Navratri 2023: 52 ದೇವಿ ಶಕ್ತಿಪೀಠಗಳು -ಈ ನವರಾತ್ರಿಯಲ್ಲಿ ಅವುಗಳನ್ನು ಭೇಟಿ ಮಾಡಿ.. ನಿಮ್ಮ ಇಷ್ಟಾರ್ಥಗಳು ಈಡೇರುತ್ತವೆ

ಈ ವರ್ಷ ಶಾರದೆಯ ನೂತನ ಸಂವತ್ಸರವು ಭಾನುವಾರ ಅಕ್ಟೋಬರ್ 15, 2023 ರಿಂದ ಪ್ರಾರಂಭವಾಗುತ್ತದೆ. ಒಂಬತ್ತು ದಿನಗಳಲ್ಲಿ ದುರ್ಗಾದೇವಿಯನ್ನು ಒಂಬತ್ತು ರೂಪಗಳಲ್ಲಿ (ನವರಾತ್ರಿ Navratri 2023) ಪೂಜಿಸಲಾಗುತ್ತದೆ. ಭಕ್ತರು ಅಮ್ಮನವರ ದೇವಸ್ಥಾನಗಳಿಗೆ ಭೇಟಿ ನೀಡುತ್ತಾರೆ. ದುರ್ಗಾ ದೇವಿಯನ್ನು ಶುದ್ಧ ಹೃದಯದಿಂದ ಪೂಜಿಸಲಾಗುತ್ತದೆ. ಒಟ್ಟಾರೆ ದೇವಿಯ 52 ಶಕ್ತಿಪೀಠಗಳು ಇವೆ. ಈ ಶಕ್ತಿ ಪೀಠಗಳು ಭಾರತದಲ್ಲಿ ಮಾತ್ರವಲ್ಲದೆ ಶ್ರೀಲಂಕಾ, ಪಾಕಿಸ್ತಾನ ಮತ್ತು ನೇಪಾಳದಂತಹ ಮೂರು ದೇಶಗಳಲ್ಲಿಯೂ ಇವೆ. ಇಂದು ನಾವು ವಿವಿಧ ಭಾಗಗಳಲ್ಲಿ ನೆಲೆಗೊಂಡಿರುವ 52 ಶಕ್ತಿಪೀಠದ ದೇವತೆಗಳ ಬಗ್ಗೆ ತಿಳಿದುಕೊಳ್ಳೋಣ. ವಾಸ್ತವವಾಗಿ, ಸನಾತನ ಧರ್ಮದಲ್ಲಿ ಶಕ್ತಿಪೀಠದ ಆರಾಧನೆಗೆ ವಿಶೇಷ ಮಹತ್ವವಿದೆ. ಈ ಶಕ್ತಿಪೀಠಗಳಲ್ಲಿ (Shakti Pithas) ದೇವಿಯರನ್ನು ಪೂಜಿಸುವುದರಿಂದ ಇಷ್ಟಾರ್ಥಗಳು ನೆರವೇರುತ್ತವೆ ಎಂಬ ನಂಬಿಕೆ ಇದೆ. ಈ ಶಕ್ತಿಪೀಠಗಳ ಹಿಂದೆ ಪೌರಾಣಿಕ ಕಥೆಗಳೂ ಇವೆ.

