Shravan 2025: ಶ್ರಾವಣ ಮಾಸದಲ್ಲಿ ಶಿವನಿಗೆ ರುದ್ರಾಭಿಷೇಕ ಮಾಡುವುದರಿಂದ ಏನು ಲಾಭ?

ಪ್ರಾಚೀನ ಗ್ರಂಥಗಳು ಮತ್ತು ದಂತಕಥೆಗಳ ಪ್ರಕಾರ, ಶಿವನ ಆಶೀರ್ವಾದ ಪಡೆಯಲು ರುದ್ರಾಭಿಷೇಕವು ಅತ್ಯುತ್ತಮ ಮಾರ್ಗವಾಗಿದೆ. ಪ್ರದೋಷ, ಮಾಸ ಶಿವರಾತ್ರಿ, ಮಹಾ ಶಿವರಾತ್ರಿ, ಶ್ರಾವಣ ಮತ್ತು ಕಾರ್ತಿಕ ಮಾಸಗಳಲ್ಲಿ ಶಿವನ ಆಶೀರ್ವಾದಕ್ಕಾಗಿ ರುದ್ರಾಭಿಷೇಕ ಮಾಡುವುದರಿಂದ ಹಲವು ರೀತಿಯ ಫಲಿತಾಂಶಗಳು ದೊರೆಯುತ್ತವೆ ಮತ್ತು ಅದು ಹಲವು ಪಟ್ಟು ಹೆಚ್ಚಾಗುತ್ತದೆ ಎಂದು ನಂಬಲಾಗಿದೆ. ಈ ಸಂದರ್ಭದಲ್ಲಿ, ಶ್ರಾವಣ ಮಾಸದ ಮಾಸ ಶಿವರಾತ್ರಿಯ ದಿನದಂದು ರುದ್ರಾಭಿಷೇಕ ಮಾಡುವುದರಿಂದ ಏನೆಲ್ಲಾ ಫಲಿತಾಂಶಗಳು ದೊರೆಯುತ್ತವೆ ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ರುದ್ರಾಭಿಷೇಕ ಮಾಡುವಾಗ ಪಠಿಸಬೇಕಾದ ಮಂತ್ರ:

ರುದ್ರಾಭಿಷೇಕದ ಪ್ರಮುಖ ಮಂತ್ರವೆಂದರೆ “ಓಂ ನಮೋ ಭಗವತೇ ರುದ್ರಾಯ”. ಇದು ಶಿವನ ಉಗ್ರ ರೂಪವಾದ ರುದ್ರನನ್ನು ಸ್ತುತಿಸುವ ಮಂತ್ರವಾಗಿದೆ. ರುದ್ರಾಭಿಷೇಕದ ಸಮಯದಲ್ಲಿ, ಈ ಮಂತ್ರದೊಂದಿಗೆ ನಾಮಕಂ, ಚಮಕಂ ಮತ್ತು ಪುರುಷ ಸೂಕ್ತಂ ಮುಂತಾದ ಮಂತ್ರಗಳನ್ನು ಸಹ ಪಠಿಸಲಾಗುತ್ತದೆ.

ರುದ್ರಾಭಿಷೇಕ ಮಾಡುವುದು ಹೇಗೆ?

ರುದ್ರಾಭಿಷೇಕವು ಶಿವಲಿಂಗಕ್ಕೆ ಪಂಚಾಮೃತ, ಹಾಲು, ಮೊಸರು, ಜೇನುತುಪ್ಪ, ತುಪ್ಪ ಇತ್ಯಾದಿಗಳಿಂದ ಅಭಿಷೇಕ ಮಾಡುವ ಪವಿತ್ರ ಆಚರಣೆಯಾಗಿದೆ.

ಇದನ್ನೂ ಓದಿ: ಮನೆಯಲ್ಲಿ ನಟರಾಜನ ಪ್ರತಿಮೆ ಇಡಬಾರದು ಎಂದು ಹೇಳುವುದೇಕೆ?

ರುದ್ರಾಭಿಷೇಕದ ಪ್ರಯೋಜನಗಳು:

1. ನಂಬಿಕೆಗಳ ಪ್ರಕಾರ, ಶಿವನಿಗೆ ರುದ್ರಾಭಿಷೇಕ ಮಾಡುವುದರಿಂದ ಅನೇಕ ಪ್ರಯೋಜನಗಳಿವೆ. ಶಿವನಿಗೆ ರುದ್ರಾಭಿಷೇಕ ಮಾಡುವುದರಿಂದ ಎಲ್ಲಾ ಆಸೆಗಳು ಈಡೇರುತ್ತವೆ ಎಂದು ನಂಬಲಾಗಿದೆ.
2. ತೀರ್ಥಕ್ಷೇತ್ರದ ನೀರಿನಿಂದ ಶಿವನಿಗೆ ರುದ್ರಾಭಿಷೇಕ ಮಾಡುವುದರಿಂದ ಮೋಕ್ಷ ಪ್ರಾಪ್ತಿ.
3. ಶಿವನಿಗೆ ಹಸುವಿನ ಹಾಲಿನಿಂದ ಅಭಿಷೇಕ ಮಾಡುವುದರಿಂದ ಪುತ್ರ ಸಂತಾನ ಪ್ರಾಪ್ತಿ.
4. ಶಿವ ರುದ್ರಾಭಿಷೇಕ ಮಾಡುವುದರಿಂದ ಕಾಲಸರ್ಪ ದೋಷದ ಪರಿಣಾಮ ಕಡಿಮೆಯಾಗುತ್ತದೆ.
5. ರುದ್ರಾಭಿಷೇಕ ಮಾಡುವುದರಿಂದ ಜಾತಕದಲ್ಲಿನ ಎಲ್ಲಾ ದೋಷಗಳು ನಿವಾರಣೆ.
6. ರುದ್ರಾಭಿಷೇಕ ಮಾಡುವುದರಿಂದ ಆರೋಗ್ಯ ಮತ್ತು ದೀರ್ಘಾಯುಷ್ಯ ದೊರೆಯುತ್ತದೆ ಎಂದು ನಂಬಲಾಗಿದೆ, ವಿಶೇಷವಾಗಿ ದೀರ್ಘಕಾಲದ ಕಾಯಿಲೆಗಳಿಂದ ಬಳಲುತ್ತಿರುವವರಿಗೆ ಪರಿಹಾರ ದೊರೆಯುತ್ತದೆ.
7. ರುದ್ರಭಿಷೇಕವು ಮಾನಸಿಕ ಶಾಂತತೆ, ಆಂತರಿಕ ಶಾಂತಿಯನ್ನು ತರುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆ ಎಂದು ನಂಬಲಾಗಿದೆ.

ಮತ್ತಷ್ಟು ಆಧ್ಯಾತ್ಮಿಕ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