ಮ್ಯಾಚ್ ಫಿಕ್ಸಿಂಗ್, ಪಾಕ್ ವಿರುದ್ಧದ ಸೋಲಿನೊಂದಿಗೆ ಅಂತ್ಯವಾಯ್ತು ಈ ಇಬ್ಬರು ಭಾರತೀಯರ ಕ್ರಿಕೆಟ್ ಬದುಕು

ಭಾರತದ ಇಬ್ಬರು ದಿಗ್ಗಜ ಕ್ರಿಕೆಟಿಗರಿಗೆ ಇಂದು ಬಹಳ ಮುಖ್ಯವಾದ ದಿನ. ಜೂನ್ 3 ರಂದು ಅವರು ಟೀಮ್ ಇಂಡಿಯಾ ಪರವಾಗಿ ಕೊನೆಯ ಅಂತರರಾಷ್ಟ್ರೀಯ ಪಂದ್ಯವನ್ನು ಆಡಿದರು. ಈ ದಿನ ಅವರ ಕೊನೆಯ ಅಂತರರಾಷ್ಟ್ರೀಯ ಪಂದ್ಯದ ದಿನವಾಗಲಿದೆ ಎಂದು ಅವರು ಊಹಿಸಿರಲಿಲ್ಲವೇನೊ. ಆ ಇಬ್ಬರು ಆಟಗಾರರೆಂದರೆ ಅಜಯ್ ಜಡೇಜಾ ಮತ್ತು ಮೊಹಮ್ಮದ್ ಅಜರುದ್ದೀನ್. 3 ಜೂನ್ 2000 ರಂದು ಪಾಕಿಸ್ತಾನ ವಿರುದ್ಧದ ಏಷ್ಯಾಕಪ್‌ನಲ್ಲಿ ಇವರಿಬ್ಬರು ಕೊನೆಯ ಬಾರಿಗೆ ಭಾರತಕ್ಕಾಗಿ ಒಂದು ಪಂದ್ಯವನ್ನು ಆಡಿದರು. ಈ ಪಂದ್ಯದ ನಂತರ ಭಾರತ ಪಂದ್ಯಾವಳಿಯಿಂದ ಹೊರಬಿತ್ತು. ಇದರೊಂದಿಗೆ, ಅಜಯ್ ಜಡೇಜಾ ಮತ್ತು ಮೊಹಮ್ಮದ್ ಅಜರುದ್ದೀನ್ ಅವರ ಹೆಸರುಗಳೂ ಹ್ಯಾನ್ಸಿ ಕ್ರೊಂಜೆ ಅವರ ಮ್ಯಾಚ್ ಫಿಕ್ಸಿಂಗ್ ಹಗರಣದಲ್ಲಿ ಕೇಳಿಬಂದವು. ಇದರಿಂದಾಗಿ ಇಬ್ಬರನ್ನೂ ತಂಡದಿಂದ ನಿಷೇಧಿಸಲಾಯಿತು. ಇದರೊಂದಿಗೆ ಈ ಇಬ್ಬರ ಕ್ರಿಕೆಟ್ ಬದುಕು ಸಹ ಅಂತ್ಯಗೊಂಡಿತು.