ಇದರ ಪ್ರಕಾರ ಒಮ್ಮೆ ದಕ್ಷನು ತನ್ನ ಅರಮನೆಯಲ್ಲಿ ಯಾಗವನ್ನು ಏರ್ಪಡಿಸಿದನು. ಆದರೆ ಅವನು ತನ್ನ ಮಗಳು ಸತಿ ಮತ್ತು ಅಳಿಯ ಶಂಕರನನ್ನು ಈ ಯಾಗಕ್ಕೆ ಆಹ್ವಾನಿಸಲಿಲ್ಲ. ಆದರೆ, ಸತಿದೇವಿ ತನ್ನ ತಂದೆ ಆಯೋಜಿಸಿದ್ದ ಯಾಗ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಯಾಗದ ಸಭಾಂಗಣಕ್ಕೆ ಬಂದಿದ್ದಳು. ಅಲ್ಲಿ ತಂದೆ ದಕ್ಷನು ತನ್ನ ಮಗಳ ಮುಂದೆ ಶಿವನನ್ನು ಅವಮಾನಿಸಲು ಪ್ರಾರಂಭಿಸಿದನು. ಪತಿಯ ಅವಮಾನವನ್ನು ಸಹಿಸಲಾಗದೆ ಸತಿದೇವಿ ಅಲ್ಲಿನ ಯಜ್ಞಕ್ಕೆ ಹಾರಿ ಪ್ರಾಣ ತ್ಯಾಗ ಮಾಡಿದಳು.

Also read:  Masa Shivaratri -ಉತ್ತರಾಖಂಡದ ಹಿಮಾಚ್ಛಾದಿತ ಬೆಟ್ಟಗಳ ಮಧ್ಯೆ ಪಿಥೋರಗಢದ ಪಾರ್ವತಿ ಕುಂಡದಲ್ಲಿ ಪ್ರಧಾನಿ ನರೇಂದ್ರ ಮೋದಿ ವಿಶೇಷ ಪೂಜೆ, ವೀಕ್ಷಿಸಿ

ಇದನ್ನು ತಿಳಿದ ಶಿವ ಶಂಕರ ತೀವ್ರ ಕೋಪಗೊಂಡು ಪತ್ನಿ ಸತಿದೇವಿಯ ಮೃತದೇಹವನ್ನು ಹೆಗಲ ಮೇಲೆ ಹೊತ್ತುಕೊಂಡು ಶಿವತಾಂಡವ ಶುರುವಿಟ್ಟುಕೊಂಡ. ಈ ಸಮಯದಲ್ಲಿ, ಶಂಕರನ ಕೋಪವನ್ನು ಶಮನಗೊಳಿಸಲು, ವಿಷ್ಣುವು ತನ್ನ ಸುದರ್ಶನ ಚಕ್ರದಿಂದ ಸತಿದೇವಿಯ ದೇಹಕ್ಕೆ ಬಾಣ ಬಿಟ್ಟನು. ಆಗ ಸತಿದೇವಿಯ ದೇಹವು ತುಂಡುಗಳಾಗಿ ನೆಲದ ಮೇಲೆ ಬಿದ್ದಿತು. ದೇಹದ ಅಂಗಗಳು ಬಿದ್ದ ಜಾಗಗಳಲ್ಲಿ ಶಕ್ತಿಪೀಠಗಳನ್ನು ಸ್ಥಾಪಿಸಲಾಯಿತು. ಭೈರವನ (ಶಿವ) ಸಹಾಯದಿಂದ ಸತೀದೇವಿಯ ಬೆನ್ನಿಗೆ ಪ್ರತಿಯೊಂದು ಶಕ್ತಿಯು ಗೋಚರಿಸುತ್ತದೆ. ಅಮ್ಮವಾರಿ ಶಕ್ತಿ ಪೀಠದ ದೇವಾಲಯಗಳು ಎಲ್ಲಿವೆ ಎಂಬುದನ್ನು ತಿಳಿದುಕೊಳ್ಳೋಣ.

ತಾಯಿ ಸತಿದೇವಿಯ 52 ಶಕ್ತಿಪೀಠಗಳು

1. ಮಣಿಕರ್ಣಿಕಾ ಘಾಟ್: ಇದು ಉತ್ತರ ಪ್ರದೇಶದ ವಾರಣಾಸಿಯಲ್ಲಿದೆ. ಮಣಿಕರ್ಣಿಕಾ ಎಂದರೆ ಸತಿದೇವಿಯ ಕರ್ಣಾಭರಣಗಳು ಈ ಭಾಗದ;ಲ್ಲಿ ಬಿದ್ದವು ಎಂಬ ಪ್ರತೀತಿ ಇದೆ.

