Navratri 2021: ನವರಾತ್ರಿಯ ಒಂಭತ್ತು ದಿನಗಳ ಬಣ್ಣಗಳು ಯಾವುದು? ಅವುಗಳ ವಿಶೇಷತೆ ಏನು? ಇಲ್ಲಿ ಓದಿ

ಹಿಂದೂ ಸಮುದಾಯಕ್ಕೆ ನವರಾತ್ರಿ ಎಂಬುದು ಒಂದು ಮುಖ್ಯ ಹಬ್ಬ. ದೇಶದ ವಿವಿಧ ರಾಜ್ಯಗಳಲ್ಲಿ ಮಾತ್ರವಲ್ಲದೆ ವಿದೇಶಗಳಲ್ಲಿ ಕೂಡ ನವರಾತ್ರಿಯನ್ನು ಆಚರಣೆ ಮಾಡಲಾಗುತ್ತದೆ. ನವರಾತ್ರಿಯನ್ನು ಒಂಭತ್ತು ದಿನಗಳ ಕಾಲ ಆಚರಣೆ ಮಾಡಲಾಗುತ್ತದೆ. ಹತ್ತನೇ ದಿನವನ್ನು ವಿಜಯ ದಶಮಿ ಎಂದು ಕರೆಯಲಾಗುತ್ತದೆ. ಈ ಒಂಭತ್ತು ದಿನಗಳ ಕಾಲದಲ್ಲಿ ಭಕ್ತ ಜನರು ದೇವಿಯ 9 ಅವತಾರಗಳನ್ನು ಪೂಜಿಸುತ್ತಾರೆ. ಶುಕ್ಲ ಪಕ್ಷದಲ್ಲಿ ಈ ಹಬ್ಬ ಆಚರಿಸಲಾಗುತ್ತದೆ.

ಈ ವರ್ಷ ನವರಾತ್ರಿ ಹಬ್ಬವನ್ನು ಅಕ್ಟೋಬರ್ 7 ರಿಂದ ಅಕ್ಟೋಬರ್ 15 ರ ವರೆಗೆ ಆಚರಣೆ ಮಾಡಲಾಗುತ್ತದೆ. ಒಂಬತ್ತು ದಿನಗಳಲ್ಲಿ ಒಂಭತ್ತು ದೇವತೆಗಳನ್ನು ಪೂಜೆ ಮಾಡಲಾಗುತ್ತದೆ. ಈ ಒಂಭತ್ತು ದಿನಗಳಿಗೆ, ದೇವತಾ ಆರಾಧನೆ ಅನುಸಾರ ಒಂಭತ್ತು ಬಣ್ಣಗಳನ್ನು ಕೂಡ ಗುರುತಿಸಲಾಗಿದೆ. ಹಬ್ಬ ಸಮೀಪಿಸುತ್ತಿರುವ ಸಂದರ್ಭದಲ್ಲಿ ಒಂಭತ್ತು ದಿನಗಳ ಬಣ್ಣಗಳನ್ನು ಹಾಗೂ ಅದರ ವಿಶೇಷತೆಗಳನ್ನು ನಾವು ಇಲ್ಲಿ ನೀಡಿದ್ದೇವೆ.

Navratri 2021 Day 1: ಹಳದಿ
ನವರಾತ್ರಿಯ ಮೊದಲ ದಿನ ಪ್ರತಿಪಾದವನ್ನು ಈ ಬಾರಿ ಗುರುವಾರ ಆಚರಿಸಲಾಗುತ್ತದೆ. ಆ ದಿನದ ಬಣ್ಣ ಹಳದಿ. ಈ ದಿನದಂದು ಭಕ್ತರು ಶೈಲಪುತ್ರಿ ದೇವಿಯನ್ನು ಪೂಜೆ ಮಾಡುತ್ತಾರೆ,

Navratri 2021 Day 2: ಹಸಿರು
ಎರಡನೇ ದಿನವನ್ನು ದ್ವಿತೀಯ ಎಂದು ಹೇಳಲಾಗುತ್ತದೆ. ಈ ದಿನದಂದು ಭಕ್ತರು ಬ್ರಹ್ಮಚಾರಿಣಿಯನ್ನು ಪೂಜಿಸುತ್ತಾರೆ. ಈ ದಿನದ ಆಚರಣೆಗೆ ಹಸಿರು ಬಣ್ಣ ಸೂಕ್ತ. ಹಸಿರು ಪ್ರಕೃತಿ ಹಾಗೂ ಸಮೃದ್ಧಿಯ ಸಂಕೇತವೂ ಹೌದು.

Navratri 2021 Day 3: ಬೂದು
ನವರಾತ್ರಿಯ ಮೂರನೇ ದಿನ, ಅಂದರೆ ತ್ರಿತೀಯದಂದು ಬೂದು ಬಣ್ಣ ಆಯ್ಕೆ ಉತ್ತಮ. ಈ ದಿನ ಭಕ್ತರು ಚಂದ್ರಘಂಟಾ ದೇವಿಯನ್ನು ಭಜಿಸುತ್ತಾರೆ.

Navratri 2021 Day 4: ಕೇಸರಿ
ನಾಲ್ಕನೇ ದಿನದ ಬಣ್ಣ ಕೇಸರಿ ಆಗಿದೆ. ನಾಲ್ಕನೇ ದಿನ ಅಂದರೆ ಚತುರ್ಥಿಯಂದು ಕೇಸರಿ ಬಣ್ಣದ ಉಡುಪು ಧರಿಸುವುದು ಸೂಕ್ತ. ಈ ದಿನ ಜನರು ಕೂಷ್ಮಾಂಡಾ ದೇವಿಯನ್ನು ಪೂಜೆ ಮಾಡುತ್ತಾರೆ.

