Anger: ಜನರು ಮತ್ತೊಬ್ಬರ ಮೇಲಿನ ಕೋಪವನ್ನು ಏಕೆ ಸುಲಭವಾಗಿ ಮರೆಯುವುದಿಲ್ಲ? ಇಲ್ಲಿದೆ 8 ಕಾರಣ
Mental Health: ಕೋಪವನ್ನು ಹಿಡಿದಿಟ್ಟುಕೊಳ್ಳುವುದು ಸಂಯಮದ ಲಕ್ಷಣ ಎನ್ನುತ್ತಾರೆ. ಆದರೆ ಕೆಲವರು ಮತ್ತೋರ್ವರ ಮೇಲಿನ ಮುನಿಸನ್ನು ಯಾವುದೇ ಕಾರಣಕ್ಕೆ ಮರೆಯುವುದಿಲ್ಲ. ಇದು ಅವರಲ್ಲಿ ಋಣಾತ್ಮಕ ಪರಿಣಾಮಗಳನ್ನೂ ಬೀರಬಹುದು. ಆದರೆ ಕೋಪವನ್ನು ಜನರು ಏಕೆ ತಮ್ಮ ಮನಸ್ಸಿನಲ್ಲಿ ಇಟ್ಟುಕೊಳ್ಳುತ್ತಾರೆ? ಅದನ್ನೇಕೆ ಮರೆಯುವುದಿಲ್ಲ? ಮನೋವೈದ್ಯೆ ಸಾರಾ ಕುಬೇರಿಕ್ ಹೇಳಿರುವ 8 ಅಂಶಗಳು ಇಲ್ಲಿವೆ.
ಕೋಪವನ್ನು ಹಿಡಿದಿಟ್ಟುಕೊಳ್ಳುವುದು ಸಂಯಮದ ಲಕ್ಷಣ ಎನ್ನುತ್ತಾರೆ. ಆದರೆ ಕೆಲವರು ಮತ್ತೋರ್ವರ ಮೇಲಿನ ಮುನಿಸನ್ನು ಯಾವುದೇ ಕಾರಣಕ್ಕೆ ಮರೆಯುವುದಿಲ್ಲ. ಇದು ಅವರಲ್ಲಿ ಋಣಾತ್ಮಕ ಪರಿಣಾಮಗಳನ್ನೂ ಬೀರಬಹುದು. ಆದರೆ ಕೋಪವನ್ನು ಜನರೇಕೆ ತಮ್ಮ ಮನಸ್ಸಿನಲ್ಲಿ ಇಟ್ಟುಕೊಳ್ಳುತ್ತಾರೆ? ಅದನ್ನು ಮರೆಯುವುದಿಲ್ಲ? ಮನೋವೈದ್ಯೆ ಸಾರಾ ಕುಬೇರಿಕ್ ಹೇಳಿರುವ 8 ಅಂಶಗಳು ಇಲ್ಲಿವೆ.
ಜನರು ಕೋಪವನ್ನು ತಮ್ಮ ಮನದಲ್ಲಿಟ್ಟುಕೊಳ್ಳಲು ಕಾರಣ, ಅದು ಅವರಿಗೆ ಹಿಂದಿನ ಘಟನೆಗಳನ್ನು, ಅದರಿಂದಾದ ಅನುಭವಗಳನ್ನು ಅನುಭವವನ್ನು ಆಗಾಗ ನೆನಪಿಸುತ್ತದೆ ಎಂಬುದೂ ಒಂದು.
ಎರಡನೆಯ ಕಾರಣ, ಹೆಚ್ಚಿನ ಜನರಲ್ಲಿ ಕೋಪವನ್ನು ನಿರ್ವಹಿಸುವ, ತಮ್ಮನ್ನೇ ತಾವು ಸಮಾಧಾನಗೊಳಿಸುವ ಕಲೆ ಇರುವುದಿಲ್ಲ. ಹೀಗಾಗಿ ಬೇಗ ಕೋಪಕ್ಕೆ ತುತ್ತಾಗುತ್ತಾರೆ ಮತ್ತು ಅದನ್ನು ಮನಸ್ಸಿನಲ್ಲಿ ಇಟ್ಟುಕೊಳ್ಳುತ್ತಾರೆ.
ಮೂರನೆಯಕಾರಣ, ಕೆಲವು ಜನರಿಗೆ ಜವಾಬ್ದಾರಿಯಿಂದ ತಪ್ಪಿಸಿಕೊಳ್ಳಬೇಕಿರುತ್ತದೆ. ಹೀಗಾಗಿ ಕೋಪ ತೋರಿಸಿ ನುಣುಚಿಕೊಳ್ಳುತ್ತಾರೆ.
ಹೆತ್ತವರ ನಡವಳಿಕೆಯೂ ಮಕ್ಕಳಲ್ಲಿ ಪ್ರಭಾವ ಬೀರುತ್ತದೆ. ತಂದೆ- ತಾಯಿಯರ ಕೋಪವನ್ನು ನೋಡಿ ಮಕ್ಕಳು ಅದನ್ನೇ ಅಳವಡಿಸಿಕೊಂಡಿರುವ ಸಾಧ್ಯತೆಯೂ ಇದೆ.
ಸಾರಾ ಕುಬೆರಿಕ್ ಪ್ರಕಾರ, ನಾವು ಕೋಪವನ್ನು ವ್ಯಕ್ತಪಡಿಸುವುದು ಎಂದರೆ, ನಮ್ಮ ಪ್ರೀತಿ ಪಾತ್ರರ ಜತೆಗಿನ ಸಂಬಂಧವನ್ನು ಬಿಟ್ಟುಬಿಡುವುದು ಎಂದರ್ಥ. ಕಾರಣ, ಅದರ ಪರಿಣಾಮಗಳು ಹಾಗಿರುತ್ತವೆ.
ಹಲವು ಜನರು ಕೋಪವನ್ನು ತಮ್ಮ ಮನದಲ್ಲಿ ದೀರ್ಘಕಾಲ ಇಟ್ಟುಕೊಳ್ಳಲು ಕಾರಣ, ಅದು ಅವರಿಗೆ ಪ್ರೇರಕ ಶಕ್ತಿಯಾಗಿರುತ್ತದೆ. ಬೇರೆಯವರ ಮಾತನ್ನು ಮನದಲ್ಲಿಟ್ಟು ಸಾಧನೆಗೆ ಧುಮುಕುವವರೂ ಹಲವರಿದ್ದಾರೆ.
ಜನರಿಗೆ ದುಃಖಕ್ಕಿಂತ ಕೋಪವನ್ನು ವ್ಯಕ್ತಪಡಿಸುವುದು ಸುಲಭ. ಹೀಗಾಗಿ ಹೆಚ್ಚಾಗಿ ಕೋಪದ ಭಾವನೆಗೆ ಹೆಚ್ಚು ಅಂಟಿಕೊಳ್ಳುತ್ತಾರೆ.
ಮತ್ತಷ್ಟು ಬಾರಿ ಜನರು ಕೋಪವನ್ನು ತಮ್ಮಲ್ಲೇ ಇಟ್ಟುಕೊಳ್ಳಲು ಕಾರಣ, ಅವರು ಮತ್ತೊಮ್ಮೆ ಬೇರೆಯವರಿಂದ ನೋಯಲು ಬಯಸುವುದಿಲ್ಲ. ಹೀಗಾಗಿ ತಮ್ಮನ್ನು ತಾವು ರಕ್ಷಿಸಿಕೊಳ್ಳಲು ಈ ವಿಧಾನದ ಮೊರೆ ಹೋಗುತ್ತಾರೆ.