ಒಂದು ರನ್ ಒಳಗೆ ಮೂರು ವಿಕೆಟ್ ಇದು ಪಂದ್ಯಾವಳಿಯ ಐದನೇ ಪಂದ್ಯವಾಗಿತ್ತು. ಟಾಸ್ ಗೆದ್ದ ಪಾಕಿಸ್ತಾನ ನಾಯಕ ಮೊಯಿನ್ ಖಾನ್ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದರು. ಸಯೀದ್ ಅನ್ವರ್ ಮತ್ತು ಇಮ್ರಾನ್ ನಜೀರ್ ಪಾಕಿಸ್ತಾನಕ್ಕೆ ಉತ್ತಮ ಆರಂಭ ನೀಡಿದರು. ಇಬ್ಬರೂ ಮೊದಲ ವಿಕೆಟ್‌ಗೆ 74 ರನ್ ಸೇರಿಸಿದರು. ಆದರೆ ನಂತರ ಒಂದು ರನ್ ಒಳಗೆ ಮೂರು ವಿಕೆಟ್ ಬಿದ್ದಿತು. ಅನಿಲ್ ಕುಂಬ್ಳೆ ಮೊದಲು ಅನ್ವರ್ (43) ಮತ್ತು ಇಮ್ರಾನ್ ನಜೀರ್ (29) ಅವರನ್ನು ಬಲಿ ಪಡೆದರು. ನಂತರ ಅಜಿತ್ ಅಗರ್ಕರ್ ಇಂಜಮಾಮ್-ಉಲ್-ಹಕ್ (1)ಗೆ ಪೆವಿಲಿಯನ್ ದಾರಿ ತೋರಿಸಿದ್ದರು.

ಅಂತಹ ಪರಿಸ್ಥಿತಿಯಲ್ಲಿ, ಮೊಹಮ್ಮದ್ ಯೂಸುಫ್ (ಆಗ ಯೂಸುಫ್ ಯೋಹಾನಾ)ನೆಲಕಚ್ಚಿ ನಿಂತು ಪ್ರತೀಕಾರ ತೀರಿಸಿಕೊಂಡರು. ಅವರು 112 ಎಸೆತಗಳಲ್ಲಿ ಒಂಬತ್ತು ಬೌಂಡರಿ ಮತ್ತು ಒಂದು ಸಿಕ್ಸರ್‌ಗಳೊಂದಿಗೆ 100 ರನ್‌ಗಳ ಅಜೇಯ ಇನ್ನಿಂಗ್ಸ್ ಆಡಿದರು. ಈ ಸಮಯದಲ್ಲಿ, ಶಾಹಿದ್ ಅಫ್ರಿದಿ (21), ಮೊಯಿನ್ ಖಾನ್ (46) ಮತ್ತು ಅಬ್ದುಲ್ ರಝಾಕ್ (21) ಕೂಡ ಪ್ರಮುಖ ಇನ್ನಿಂಗ್ಸ್ ಆಡಿದರು. ಇದರೊಂದಿಗೆ ಪಾಕ್ ಏಳು ವಿಕೆಟ್‌ಗಳಿಗೆ 295 ರನ್ ಗಳಿಸಿತು. ಕುಂಬ್ಳೆ ಭಾರತ ಪರ ಅತಿ ಹೆಚ್ಚು ವಿಕೆಟ್ ಪಡೆದರು.

