Chandra Grahana: ಚಂದ್ರ ಗ್ರಹಣ ಸಮಯದಲ್ಲಿ ಜಾತಕದಲ್ಲಿ ಚಂದ್ರ ದೋಷ ಮತ್ತು ಶನಿ ದೋಷ ಇರುವವರು ಹೀಗೆ ಮಾಡಿ

ಹಿಂದೂ ಪಂಚಾಂಗದ ಪ್ರಕಾರ ಇಂದು ರಾತ್ರಿ ಸಂಭವಿಸುವ ಚಂದ್ರಗ್ರಹಣವು ವರ್ಷದ ಎರಡನೇ ಮತ್ತು ಕೊನೆಯ ಗ್ರಹಣವಾಗಿದೆ. ಪಂಚಾಂಗದ ಪ್ರಕಾರ ಇಂದು ರಾಹುಸ್ತ ಚಂದ್ರಗ್ರಹಣ ಆಗಲಿದೆ. ಈ ಚಂದ್ರಗ್ರಹಣ ಭಾರತದಲ್ಲಿ ಭಾಗಶಃ ಇರುತ್ತದೆ. ಆದರೂ ಈ ಗ್ರಹಣವು ನಮ್ಮ ದೇಶದಲ್ಲಿ ಪ್ರಭಾವ ಬೀರಲಿದೆ. ಇದರೊಂದಿಗೆ ಗ್ರಹಣ ಗ್ರಹಿಕೆಯ ಎಲ್ಲಾ ನಿಯಮಗಳು ಅನ್ವಯಿಸುತ್ತವೆ. ರಾಷ್ಟ್ರ ರಾಜಧಾನಿ ನವದೆಹಲಿಯ ಸಮಯವನ್ನು ಆಧರಿಸಿದ ಪಂಚಾಂಗದ ಪ್ರಕಾರ, ಚಂದ್ರಗ್ರಹಣವು ಅಕ್ಟೋಬರ್ 28-29 ಮಧ್ಯರಾತ್ರಿ 01:06 AM ಕ್ಕೆ ಪ್ರಾರಂಭವಾಗುತ್ತದೆ ಮತ್ತು 02:22 AM ಕ್ಕೆ ಕೊನೆಗೊಳ್ಳುತ್ತದೆ. ಆದರೆ ಗ್ರಹಣದ ಸೂತಕದ ಅವಧಿಯು 9 ಗಂಟೆಗೂ ಮೊದಲು ಆರಂಭವಾಗಿ ಶನಿವಾರ ಸಂಜೆ 4 ಗಂಟೆಯಿಂದ ಇರುತ್ತದೆ. ಚಂದ್ರಗ್ರಹಣದ ಒಟ್ಟು ಅವಧಿ 01 ಗಂಟೆ 16 ನಿಮಿಷ 16 ಸೆಕೆಂಡುಗಳು. ಈ ಗ್ರಹಣದ ವೈಶಿಷ್ಟ್ಯಗಳನ್ನು ವಿವರವಾಗಿ ತಿಳಿಯೋಣ.

ಚಂದ್ರಗ್ರಹಣದ ಸಮಯದಲ್ಲಿ ಮಾಡಬೇಕಾದ ಪರಿಹಾರಗಳು

ಹಿಂದೂ ನಂಬಿಕೆಯ ಪ್ರಕಾರ ಚಂದ್ರಗ್ರಹಣದ ದಿನದಂದು ದೇವಿಯ ವಿಗ್ರಹಗಳನ್ನು ಸ್ಪರ್ಶಿಸುವುದು ಅಥವಾ ಪೂಜಿಸುವುದು ನಿಷೇಧಿಸಲಾಗಿದೆ. ಗ್ರಹಣದ ಸಮಯವು ಸಾಧಕರಿಗೆ ಬಹಳ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ನೀವು ಮಂತ್ರವನ್ನು ಪಠಿಸುವ ಮೂಲಕ ನಿರ್ದಿಷ್ಟ ಕೋರಿಕೆಯನ್ನು ಪೂರೈಸಲು ಬಯಸಿದರೆ ಚಂದ್ರಗ್ರಹಣದ ದಿನ ಸೂಕ್ತವಾಗಿದ್ದು, ಇಂದು ಪೂರ್ಣ ಆಚರಣೆಗಳೊಂದಿಗೆ ಅದನ್ನು ಜಪಿಸಬೇಕು.

ಯಾರದೇ ಜಾತಕದಲ್ಲಿ ಚಂದ್ರ ದೋಷವಿದ್ದರೆ ಅಥವಾ ಚಂದ್ರ ದುರ್ಬಲನಾಗಿದ್ದರೆ ಚಂದ್ರಗ್ರಹಣದ ದಿನ ಕಂಚಿನ ಪಾತ್ರೆಯಲ್ಲಿ ಹಾಲನ್ನು ಹಾಕಿ ಅದರಲ್ಲಿ ಮುಖ ನೋಡಿ ಯಾವುದಾದರೂ ಶಿವಾಲಯಕ್ಕೆ ಹೋಗಿ ಆ ಹಾಲನ್ನು ಶಿವಲಿಂಗಕ್ಕೆ ಅರ್ಪಿಸಬೇಕು. ಚಂದ್ರ ದೋಷವನ್ನು ಹೋಗಲಾಡಿಸಲು ರುದ್ರಾಕ್ಷ ಜಪಗಳೊಂದಿಗೆ ಚಂದ್ರ ಮಂತ್ರವನ್ನು ಸಹ ಜಪಿಸಬಹುದು.