2. ಮಾತಾ ಲಲಿತಾ ದೇವಿ ಶಕ್ತಿ ಪೀಠ – ಇದು ಪ್ರಯಾಗರಾಜ್‌ನಲ್ಲಿದೆ. ಸತಿದೇವಿಯ ಕೈ ಇಲ್ಲಿ ಬಿದ್ದಿತು.

3. ರಾಮಗಿರಿ ಶಕ್ತಿ ಪೀಠ – ಇದು ಉತ್ತರ ಪ್ರದೇಶದ ಚಿತ್ರಕೂಟದಲ್ಲಿದೆ. ಸತೀದೇವಿಯ ಬಲ ಸ್ತನ ಈ ಪ್ರದೇಶದಲ್ಲಿ ಬಿದ್ದಿತು.

4. ಕಾತ್ಯಾಯನಿ ಶಕ್ತಿ ಪೀಠ – ಇದು ವೃಂದಾವನದಲ್ಲಿದೆ. ಸತೀದೇವಿಯ ಕೂದಲು ಗಂಟು, ಕಣ್ಣುಗಳು ಇಲ್ಲಿ ಬಿದ್ದವು.

5. ದೇವಿ ಪಟಾನ್ ದೇವಾಲಯ – ಇದು ಉತ್ತರ ಪ್ರದೇಶದ ಬಲರಾಮ್‌ಪುರದಲ್ಲಿದೆ. ತಾಯಿಯ ಎಡ ಭುಜವು ಇಲ್ಲಿ ಬಿದ್ದಿದೆ ಎಂದು ನಂಬಲಾಗಿದೆ.

6. ಹರಸಿದ್ಧಿ ದೇವಿ ಶಕ್ತಿ ಪೀಠ – ಸತಿದೇವಿ ಮುಂಗೈ ಬಿದ್ದ ಪ್ರದೇಶ. ಇದು ಮಧ್ಯಪ್ರದೇಶದಲ್ಲಿದೆ.

7. ಷೊಂಡೇವ್ ನರ್ಮತಾ ಶಕ್ತಿ ಪೀಠ – ಮಧ್ಯಪ್ರದೇಶದ ಅಮರಕಂಟಕ್‌ನಲ್ಲಿದೆ, ಪೌರಾಣಿಕ ಕಥೆಯಂತೆ ಸತಿದೇವಿ ಬಲಗಾಲು ಇಲ್ಲಿ ಬಿದ್ದಿದೆ.

8. ನೈನಾ ದೇವಿ ದೇವಸ್ಥಾನ – ಹಿಮಾಚಲ ಪ್ರದೇಶದ ಬಿಲಾಸ್​​ಪುರದಲ್ಲಿರುವ ಶಿವಾಲಿಕ್ ಪರ್ವತಗಳ ಮೇಲೆ ಇದೆ. ಸತಿದೇವಿಯ ಕಣ್ಣುಗಳು ಇಲ್ಲಿ ಬಿದ್ದವು.

9. ಜ್ವಾಲಾಮುಖಿ ಶಕ್ತಿ ಪೀಠ – ಈ ಶಕ್ತಿ ಪೀಠದಲ್ಲಿ ದೇವಿಯ ನಾಲಿಗೆ ಬಿದ್ದಿದೆ. ಇದು ಹಿಮಾಚಲದ ಕಾಂಗ್ರಾದಲ್ಲಿದೆ.

10. ತ್ರಿಪುರಮಾಲಿನಿ ಶಕ್ತಿ ಪೀಠ – ಈ ಶಕ್ತಿ ಪೀಠವು ಪಂಜಾಬ್‌ನ ಜಲಂಧರ್‌ನಲ್ಲಿದೆ. ಇಲ್ಲಿ ಸತಿದೇವಿಯ ಎಡ ಭುಜ ಬಿದ್ದಿತು.

