South Indian Hero: ಸಿನಿಪ್ರಿಯರಿಗೆ ‘ಸೌತ್ ಇಂಡಿಯನ್ ಹೀರೋ’ ಬಗ್ಗೆ ಯಾಕಿಷ್ಟು ಕುತೂಹಲ? ಇಲ್ಲಿದೆ ಉತ್ತರ..
New Kannada Movie: ಫೆಬ್ರವರಿ 24ರಂದು ‘ಸೌತ್ ಇಂಡಿಯನ್ ಹೀರೋ’ ಸಿನಿಮಾ ರಿಲೀಸ್ ಆಗುತ್ತಿದೆ. ಈ ಚಿತ್ರಕ್ಕೆ ನರೇಶ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ. ಟ್ರೇಲರ್ ಮೂಲಕ ಈ ಸಿನಿಮಾ ಗಮನ ಸೆಳೆದಿದೆ.
ಕಾಮಿಡಿ ಶೈಲಿಯ ಸಿನಿಮಾಗಳನ್ನು ಕಟ್ಟಿಕೊಡುವಲ್ಲಿ ನಿರ್ದೇಶಕ ನರೇಶ್ ಕುಮಾರ್ ಫೇಮಸ್. ಈ ಹಿಂದೆ ಅವರು ‘ಫಸ್ಟ್ ರ್ಯಾಂಕ್ ರಾಜು’ ಹಾಗೂ ‘ರಾಜು ಕನ್ನಡ ಮೀಡಿಯಂ’ ಚಿತ್ರಗಳ ಮೂಲಕ ಗಮನ ಸೆಳೆದಿದ್ದರು. ಈಗ ‘ಸೌತ್ ಇಂಡಿಯನ್ ಹೀರೋ’ ಚಿತ್ರಕ್ಕೆ ಆ್ಯಕ್ಷನ್-ಕಟ್ ಹೇಳಿದ್ದಾರೆ.
ಶೀರ್ಷಿಕೆಯಿಂದಲೇ ಸದ್ದು ಮಾಡಿದ ಸಿನಿಮಾ ‘ಸೌತ್ ಇಂಡಿಯನ್ ಹೀರೋ’. ಎಲ್ಲ ಸಿನಿಪ್ರಿಯರಿಗೆ ಈ ಚಿತ್ರದ ಬಗ್ಗೆ ಕೌತುಕ ಇದೆ. ಯಾಕೆಂದರೆ ಈ ಸಿನಿಮಾದೊಳಗೆ ಬಣ್ಣದ ಲೋಕದ ಕಥೆ ಇದೆ. ಸ್ಟಾರ್ ನಟನ ಕಹಾನಿ ಇದೆ. ಅಭಿಮಾನಿಗಳ ಸ್ಟೋರಿ ಕೂಡ ಇದೆ.
ದಕ್ಷಿಣ ಭಾರತದ ಸಿನಿಮಾಗಳ ಶೈಲಿಯೇ ಬೇರೆ. ಬಾಲಿವುಡ್, ಹಾಲಿವುಡ್ ಮಂದಿಗಿಂತಲೂ ಭಿನ್ನವಾಗಿ ಕಥೆ ಹೇಳುವ ಟ್ರೆಂಡ್ ಸೌತ್ ಇಂಡಿಯಾದಲ್ಲಿದೆ. ಈ ವಿಚಾರವನ್ನೇ ಇಟ್ಟುಕೊಂಡು ‘ಸೌತ್ ಇಂಡಿಯನ್ ಹೀರೋ’ ಚಿತ್ರ ಸಿದ್ಧವಾಗಿದೆ.
ಸಾರ್ಥಕ್ ಅವರು ಈ ಚಿತ್ರದಲ್ಲಿ ಹೀರೋ ಆಗಿ ನಟಿಸಿದ್ದಾರೆ. ಅವರಿಗೆ ಈ ಸಿನಿಮಾದಲ್ಲಿ ಹಲವು ಗೆಟಪ್ ಇದೆ. ಹತ್ತಾರು ರೀತಿಯಲ್ಲಿ ಅವರು ಪ್ರೇಕ್ಷಕರ ಎದುರು ಕಾಣಿಸಿಕೊಳ್ಳಲಿದ್ದಾರೆ. ಈ ಗೆಟಪ್ಗಳ ಹಿಂದಿನ ಕಥೆ ಏನು ಎಂಬುದನ್ನು ಚಿತ್ರಮಂದಿರದಲ್ಲೇ ನೋಡಿ ತಿಳಿಯಬೇಕು.
ಈ ಸಿನಿಮಾದಲ್ಲಿ ನಾಯಕಿಯಾಗಿ ಕಾಶಿಮಾ ನಟಿಸಿದ್ದಾರೆ. ಯೋಗರಾಜ್ ಭಟ್ ಕೂಡ ಒಂದು ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರರಂಗದ ಒಳಜಗಳ, ಫ್ಯಾನ್ಸ್ ನಡುವಿನ ಕಿತ್ತಾಟ, ಸಿನಿಮಾ ನಟರ ರಾಜಕೀಯ ಎಂಟ್ರಿ ಸೇರಿದಂತೆ ಹಲವು ವಿಷಯಗಳು ಈ ಚಿತ್ರದಲ್ಲಿವೆ.