ಭಾರತದ ಸ್ಥಿತಿ ಕೆಟ್ಟದಾಗಿತ್ತು 295 ರನ್ಗಳನ್ನು ಬೆನ್ನಟ್ಟಿದ ಭಾರತದ ಸ್ಥಿತಿ ಕೆಟ್ಟದಾಗಿತ್ತು. ಪ್ರಮುಖ ಬ್ಯಾಟಿಂಗ್ ಕ್ರಮಾಂಕ ಅಬ್ದುಲ್ ರಝಾಕ್ ಮುಂದೆ ಮಂಡಿಯೂರಿತು. ಸೌರವ್ ಗಂಗೂಲಿ (8), ಸಚಿನ್ ತೆಂಡೂಲ್ಕರ್ (25), ರಾಹುಲ್ ದ್ರಾವಿಡ್ (26) ಮತ್ತು ಮೊಹಮ್ಮದ್ ಅಜರುದ್ದೀನ್ (1) 75 ರನ್ ಗಳಿಸುವುದರೊಳಗೆ ಪೆವಿಲಿಯನ್‌ಗೆ ಮರಳಿದರು. ಅಂತಹ ಪರಿಸ್ಥಿತಿಯಲ್ಲಿ, ಅಜಯ್ ಜಡೇಜಾ ಒಂದು ತುದಿಯಲ್ಲಿ ನಿಂತು ಉತ್ತಮ ಇನ್ನಿಂಗ್ಸ್ ಕಟ್ಟಿದರು. ಆದರೆ ಮೊಹಮ್ಮದ್ ಯೂಸುಫ್ ಪಡೆದ ಸಹಾಯ ಜಡೇಜಾಗೆ ಸಿಗಲಿಲ್ಲ. ಭಾರತದ ವಿಕೆಟ್‌ಗಳು ನಿಯಮಿತ ಅಂತರದಲ್ಲಿ ಕುಸಿಯುತ್ತಲೇ ಇದ್ದವು. ಇದರ ಪರಿಣಾಮ ಅಜಯ್ ಜಡೇಜಾ ಒಬ್ಬಂಟಿಯಾಗಿ ಉಳಿದಿದ್ದರು. ಅವರು ತಮ್ಮದೇ ಆದ ವೇಗದ ರನ್ ಗಳಿಸಲು ಪ್ರಯತ್ನಿಸಿದರು. ಆದರೆ ಅವರು 48 ನೇ ಓವರ್‌ನಲ್ಲಿ ಕೊನೆಯ ವಿಕೆಟ್‌ ಆಗಿ ಔಟಾದರು. ಅಜಯ್ ಜಡೇಜಾ 103 ಎಸೆತಗಳಲ್ಲಿ ಎಂಟು ಬೌಂಡರಿ ಮತ್ತು ನಾಲ್ಕು ಸಿಕ್ಸರ್‌ಗಳೊಂದಿಗೆ 93 ರನ್ ಗಳಿಸಿದರು.

ಮ್ಯಾಚ್​ ಫಿಕ್ಸಿಂಗ್ ವಿವಾದ ಭಾರತದ ಇನ್ನಿಂಗ್ಸ್ ಅನ್ನು 251 ರನ್ಗಳಿಗೆ ಕಟ್ಟಿಹಾಕಲಾಯಿತು. ಈ ಮೂಲಕ ಪಾಕಿಸ್ತಾನ 44 ರನ್ಗಳಿಂದ ಪಂದ್ಯವನ್ನು ಗೆದ್ದುಕೊಂಡಿತು. ಈ ಪಂದ್ಯದೊಂದಿಗೆ, ಮೊಹಮ್ಮದ್ ಅಜರುದ್ದೀನ್ ಮತ್ತು ಅಜಯ್ ಜಡೇಜಾ ಅವರ ಅಂತರರಾಷ್ಟ್ರೀಯ ವೃತ್ತಿಜೀವನ ಅಂತಿಮ ಹಂತಕ್ಕೆ ಬಂದು ನಿಂತಿತ್ತು. ಕಳೆದ ಪಂದ್ಯದಲ್ಲಿ ಮಾಜಿ ನಾಯಕ ಅಜರ್ ರನ್ ಗಳಿಸಬಹುದಾದ ಸ್ಥಳದಲ್ಲಿ, ಜಡೇಜಾ ಸ್ಮರಣೀಯ ಇನ್ನಿಂಗ್ಸ್ ಆಡಿದರು. ನಂತರ ಡಿಸೆಂಬರ್ 2000 ರಲ್ಲಿ, ಮ್ಯಾಚ್​ ಫಿಕ್ಸಿಂಗ್ ವಿವಾದದಲ್ಲಿ ಅಜರ್​ಗೆ ಕ್ರಿಕೆಟ್​ನಿಂದ ಶಾಶ್ವತವಾಗಿ ಬಹಿಷ್ಕಾರ ಹಾಕಿದರೆ ಜಡೇಜಾ ಅವರನ್ನು ಐದು ವರ್ಷಗಳ ಕಾಲ ನಿಷೇಧಿಸಲಾಯಿತು.