OLX ನಲ್ಲಿ ಮಾರಾಟಕ್ಕಿದೆ ಕಾರು.. ಇದರ ಬೆಲೆ ಕೇಳಿದರೆ ಶಾಕ್ ಶಾಕ್! ವೇಗ?

ದೆಹಲಿ: ಭಾರತದಲ್ಲಿ ಅತ್ಯಂತ ಶ್ರೀಮಂತರು ಉಪಯೋಗಿಸುವ ದುಬಾರಿ ಕಾರುಗಳಲ್ಲಿ ಒಂದಾದ McLaren 520S Spider ಕಾರು ಇದೀಗ ಮಾರಾಟಕ್ಕಿದೆ. ಹೌದು, ಬ್ರಿಟಿಷ್ ಸಂಸ್ಥೆ ತಯಾರಿಸುವ McLaren 520S ಸ್ಪೋರ್ಟ್​ ಕಾರನ್ನು ದೆಹಲಿ ಕುಟುಂಬ ಮಾರಾಟಕ್ಕಿಟ್ಟಿದೆ.

2018ರಲ್ಲಿ ದೆಹಲಿ ಕುಟುಂಬವೊಂದು ಈ ಕಾರನ್ನು ಖರೀದಿ ಮಾಡಿದೆ. ಇದು ಭಾರತೀಯ ಮಾರುಕಟ್ಟೆಯಲ್ಲೇ ದುಬಾರಿ ಕಾರುಗಳಲ್ಲಿ ಒಂದಾಗಿದೆ. ಈ ಕಾರು ಕೇವಲ 20 ಕಿಲೋ ಮೀಟರ್ ಪ್ರಯಾಣಿಸಿದೆಯಂತೆ. ಇದರ ಬೆಲೆ 5.2 ಕೋಟಿ ರೂಪಾಯಿಯಾಗಿದೆ. ಈ ಕಾರು ಸದ್ಯ OLXನಲ್ಲಿ ಮಾರಾಟಕ್ಕಿದೆ.

ಹೊಸ McLaren 570S ಕಾರಿನ ಮೂಲ ಬೆಲೆ 5.5ರಿಂದ 6.5 ಕೋಟಿ ರೂಪಾಯಿವರೆಗೂ ಇದೆ. ಈ ಕಾರಿಗೆ ಸಂಬಂಧಿಸಿದ ಎಲ್ಲಾ ದಾಖಲೆಗಳು ಇದ್ದು, ಅಧಿಕೃತವಾಗಿಯೇ ಈ ಕಾರನ್ನು ವಿದೇಶದಿಂದ ತರಿಸಿಕೊಳ್ಳಲಾಗಿದೆ ಎಂದು ಮಾಲೀಕರು ಷರಾ ಬರೆದಿದ್ದಾರೆ.

ಈ ಕಾರು ಬ್ರಿಟಿಷ್​ ಕಂಪನಿ ತಯಾರು ಮಾಡುತ್ತೆ. ಈ ಕಾರು ಕೇವಲ 3.2 ಸೆಕೆಂಡ್​ಗಳಲ್ಲಿ 0-100 ಕಿಲೋ ಮೀಟರ್ ವೇಗವಾಗಿ ಚಲಿಸುತ್ತೆ. ಹಾಗೂ 9.6 ಸೆಕೆಂಡಿನಲ್ಲಿ 0-200 ಕಿಲೋ ಮೀಟರ್ ವೇಗ ಹೊಂದಿದೆ. ಒಟ್ಟಾರೆ ಈ ಕಾರು 328 ಕಿಲೋ ಮೀಟರ್ ವೇಗ ಹೊಂದಿದೆ.