Navratri 2021 Day 5: ಬಿಳಿ
ಐದನೇ ದಿನ ಅಂದರೆ, ಪಂಚಮಿಯಂದು ದೇವಿಯ ಅನುಗ್ರಹ, ಹಬ್ಬದ ಸಂಭ್ರಮಕ್ಕೆ ಬಿಳಿ ಬಣ್ಣದ ಉಡುಪು ಧರಿಸಬಹುದು. ಬಿಳಿ ಬಣ್ಣವು ಶುದ್ಧತೆ, ಪ್ರಾಮಾಣಿಕತೆಯನ್ನು ಸೂಚಿಸುತ್ತದೆ. ಈ ದಿನದಂದು ಸ್ಕಂದಮಾತಾ ದೇವರನ್ನು ಪೂಜೆ ಮಾಡಲಾಗುತ್ತದೆ.

Navratri 2021 Day 6: ಕೆಂಪು
ನವರಾತ್ರಿಯ ಆರನೇ ದಿನ, ಷಷ್ಠಿಯಂದು ಕೆಂಪು ಬಣ್ಣದ ವಸ್ತ್ರ ಉಡುವುದು ಸೂಕ್ತ. ಕೆಂಪು ಆರೋಗ್ಯ, ಜೀವನ, ಧೈರ್ಯವನ್ನು ಸೂಚಿಸುತ್ತದೆ. ಈ ದಿನ ಕಾತ್ಯಾಯಿನಿ ದೇವಿಯನ್ನು ಪೂಜಿಸಲಾಗುತ್ತದೆ.

Navratri 2021 Day 7: ನೀಲಿ
ನವರಾತ್ರಿಯ ಏಳನೇ ದಿನ ಅಂದರೆ ಸಪ್ತಮಿಯಂದು ನೀಲಿ ಬಣ್ಣದ ಉಡುಪು ಧರಿಸುವುದು ಸೂಕ್ತ. ನೀಲಿ ಬಣ್ಣವು ಸಮೃದ್ಧು ಹಾಗೂ ಆರೋಗ್ಯವನ್ನು ಕೂಡ ಸೂಚಿಸುತ್ತದೆ. ಈ ದಿನ ಕಾಳರಾತ್ರಿ ಮಾತೆಯನ್ನು ಪೂಜಿಸಲಾಗುತ್ತದೆ.

Navratri 2021 Day 8: ಪಿಂಕ್
ನವರಾತ್ರಿಯ ಎಂಟನೇ ಅಥವಾ ಅಷ್ಟಮಿಯ ದಿನದಂದು ಪಿಂಕ್ ಆಥವಾ ತಿಳಿ ಕೆಂಪು ಬಣ್ಣದ ವಸ್ತ್ರವನ್ನು ಧರಿಸಬಹುದು. ಈ ಬಣ್ಣವು ವಿಶ್ವ ಪ್ರೇಮ, ವಾತ್ಸಲ್ಯದ ಸಂಕೇತ ಆಗಿದೆ. ಇದು ಸಹಬಾಳ್ವೆಯ ಗುರುತು ಕೂಡ ಹೌದು. ಎಂಟನೇ ದಿನದಂದು ಮಹಾಗೌರಿ ದೇವಿಯ ಪೂಜೆ ಮಾಡಲಾಗುತ್ತದೆ.

Navratri 2021 Day 9: ನೇರಳೆ
ನವರಾತ್ರಿಯ ಕೊನೆಯ ಹಾಗೂ ಒಂಭತ್ತನೇ (ನವಮಿ) ದಿನದಂದು ನೇರಳೆ ಬಣ್ಣದ ವಸ್ತ್ರ ಧರಿಸುವುದು ಸೂಕ್ತ. ಈ ಬಣ್ಣವು ಶಕ್ತಿಯನ್ನು ಬಿಂಬಿಸುತ್ತದೆ. ನವಮಿಯ ದಿನದಂದು ಸಿದ್ದಿಧಾತ್ರಿ ದೇವಿಯ ಆರಾಧನೆ ಮಾಡಲಾಗುತ್ತದೆ.

(ಇಲ್ಲಿ ನೀಡಲಾಗಿರುವ ಮಾಹಿತಿಯು ಧಾರ್ಮಿಕ, ಸಾಂಪ್ರದಾಯಿಕ ಅಥವಾ ಆಚರಣೆಯ ನಂಬಿಕೆಗೆ ಅನುಸಾರ ಆಗಿರುವಂಥದ್ದು ಮಾತ್ರ)

ಇದನ್ನೂ ಓದಿ: Navratri 2021: ನವರಾತ್ರಿಯ ಮಹತ್ವವೇನು? ದುರ್ಗಾದೇವಿಗೆ ಅರ್ಪಿತವಾದ ಈ ಹಬ್ಬವನ್ನು ಏಕೆ ಆಚರಿಸಲಾಗುತ್ತೆ?

ಇದನ್ನೂ ಓದಿ: Navaratri 2021: ನವರಾತ್ರಿಯಲ್ಲಿ ವಿಶೇಷ ಪೂಜೆ ಸಲ್ಲಿಸುವ ಭಾರತದ ಪ್ರಮುಖ ದೇವಿಯರ ದೇವಸ್ಥಾನಗಳು ಇಲ್ಲಿವೆ