11. ಪಹಲ್ಗಾಂವ್ ಶಕ್ತಿ ಪೀಠ – ಈ ಶಕ್ತಿ ಪೀಠವು ಕಾಶ್ಮೀರದಲ್ಲಿದೆ. ಸತಿದೇವಿಯ ಕತ್ತು ಬಿದ್ದಿತು.

12. ಸಾವಿತ್ರಿ ಶಕ್ತಿ ಪೀಠ – ಈ ದೇವಾಲಯವು ಹರಿಯಾಣದ ಕುರುಕ್ಷೇತ್ರದಲ್ಲಿದೆ. ಇಲ್ಲಿ ತಾಯಿಯ ಪಾದಗಳು ಬಿದ್ದವು.

13. ಮಣಿಬಂಧ ಶಕ್ತಿ ಪೀಠ – ಈ ದೇವಾಲಯವು ಅಜ್ಮೀರ್‌ನ ಪುಷ್ಕರ್‌ನಲ್ಲಿದೆ. ಇಲ್ಲಿ ಸತಿದೇವಿಯ ಎರಡು ಭಾಗಗಳು ಬಿದ್ದವು.

14. ವಿರಾಟ ಶಕ್ತಿ ಪೀಠ – ಸತಿ ದೇವಿ ಎಡ ಪಾದ ಇಲ್ಲಿ ಬಿದ್ದಿತು. ಇದು ರಾಜಸ್ಥಾನದಲ್ಲಿದೆ.

15. ಅಂಬಾ ಶಕ್ತಿ ಪೀಠ ದೇವಾಲಯ – ಈ ದೇವಾಲಯವು ಗುಜರಾತ್ ನಲ್ಲಿದೆ. ಇಲ್ಲಿ ತಾಯಿಯ ಹೃದಯ ಬಿದ್ದಿದೆ.

16. ಚಂದ್ರಭಾಗ ಶಕ್ತಿ ಪೀಠ – ಈ ದೇವಾಲಯವು ಗುಜರಾತ್‌ನ ಜುನಾಗಢದಲ್ಲಿದೆ. ಸತಿದೇವಿಯ ಹೊಟ್ಟೆ ಇಲ್ಲಿ ಬಿದ್ದಿತು.

17. ಶ್ರೀ ಭ್ರಮರಿ ಶಕ್ತಿ ಪೀಠ – ಈ ದೇವಾಲಯವು ಮಹಾರಾಷ್ಟ್ರದಲ್ಲಿದೆ. ತಾಯಿಯ ಕೆನ್ನೆ ಭಾಗ ಇಲ್ಲಿ ಬಿದ್ದಿತು.

18. ಮನಬಡಿ ಪರ್ವತ ಶಿಖರ ಶಕ್ತಿ ಪೀಠ – ಈ ದೇವಾಲಯವು ತ್ರಿಪುರಾದಲ್ಲಿದೆ. ತಾಯಿಯ ಬಲಗಾಲು ಇಲ್ಲಿ ಬಿದ್ದಿತು.

19. ಕಪಾಲಿನಿ ಶಕ್ತಿ ಪೀಠ – ಈ ಶಕ್ತಿ ಪೀಠವು ಬಂಗಾಳದಲ್ಲಿದೆ. ತಾಯಿಯ ಬಲ ಭುಜ ಭಾಗವು ಇಲ್ಲಿ ಬಿದ್ದಿತು.

20. ದೇವಿ ಕುಮಾರಿ ಶಕ್ತಿ ಪೀಠ – ಬಂಗಾಳದ ಹೂಗ್ಲಿಯಲ್ಲಿ ಸತಿ ದೇವಿಯ ಬಲ ಭುಜ ಬಿದ್ದಿದೆ.

21. ವಿಮಲಾ ಶಕ್ತಿ ಪೀಠ – ಬಂಗಾಳದ ಮುರ್ಷಿದಾಬಾದ್‌ನಲ್ಲಿ ಸತಿದೇವಿಯ ಕಿರೀಟವು ಬಿದ್ದಿತು.

