60 ಕಿ.ಮೀ ಮೈಲೇಜ್ ನೀಡುವ ಎಲೆಕ್ಟ್ರಿಕ್ ಸೈಕಲ್ ಬಿಡುಗಡೆ
ಭಾರತದಲ್ಲಿ ದುಬಾರಿ ಪೆಟ್ರೋಲ್-ಡೀಸೆಲ್ ಬೆಲೆಗಳ ನಡುವೆ ಎಲೆಕ್ಟ್ರಿಕ್ ವಾಹನಗಳು ಸಂಚಲನ ಸೃಷ್ಟಿಸುತ್ತಿದೆ. ಇತ್ತ ಬಹುತೇಕ ಕಂಪೆನಿಗಳು ಕೂಡ ಎಲೆಕ್ಟ್ರಿಕ್ ವಾಹನಗಳನ್ನು ಪರಿಚಯಿಸುತ್ತಿದೆ. ಇದೀಗ ಟಾಟಾ ಇಂಟರ್‌ನ್ಯಾಷನಲ್ ಲಿಮಿಟೆಡ್‌ನ ಅಂಗ ಸಂಸ್ಥೆಯಾದ ಸ್ಟ್ರೈಡರ್ ಸೈಕಲ್ಸ್ ಕೂಡ ಎಲೆಕ್ಟ್ರಿಕ್ ಸೈಕಲ್ (ಇ-ಬೈಕ್ಸ್)ಗಳನ್ನು ಬಿಡುಗಡೆ ಮಾಡಿದೆ.
ಸ್ಟ್ರೈಡರ್ ವೋಲ್ಟಿಕ್ 1.7 (Stryder Voltic 1.7) ಹಾಗೂ ಕಾಂಟಿನೋ ಇಟಿಬಿ-100 (Contino ETB-100) ಹೆಸರಿನಲ್ಲಿ ಬಿಡುಗಡೆಯಾಗಿರುವ ಈ ಇ-ಸೈಕಲ್ಸ್ ಚಾರ್ಜಿಂಗ್ನಲ್ಲಿ ಚಲಿಸಲಿದೆ. ಅದರ ಜೊತೆಗೆ ಪೆಡಲ್ಗಳು ಸಹ ಇದ್ದು, ಚಾರ್ಜ್ ಮುಗಿದರೆ ಪೆಡಲ್ಗಳ ಮೊರೆ ಹೋಗಬಹುದು. ಇ-ಬೈಕ್ ನಲ್ಲಿ ಏಳು ಸ್ಪೀಡ್ ಮತ್ತು ಮೂರು ರೈಡ್ ಮೋಡ್‌ಗಳೊಂದಿಗೆ (ಎಲೆಕ್ಟ್ರಿಕ್, ಹೈಬ್ರಿಡ್ ಮತ್ತು ಪೆಡಲ್) ನೀಡಲಾಗಿರುವುದು ಮತ್ತೊಂದು ವಿಶೇಷ.
ಸ್ಟ್ರೈಡರ್ ವೋಲ್ಟಿಕ್ 1.7 ವಿಶೇಷತೆ: ಈ ಸೈಕಲ್ನಲ್ಲಿ ಶಕ್ತಿಯುತವಾದ 48V/260W ಮೋಟಾರ್, 48V ಲಿಥಿಯಂ-ಐಯಾನ್ ಬ್ಯಾಟರಿ ಸೇರಿದಂತೆ ಹಲವು ವೈಶಿಷ್ಟ್ಯಗಳನ್ನು ನೀಡಲಾಗಿದೆ. ಸ್ಟ್ರೈಡರ್ ವೋಲ್ಟಿಕ್ 1.7 ಅನ್ನು ಮೂರು ಗಂಟೆಗಳಲ್ಲಿ ಸಂಪೂರ್ಣ ಚಾರ್ಜ್ ಮಾಡಬಹುದು. ಒಮ್ಮೆ ಪೂರ್ಣ ಚಾರ್ಜ್ ಮಾಡಿದರೆ ಸುಮಾರು 60 ಕಿಮೀ ವ್ಯಾಪ್ತಿಯವರೆಗೆ ಚಲಿಸಬಹುದು.
ಕಾಂಟಿನೋ ಇಟಿಬಿ -100 ವಿಶೇಷತೆ: ಕಾಂಟಿನೋ ಇಟಿಬಿ -100 ಇ-ಬೈಕ್ ಅನ್ನು ಗ್ರಾಮೀಣ ಪ್ರದೇಶವನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ಇದರಲ್ಲಿ ಡಿಟ್ಯಾಚೇಬಲ್, ರೀಚಾರ್ಜ್ ಮಾಡಬಹುದಾದ ಬ್ಯಾಟರಿ ಮತ್ತು ಮೂರು ಡ್ರೈವಿಂಗ್ ಮೋಡ್‌ಗಳನ್ನು (ಎಲೆಕ್ಟ್ರಿಕ್, ಹೈಬ್ರಿಡ್ ಮತ್ತು ಪೆಡಲ್) ನೀಡಲಾಗಿದೆ. 260W ಎಲೆಕ್ಟ್ರಿಕ್ ಮೋಟಾರ್ ಇದರಲಿದ್ದು, ಹೈಬ್ರಿಡ್ ಮೋಡ್‌ನಲ್ಲಿ 60 ಕಿಮೀ ಮತ್ತು ಪೂರ್ಣ ಎಲೆಕ್ಟ್ರಿಕ್ ಮೋಡ್‌ನಲ್ಲಿ 30 ಕಿಮೀ ವರೆಗೆ ಚಲಿಸಬಹುದು. ಹಾಗೆಯೇ ಬಳಕೆದಾರರು ಮೋಟಾರ್ ಮೋಡ್ ಮತ್ತು ಪೆಡಲ್ ಮೋಡ್ ನಡುವೆ ಸುಲಭವಾಗಿ ಬದಲಾಯಿಸಿಕೊಳ್ಳುವ ಅವಕಾಶ ಇದರಲ್ಲಿದೆ.
ಇನ್ನು ಇದರಲ್ಲಿ ಡಬಲ್ ಡಿಸ್ಕ್ ಬ್ರೇಕ್, ಕೀ-ಲಾಕ್ ಬ್ಯಾಟರಿ, ಸ್ಮಾರ್ಟ್ ರೈಡ್ ( ಬ್ರೇಕ್ ಹಾಕಿದಾಗ ಆಟೋ ಪವರ್ ಕಟ್ ಆಫ್) ಮತ್ತುಮುಂಭಾಗದ ಎಲ್‌ಇಡಿ ಲೈಟ್ ಫೀಚರ್‌ಗಳನ್ನು ನೀಡಲಾಗಿದೆ.
ಕಂಪೆನಿಯು ಈ ಇ-ಸೈಕಲ್ಗಳ ಮೇಲೆ 2 ವರ್ಷಗಳ ವಾರಂಟಿಯನ್ನೂ ಸಹ ನೀಡುತ್ತಿದೆ. ಅಂದಹಾಗೆ ವೋಲ್ಟಿಕ್ 1.7 ಸೈಕಲ್ ಬೆಲೆ 29,995 ರೂ. ಹಾಗೆಯೇ ಕಾಂಟಿನೊ ಇಟಿಬಿ -100 ಬೆಲೆ 37,999 ರೂ.