವರಿಗೆ ಕೆಂಪು ಮತ್ತು ಬಿಳಿ ಗುಲಾಬಿಗಳಿಂದ ಮಾಡಿದ ಹೂಗುಚ್ಛಗಳನ್ನು ಸಹ ನೀಡಬಹುದು.
ಪಿಂಕ್ ಗುಲಾಬಿ: ನಿಮ್ಮ ಮದುವೆ ನಿಶ್ಚಯವಾಗಿದ್ದರೆ ಅಥವಾ ನಿಮ್ಮ ಸಂಗಾತಿಯನ್ನು ಡೇಟ್‌ಗೆ ಕರೆದೊಯ್ಯಲು ನೀವು ತಯಾರಿ ನಡೆಸುತ್ತಿದ್ದರೆ, ನೀವು ಅವರಿಗೆ ಪಿಂಕ್ ಬಣ್ಣದ ಗುಲಾಬಿಯನ್ನು ನೀಡಬಹುದು. ನೀವು ಅದನ್ನು ಸ್ನೇಹಿತರಿಗೆ ಸಹ ನೀಡಬಹುದು ಏಕೆಂದರೆ ಈ ಗುಲಾಬಿಯನ್ನು ಯಾರನ್ನಾದರೂ ಹೊಗಳಲು ಕೂಡ ನೀಡಲಾಗುತ್ತದೆ.
ಲ್ಯಾವೆಂಡರ್ ಬಣ್ಣದ ಗುಲಾಬಿ: ನೀವು ಮೊದಲ ನೋಟದಲ್ಲೇ ಯಾರನ್ನಾದರೂ ಪ್ರೀತಿಸುತ್ತಿದ್ದರೆ, ಅಂತವರಿಗೆ ಲ್ಯಾವೆಂಡರ್ ಬಣ್ಣದ ಗುಲಾಬಿ ನೀಡಿ. ಇದು ಮೊದಲ ನೋಟದಲ್ಲೇ ಪ್ರೀತಿ ಅಥವಾ ಆಕರ್ಷಣೆಯನ್ನು ವ್ಯಕ್ತಪಡಿಸುತ್ತದೆ.
ಹಸಿರು ಗುಲಾಬಿ: ಹಸಿರು ಗುಲಾಬಿ ಸಂತೋಷ, ಸಂಪತ್ತಿನ ಸಂಕೇತವಾಗಿದೆ. ಪ್ರೇಮಿಗಳ ದಿನದ ಸಂದರ್ಭದಲ್ಲಿ ನಿಮ್ಮ ಸಂಗಾತಿಯನ್ನು ಯಶಸ್ಸಿನ ಉತ್ತುಂಗದಲ್ಲಿ ನೀವು ನೋಡಲು ಬಯಸಿದರೆ, ನೀವು ಈ ಗುಲಾಬಿಯನ್ನು ನೀಡಬಹುದು.