Skoda Slavia: ಸ್ಕೋಡಾ ಸ್ಲಾವಿಯಾ ಬಿಡುಗಡೆ: ಕೇವಲ 11 ಸಾವಿರಕ್ಕೆ ಬುಕ್ ಮಾಡಿಕೊಳ್ಳಬಹುದು
Skoda Slavia price: ಸ್ಕೋಡಾ ಸ್ಲಾವಿಯಾ ಆಕ್ಟಿವ್, ಸ್ಕೋಡಾ ಸ್ಲಾವಿಯಾ ಆಂಬಿಷನ್ ಮತ್ತು ಸ್ಕೋಡಾ ಸ್ಲಾವಿಯಾ ಸ್ಟೈಲ್ ಮಾಡೆಲ್ಗಳು 10 ಲಕ್ಷದಿಂದ 15 ಲಕ್ಷ ರೂ. ಒಳಗೆ ಖರೀದಿಸಬಹುದು.
ಸ್ಕೋಡಾ ಇಂಡಿಯಾ ತನ್ನ ಹೊಸ ಮಧ್ಯಮ ಗಾತ್ರದ ಸೆಡಾನ್ ಸ್ಲಾವಿಯಾವನ್ನು ಬಿಡುಗಡೆ ಮಾಡಿದೆ. ಸ್ಕೋಡಾ ಸ್ಲಾವಿಯಾವನ್ನು 5 ಅತ್ಯಾಕರ್ಷಕ ಹೊಸ ಬಣ್ಣಗಳಲ್ಲಿ ಬಿಡುಗಡೆ ಮಾಡಲಾಗಿದ್ದು, ಇದರೊಂದಿಗೆ ಕಾರಿನ ಬುಕ್ಕಿಂಗ್ ಕೂಡ ಪ್ರಾರಂಭವಾಗಿದೆ. ಅದರಂತೆ ನೂತನ ಸ್ಕೋಡಾ ಸ್ಲಾವಿಯಾವನ್ನು ಕೇವಲ 11,000 ರೂ.ಗೆ ಬುಕ್ ಮಾಡಬಹುದು.
ಸ್ಕೋಡಾ ಸ್ಲಾವಿಯಾದ ಮೂರು ರೂಪಾಂತರಗಳಲ್ಲಿ ಬಿಡುಗಡೆಯಾಗಿದ್ದು, ಸ್ಕೋಡಾ ಆಕ್ಟಿವ್, ಸ್ಕೋಡಾ ಆಂಬಿಷನ್ ಮತ್ತು ಸ್ಕೋಡಾ ಸ್ಟೈಲ್ ಮೂರು ವೆರಿಯೆಂಟ್ ಆಯ್ಕೆ ನೀಡಲಾಗಿದೆ.
MQB A0 IN ಪ್ಲಾಟ್‌ಫಾರ್ಮ್‌ನಲ್ಲಿ ನಿರ್ಮಿಸಲಾದ ಸ್ಕೋಡಾ ಸ್ಲಾವಿಯಾ ಪ್ರೀಮಿಯಂ ಮಧ್ಯಮ ಗಾತ್ರದ ಸೆಡಾನ್ ಕಾರು. ಇದರಲ್ಲಿ ಉದ್ದವಾದ ವೀಲ್ ಬೇಸ್, 16-ಇಂಚಿನ ಮಿಶ್ರಲೋಹದ ಚಕ್ರಗಳು, ವರ್ಟಿಕಲ್ ಕ್ರೋಮ್ ಫ್ರಂಟ್ ಗ್ರಿಲ್, ಎಲ್-ಆಕಾರದ ಹೆಡ್‌ಲೈಟ್‌ಗಳು ಮತ್ತು ಅಗಲವಾದ ಗಾಳಿಯ ಒಳಹರಿವು ಹೊಂದಿರುವ ಬಂಪರ್‌ಗಳನ್ನು ನೀಡಲಾಗಿದೆ.
ಇನ್ನು ಈ ಕಾರಿನ ಒಳಾಂಗಣದಲ್ಲಿ ದೊಡ್ಡ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್, ಸಂಪರ್ಕಿತ ಕಾರ್ ತಂತ್ರಜ್ಞಾನ, ಆಟೋ ಹೆಡ್‌ಲ್ಯಾಂಪ್‌ಗಳು, ಪ್ರೀಮಿಯಂ ಕಂಪನಿಯ 6 ಸ್ಪೀಕರ್‌ಗಳು, 6 ಏರ್‌ಬ್ಯಾಗ್‌ಗಳು, ಕ್ರೂಸ್ ಕಂಟ್ರೋಲ್, ರಿಯರ್ ಪಾರ್ಕಿಂಗ್ ಕ್ಯಾಮೆರಾ ಸೇರಿದಂತೆ ಅನೇಕ ಪ್ರಮಾಣಿತ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳನ್ನು ನೀಡಲಾಗಿದೆ.
ಸ್ಕೋಡಾ ಸ್ಲಾವಿಯಾದ ಎಂಜಿನ್ ಬಗ್ಗೆ ಹೇಳುವುದಾದರೆ, ಇದರಲ್ಲಿ ಎರಡು ಎಂಜಿನ್ ಆಯ್ಕೆಗಳಿವೆ. ಒಂದು ಆಯ್ಕೆಯ 1.0 ಲೀಟರ್ 3 ಸಿಲಿಂಡರ್ TSI ಪೆಟ್ರೋಲ್ ಎಂಜಿನ್, 115hp ವರೆಗೆ ಶಕ್ತಿಯನ್ನು ಉತ್ಪಾದಿಸುತ್ತದೆ. ಇನ್ನೊಂದು ಆಯ್ಕೆಯ 1.5 ಲೀಟರ್ 4 ಸಿಲಿಂಡರ್ TSI ಎಂಜಿನ್ 150hp ಮತ್ತು 250Nm ಟಾರ್ಕ್ ವರೆಗೆ ಶಕ್ತಿಯನ್ನು ಉತ್ಪಾದಿಸುತ್ತದೆ. ಇನ್ನು ಸ್ಕೋಡಾ ಸ್ಲಾವಿಯಾವನ್ನು 6 ಸ್ಪೀಡ್ ಮ್ಯಾನುವಲ್ ಮತ್ತು 6 ಸ್ಪೀಡ್ ಟಾರ್ಕ್ ಪರಿವರ್ತಕ ಸ್ವಯಂಚಾಲಿತ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ. ಸ್ಕೋಡಾ ಸ್ಲಾವಿಯಾ ಆಕ್ಟಿವ್, ಸ್ಕೋಡಾ ಸ್ಲಾವಿಯಾ ಆಂಬಿಷನ್ ಮತ್ತು ಸ್ಕೋಡಾ ಸ್ಲಾವಿಯಾ ಸ್ಟೈಲ್ ಮಾಡೆಲ್ಗಳು 10 ಲಕ್ಷದಿಂದ 15 ಲಕ್ಷ ರೂ. ಒಳಗೆ ಖರೀದಿಸಬಹುದು.