22. ತ್ರಿಸ್ರೋಷ್ಟಕ ಭ್ರಮರಿ ಶಕ್ತಿ ಪೀಠ – ಈ ಶಕ್ತಿ ಪೀಠವು ಬಂಗಾಳದ ಜಲಪಾಯ್​​ಗುರಿಯಲ್ಲಿದೆ. ತಾಯಿಯ ಎಡಗಾಲು ಇಲ್ಲಿ ಬಿದ್ದಿತು.

23. ಬಹುಳಾ ದೇವಿ ಶಕ್ತಿ ಪೀಠ – ಪಶ್ಚಿಮ ಬಂಗಾಳದ ವರ್ಧಮಾನ್‌ನಲ್ಲಿರುವ ಈ ದೇವಾಲಯದಲ್ಲಿ, ಸತಿದೇವಿಯ ಎಡಗೈಯನ್ನು ಇಲ್ಲಿ ಪೂಜೆ ಮಾಡಲಾಗುತ್ತದೆ.

24. ಶ್ರೀ ಮಂಗಳ ಚಂಡಿಕಾ ಶಕ್ತಿ ಪೀಠ – ಈ ಶಕ್ತಿ ಪೀಠವು ಪಶ್ಚಿಮ ಬಂಗಾಳದ ಉಜ್ಜಯಿನಿಯಲ್ಲಿದೆ. ತಾಯಿಯ ಬಲ ಮಣಿಕಟ್ಟು ಇಲ್ಲಿದೆ.

25. ಮಹಿಷಮರ್ದಿನಿ ಶಕ್ತಿ ಪೀಠ – ಇದು ಪಶ್ಚಿಮ ಬಂಗಾಳದ ವಕ್ರೇಶ್ವರದಲ್ಲಿದೆ. ಸತಿದೇವಿಯ ಕಣ್ಣು ಹುಬ್ಬು ಇಲ್ಲಿ ಬಿದ್ದಿದೆ.

26. ನಲ್ಹಟಿ ಶಕ್ತಿ ಪೀಠ – ಪಶ್ಚಿಮ ಬಂಗಾಳದ ಬಿರ್ಭೂಮ್‌ನಲ್ಲಿರುವ ನಲ್ಹಟಿಯಲ್ಲಿ ಸತಿ ದೇವಿಯ ಕಾಲಿನ ಮೂಳೆ ಬಿದ್ದ ದೇವಾಲಯವಿದೆ.

27. ಇಂದ್ರಾಕ್ಷಿ ಶಕ್ತಿ ಪೀಠ – ಶ್ರೀಲಂಕಾದ ಜಾಫ್ನಾ ನಲ್ಲೂರಿನಲ್ಲಿ ದೇವಿ ಹಿಮ್ಮಡಿ ಬಿದ್ದಿತು.

28. ಗುಹೇಶ್ವರಿ ಶಕ್ತಿ ಪೀಠ – ಈ ಶಕ್ತಿ ಪೀಠವು ನೇಪಾಳದ ಪಶುಪತಿನಾಥ ದೇವಾಲಯದಿಂದ ಸ್ವಲ್ಪ ದೂರದಲ್ಲಿದೆ. ಸತಿದೇವಿಯ ಎರಡು ಮೊಣಕಾಲು ಇಲ್ಲಿ ಬಿದ್ದವು.

29. ಆದ್ಯ ಶಕ್ತಿ ಪೀಠ – ಈ ಶಕ್ತಿ ಪೀಠವು ನೇಪಾಳದ ಗಂಡಕ್ ನದಿಯ ಸಮೀಪದಲ್ಲಿದೆ. ಸತಿ ದೇವಿಯ ಎಡಗೆನ್ನೆ ಇಲ್ಲಿ ಬಿದ್ದಿದೆ ಎಂದು ನಂಬಲಾಗಿದೆ.

