Sripuram Golden Temple: ಅಪರೂಪದ ದಾಖಲೆ ಹೊಂದಿರುವ ಶ್ರೀಪುರಂ ಗೋಲ್ಡನ್ ಟೆಂಪಲ್! ಏನಿದರ ವೈಶಿಷ್ಟ್ಯ ತಿಳಿಯೋಣ
ತಮಿಳುನಾಡಿನ ವೆಲ್ಲೂರು (Vellore) ಜಿಲ್ಲೆಯಲ್ಲಿರುವ ಶ್ರೀಪುರಂ ಗೋಲ್ಡನ್ ಟೆಂಪಲ್ (Sripuram Golden Temple) ಮತ್ತೊಂದು ಅಪರೂಪದ ದಾಖಲೆಯನ್ನು ಹೊಂದಿದೆ. ಗೋಲ್ಡನ್ ಟೆಂಪಲ್ ತಿರುಪತಿ ಮತ್ತು ಕಾಣಿಪಾಕಂಗೆ ಹೋಗುವ ಭಕ್ತರು ಭೇಟಿ ಮಾಡಲೇಬೇಕಾದ ದೇವಾಲಯಗಳಲ್ಲಿ ಇದೂ ಒಂದಾಗಿದೆ.
ತಮಿಳುನಾಡಿನ ವೆಲ್ಲೂರು (Vellore) ಜಿಲ್ಲೆಯಲ್ಲಿರುವ ಶ್ರೀಪುರಂ ಗೋಲ್ಡನ್ ಟೆಂಪಲ್ (Sripuram Golden Temple) ಮತ್ತೊಂದು ಅಪರೂಪದ ದಾಖಲೆಯನ್ನು ಹೊಂದಿದೆ. ಗೋಲ್ಡನ್ ಟೆಂಪಲ್ ತಿರುಪತಿ ಮತ್ತು ಕಾಣಿಪಾಕಂಗೆ ಹೋಗುವ ಭಕ್ತರು ಭೇಟಿ ಮಾಡಲೇಬೇಕಾದ ದೇವಾಲಯಗಳಲ್ಲಿ ಇದೂ ಒಂದಾಗಿದೆ.
ಚಿನ್ನದ ಲಕ್ಷ್ಮಿ ದೇವಿ ವಿಗ್ರಹದ ಜೊತೆಗೆ, ವಿಶ್ವದ ಅತಿದೊಡ್ಡ 1,700 ಕೆಜಿ ಬೆಳ್ಳಿಯ ಶ್ರೀ ಶಕ್ತಿ ಗಣಪತಿ ವಿಗ್ರಹವು ಈ ದೇವಾಲಯದ ವಿಶೇಷ ಆಕರ್ಷಣೆಯಾಗಿದೆ. ಈ ಪ್ರತಿಮೆಯನ್ನು 25 ಜನವರಿ 2021 ರಂದು ಪ್ರತಿಷ್ಠಾಪಿಸಲಾಯಿತು.
ಇತ್ತೀಚಿಗೆ ಶಕ್ತಿ ಗಣಪತಿಯ ವಿಗ್ರಹವನ್ನು ಅಲಂಕರಿಸುವ ಕಿರೀಟ ಇನ್ನಷ್ಟು ವಿಶಿಷ್ಟ್ಯವಾಗಿ ಎದ್ದು ಕಾಣುತ್ತದೆ. ಈ ಕಿರೀಟದಲ್ಲಿ ಹುದುಗಿರುವ ಅಪರೂಪದ ವೈಢೂರ್ಯ ವಿಶ್ವದ ಅತಿದೊಡ್ಡ ವೈಢೂರ್ಯ ಎಂಬ ದಾಖಲೆಯನ್ನು ಸೃಷ್ಟಿಸಿದೆ. ಇದರಲ್ಲಿನ ವಜ್ರದ ತೂಕ ಸುಮಾರು 880 ಕ್ಯಾರೆಟ್ ನಷ್ಟಿದೆ. ಇಲ್ಲಿಯವರೆಗೆ, ವಿಶ್ವದ ಅತಿದೊಡ್ಡ ಪಚ್ಚೆ ವೈಢೂರ್ಯ ಕೇವಲ 700 ಕ್ಯಾರೆಟ್ ತೂಗುತ್ತದೆ.
ಸ್ವಾಭಾವಿಕವಾಗಿ ನವರತ್ನಗಳಿಗೆ ವಿಶೇಷ ಶಕ್ತಿಗಳಿವೆ. ಒಂಬತ್ತು ಗ್ರಹಗಳ ಶಕ್ತಿಗಳು ಅಲ್ಲಿ ಹೊರಹೊಮ್ಮುತ್ತವೆ ಎಂದು ಭಕ್ತರು ನಂಬುತ್ತಾರೆ. ಹೀಗೆ ನವರತ್ನಗಳಲ್ಲಿ ಒಂದಾದ ವೈಢೂರ್ಯ ಕೇತು ಗ್ರಹದ ಭಗವಂತನ ಶಕ್ತಿಯನ್ನು ಹೊರಸೂಸುತ್ತದೆ ಎಂದು ಶ್ರೀ ಶಕ್ತಿ ಅಮ್ಮನವರು ಕಿರೀಟ ಸ್ಥಾಪನೆಯ ಸಂದರ್ಭದಲ್ಲಿ ತಿಳಿಸಿದರು.
ಬೆಲೆ ಬಾಳುವ ವೈಢೂರ್ಯಗಳನ್ನು ಖರೀದಿಸಲು ಸಾಧ್ಯವಾಗದ ಭಕ್ತರು ಈ ಗಣಪತಿಯ ದರ್ಶನ ಪಡೆದು ಆಶೀರ್ವಾದ ಪಡೆಯಬಹುದು ಎಂದು ಶ್ರೀ ಶಕ್ತಿ ಅಮ್ಮನವರು ತಿಳಿಸಿದರು. ಆದಾಗ್ಯೂ, ತಿರುಪತಿ ಮತ್ತು ಕಾಣಿಪಾಕಂ ದರ್ಶನಕ್ಕೆ ಹೋಗುವ ಹೆಚ್ಚಿನ ಭಕ್ತರು ಈ ದೇವಾಲಯಕ್ಕೆ ಭೇಟಿ ನೀಡಲೇಬೇಕು.