ಇದನ್ನೂ ಓದಿ: Lunar Eclipse 2023 – ಕೇತುಗ್ರಸ್ತ ಚಂದ್ರಗ್ರಹಣ: ಯಾವ ರಾಶಿಗೆ ಶುಭ? ಯಾವುದಕ್ಕೆ ಅಶುಭ? ಪರಿಹಾರಕ್ಕೆ ಏನು‌ ಮಾಡಬೇಕು?

ಈ ವರ್ಷದ ಚಂದ್ರಗ್ರಹಣ ಶನಿವಾರ ಸಂಭವಿಸಲಿದೆ. ಅಂತಹ ಪರಿಸ್ಥಿತಿಯಲ್ಲಿ ಶನಿ ಸಂಬಂಧಿತ ದೋಷಗಳನ್ನು ತೊಡೆದುಹಾಕಲು ಸೂತಕದ ಅವಧಿಯ ಮೊದಲು ಒಂದು ಪಾತ್ರೆಯಲ್ಲಿ ಸಾಸಿವೆ ಎಣ್ಣೆಯನ್ನು ತುಂಬಿಸಿ ಮತ್ತು ಅದರಲ್ಲಿ ನಿಮ್ಮ ಮುಖವನ್ನು ನೋಡಿ, ಬಳಿಕ ಆ ಎಣ್ಣೆಯನ್ನು ಶನಿ ದೇವರಿಗೆ ಅರ್ಪಿಸಿ. ಇದರಿಂದ ಶನಿಗ್ರಹಕ್ಕೆ ಸಂಬಂಧಿಸಿದ ತೊಂದರೆಗಳು ಶೀಘ್ರವೇ ನಿವಾರಣೆಯಾಗುತ್ತವೆ.

ಚಂದ್ರಗ್ರಹಣದ ಪರಿಣಾಮಗಳನ್ನು ತಪ್ಪಿಸಲು ತೀರ್ಥಯಾತ್ರೆ, ಸ್ನಾನ ಮತ್ತು ದಾನ ಮಾಡಲು ಶಾಸ್ತ್ರಗಳಲ್ಲಿ ಸೂಚಿಸಲಾಗಿದೆ. ಅಂತಹ ಪರಿಸ್ಥಿತಿಯಲ್ಲಿ, ಚಂದ್ರಗ್ರಹಣದ ನಂತರ ಸಾಧ್ಯವಾದರೆ, ಗಂಗಾ ಸ್ನಾನ ಮಾಡಿ ಮತ್ತು ಅಗತ್ಯವಿರುವವರಿಗೆ ಅನ್ನ, ಬಟ್ಟೆ, ಹಣವನ್ನು ದಾನ ಮಾಡಿ.

ಚಂದ್ರಗ್ರಹಣದ ಸಮಯದಲ್ಲಿ ಮಾಡಬಾರದ ಕೆಲಸಗಳು

ಹಿಂದೂ ನಂಬಿಕೆಯ ಪ್ರಕಾರ ಚಂದ್ರಗ್ರಹಣದ ಸಮಯದಲ್ಲಿ ದೇವಾಲಯಗಳು ಅಥವಾ ದೇವರು ಮತ್ತು ದೇವತೆಗಳ ವಿಗ್ರಹಗಳನ್ನು ಮುಟ್ಟಬೇಡಿ.

ಚಂದ್ರಗ್ರಹಣದ ಸಮಯದಲ್ಲಿ ಅಡುಗೆ ಆಹಾರ ಮಾಡುವುದು, ಕೂದಲು, ಉಗುರು ಇತ್ಯಾದಿಗಳ ಕತ್ತರಿಸುವುದನ್ನು ತಪ್ಪಿಸಿ

ಹಿಂದೂ ನಂಬಿಕೆಯ ಪ್ರಕಾರ ಚಂದ್ರಗ್ರಹಣವನ್ನು ಅಪ್ಪಿತಪ್ಪಿಯೂ ನೋಡಬೇಡಿ. ಚಂದ್ರನಿಂದ ಉಂಟಾಗುವ ಕಷ್ಟವನ್ನು ನೋಡುವುದು ಒಳ್ಳೆಯದಲ್ಲ ಎಂದು ನಂಬಲಾಗಿದೆ. ಗ್ರಹಣ ಕಾಲದಲ್ಲಿ ಹೊರಗೆ ಓಡಾಡಬೇಡಿ.

ಆದರೆ ಕೆಲವೊಮ್ಮೆ ಹವಾಮಾನದಿಂದಾಗಿ ಚಂದ್ರನು ಮೋಡಗಳಿಂದ ಆವೃತವಾಗಿರುತ್ತದೆ. ಆದಲೂ ನೀವು ಆಗಸದ ಕಡೆ ನೋಡಿದರೆ ಸೂತಕವನ್ನು ಹೋಗಲಾಡಿಸಿಕೊಳ್ಳಬೇಕು.

ಮತ್ತಷ್ಟು ಅಧ್ಯಾತ್ಮ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

(ಗಮನಿಸಿ: ಧಾರ್ಮಿಕ ಬೋಧನೆಗಳ ಆಧಾರದ ಮೇಲೆ ಜನರ ಸಾಮಾನ್ಯ ಹಿತಾಸಕ್ತಿಗಳನ್ನು ಗಮನದಲ್ಲಿಟ್ಟುಕೊಂಡು ಮೇಲಿನ ಅಂಶಗಳನ್ನು ನೀಡಲಾಗಿದೆ)