30. ದಂತಕಾಳಿ ಶಕ್ತಿ ಪೀಠ – ಈ ಶಕ್ತಿ ಪೀಠವು ನೇಪಾಳದ ಬಿಜಯಪುರ ಗ್ರಾಮದಲ್ಲಿದೆ. ಇಲ್ಲಿ ಸತಿದೇವಿಯ ಹಲ್ಲುಗಳು ಬಿದ್ದವು.

31. ಮಾನಸ ಶಕ್ತಿ ಪೀಠ – ಇದು ಟಿಬೆಟ್‌ನ ಮಾನಸ ಸರೋವರ ನದಿಯ ಬಳಿ ಇದೆ. ಇಲ್ಲಿ ಸತಿದೇವಿಯ ಬಲ ಮುಂಗೈ ಬಿದ್ದಿದೆ.

32. ಮಿಥಿಲಾ ಶಕ್ತಿ ಪೀಠ – ಈ ಶಕ್ತಿ ಪೀಠವು ಭಾರತ-ನೇಪಾಳ ಗಡಿಯಲ್ಲಿದೆ. ಇಲ್ಲಿ ಸತಿದೇವಿಯ ಎಡ ಭುಜ ಬಿದ್ದಿತು.

33. ಹಿಂಗ್ಲಾಜ್ ಶಕ್ತಿ ಪೀಠ – ಈ ಶಕ್ತಿ ಪೀಠವು ಪಾಕಿಸ್ತಾನದ ಬಲೂಚಿಸ್ತಾನದಲ್ಲಿದೆ. ಸತಿದೇವಿಯ ತಲೆ ಇಲ್ಲಿ ಬಿದ್ದಿತು.

34. ಪುಲ್ಲಾರ ದೇವಿ ಶಕ್ತಿ ಪೀಠ – ಈ ದೇವಾಲಯವು ಪಶ್ಚಿಮ ಬಂಗಾಳದ ಅಥಾಸ್‌ನಲ್ಲಿದೆ. ಇಲ್ಲಿ ಸತಿದೇವಿ ತುಟಿಗಳು ಬಿದ್ದಿವೆ.

35. ನಂದಿಪುರ ಶಕ್ತಿ ಪೀಠ – ಈ ಶಕ್ತಿಪೀಠವು ಪಶ್ಚಿಮ ಬಂಗಾಳದಲ್ಲಿದೆ. ಸತಿದೇವಿಯ ಹಾರ ಇಲ್ಲಿ ಬಿದ್ದಿತು.

ಅಲ್ಲದೆ ಪೀಠಂ ಶಕ್ತಿ ಪೀಠ, ಕಾಳಿಕಾ ಕಾಳಿಕಾ ದೇವಿ ಶಕ್ತಿ ಪೀಠ, ಕಂಚಿ ಶಕ್ತಿ ಪೀಠ, ಭದ್ರಕಾಳಿ ಶಕ್ತಿ ಪೀಠ, ಸರ್ವಶೈಲ ರಾಮೇಂದ್ರಿ ಶಕ್ತಿ ಪೀಠ, ಶ್ರೀಶೈಲಪೀಠ, ಕಾಮಾಖ್ಯ ಶಕ್ತಿ ಪೀಠ, ಸುಗಂಧ ಶಕ್ತಿ ಪೀಠ, ಜಯಂತಿ ಶಕ್ತಿ ಪೀಠ, ಶ್ರೀಶೆಲ್ಮ ಮಹಾಲಕ್ಷ್ಮಿ, ಯಶೋಧರೇಶ್ವರಿ ಮಾತಾ ಶಕ್ತಿ ಪೀಠಗಳಂತಹ ಇನ್ನೂ 17 ಶಕ್ತಿಪೀಠಗಳಿವೆ.

ಹೆಚ್ಚಿನ ಆಧ್ಯಾತ್ಮಿಕ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